المطربة الجزائريّة * ثلجة *

**عطية لزهر** · #1 02/01/2011, 08h47

شكرا أخي عبد الواحد و انا في صدد رفع البقية انشاء الله
و البداية في أغنية يا لاليلو
يا لاليلو هاه لاليلو أعطاك ساقم اللول
طالعة نتصور ***نتصور في باب الزنقة *** و حبيتو جهار ماشي في الدرقة
نتصور يدي على قلبي ***حبيتو واشه مخبي
نتصور في باب جناني ***حبيتو كي ربي بلاني
نتصور يدي على خدي *** حبيتو أنا قدو وهو قدي
نتصور في باب الدار *** حبيتو هذا الي كان
شرح المفردات :
لاليلو : تدليل للمحبوب
ساقم :مقوم
اللول : العوج (اعطاك الله )

**عطية لزهر** · #2 02/01/2011, 15h46

و هذه الأغنية الحزينة و التي طابعها مختلف عن الباقي
اصبرت اصبرت
لالي يامة لالي ***لالي يامة لالي
اصبرت اصبرت لميمة يامة ** ما صبت دوايا يا ربي واه
راقدة في فراشي الدمعة جراية
ها سيدي الخير لميمة يامة ** سيسانك رابو يا ربي واه
عأولاد سطيف في صغرهم شابوا
ها دمعة عيني لميمة يامة ** باردة وتقرس
جاني الخبر راه خويا عرس
ها ليلة عرسي لميمة واه ** عملوها بيا
لعبولي براسي يا ربي واه
ها شهود الباطل لميمة يامة ** هاي واش قضيتو
كانكم على خويا راني في بيتو يا ربي واه

**عطية لزهر** · #3 03/01/2011, 17h02

و هذه رائعة أسمر يا زين الزين
أسمر يا زين الزين يا الريم الفالي ** ارفق بيا يا حنين و روف يا هلالي** حناني آه دلالي آه
1-قلبي يحبك يا زين يا وليد الجود ** لو تطلب مني العين ولا النجم المفقود
2-لسمر نورت حياتي و أيامي زهات ** باركولي يا خلاتي شموعي والله ضوات
3-لسمر يا أعز الناس مالك عقلي و روحي ** سلبني بالإحساس منسني دموعي و نوحي

**عطية لزهر** · #4 03/01/2011, 17h16

وهذه اغنية جاني المرسول مع انها موجودة بصوت نعيمة الجزائرية و كنت أتساءل حين سمعتها بأنها ليست ما كنت اسمعه منذ الثمانينات وحين وجدتها بصوت المطربة ثلجة عرفت لماذا كانت معروفة عندنا اكثر و لها شنة و رنة .
جاني المرسول أما يا مة ** بقيت نخمم واش نقول أما يامة
جاني يا بابا فرحي بوليد عناب ** الكلمة المصوابة كل الي يطلب مقبول
جاني للمدينة محبوبي وليد قسنطينة ** لعزيز علينا من حبو واش المعمول
جاني بالكيف زين النظرو وليد سطيف ** يعمل الكيف كل الي يطلب مقبول
جاني يتمايل لعزيز وليد القبايل ** والزين الهايل كي نشوفو يغيب المعقول
جاني بالخاطر ولد العاصمة الجزائر ** والزين الكامل من حبو واش المعمول

**عطية لزهر** · #5 03/01/2011, 18h07

و هذه أغنية تفاؤلية اضحك و تبسم
موال : تطل شمس الصباح ** بعد العسر يجي اليسر و تزول كل غبينة ** بعد الشدة راه تبرى لجراح ** وتعود كي قبيل متهني كي زمان
اضحك تبسم وحاول تنسى لهموم*** خليها لربي هو يفرج لمحان
اتمنى الخير و الله تنالو كل يوم *** ياو حتى حبيبك خليه جنبك فرحان
اضحك و خلي ليام لحوال تسير *** ما تغبن قلبك ما تخلي روحك في حيرة
و قول كلمة حلوة تبشر بالخير ***و ازهى مع حبيبك خلي خاطرو نشوان
خليك متهني وارتاح يزيان الحال***و انعم بحياتك و اسعد راحة البال
و اتبسم ديما والله تربح و تنال *** اضحك لحبيبك خليه ايامو تزيان
ياو دير ربي في بالك يفتح لبواب*** و اضحك وتبسم زهرك يجيك عند الباب
و ابشر بيومك تسهلك كل اسباب *** و انعم بحبيبك و اترك عنك كل حزان

**عطية لزهر** · #6 03/01/2011, 18h21

و هذه الأغنية بعنوان نارك يا بونارين المعروفة بصوت المطربة ثريا لكن اللآن بصوت المطربة ثلجة
نارك يا بونارين ياه نارك ما تطفاشي *** لسمر يا كحل العين ياه قطع خبرك ما جاشي
1-قالوا طلي طليت ** نلقى المرسم خالي ** يا حليلي طاحوا دموعي و بكيت ** عزيزي يا وليد خالي
2- الحجلة هبطت للواد** الفرد يتبع فيها **جضربها خويا الصياد** الحبة مكنت فيها
3-عندي زوز وخيات **وخياتي من بابا **واحدة في وهران** لخرى في عنابة
4-خويا شاق الدوار **يا حليلي يكركر في برنوسه ** في ايديه مشموم النوار ** و يعنقر في كبوسه

**أحمد عبد الواحد** · #7 07/01/2011, 16h59

أخي الكريم عطية لزهر شكرا جزيلا مرة أخرى
تفضل أغنية
- ياه لالي يما العجوز -
المطربة القديرة الرائعة ثلجة
هدية لعيونك
كلمة * يما * معناها * أمي *

**عطية لزهر** · #8 29/04/2011, 13h49

أغنية يا شجرة الارياح :
موال : هاي قالت هالالي يا ياييا ليلة البارح بايت ولفي فيه أنا نسنى يامة يسنى ما رقدتش يامة حنة رودوا علي يا حبابي
يا شجرة الارياح ياممة و تعزي علي كي نشوفك نرتاح *** هالالا منهو الي بيا
لالي لالي يامة لالي
يا شجرة الارياح ما ضرك لابرد و لا شهيلي ثابتة في لبطاح *** اهديلي صبرك اهديلي
بعدتني عن النواح و السهر مرافق ليلي *** خليني نرتاح ياو نصبر لهجر خليلي
حبيبي عني راح تكدرت و قلت حليلي *** كي شفتك الصباح بالفال و الله ظهرتيلي
المطر من فوقك سايح خفت عليك لا تميلي ***زرزاتك افراح ياو كثرت فيك مواويلي

**علي أبوناجي** · #9 30/04/2011, 08h53

اقتباس:

المشاركة الأصلية كتبت بواسطة عطية لزهر

أغنية يا شجرة الارياح :

موال : هاي قالت هالالي يا ياييا ليلة البارح بايت ولفي فيه أنا نسنى يامة يسنى ما رقدتش يامة حنة رودوا علي يا حبابي
يا شجرة الارياح ياممة و تعزي علي كي نشوفك نرتاح *** هالالا منهو الي بيا
لالي لالي يامة لالي
يا شجرة الارياح ما ضرك لابرد و لا شهيلي ثابتة في لبطاح *** اهديلي صبرك اهديلي
بعدتني عن النواح و السهر مرافق ليلي *** خليني نرتاح ياو نصبر لهجر خليلي
حبيبي عني راح تكدرت و قلت حليلي *** كي شفتك الصباح بالفال و الله ظهرتيلي
المطر من فوقك سايح خفت عليك لا تميلي ***زرزاتك افراح ياو كثرت فيك مواويلي

*بارك الله فيك كثيرا كثيرا ولك مني عظيم الشكر يا أستاذ عطية وتقبل جميل تحياتي

**عطية لزهر** · #10 08/05/2011, 15h18

بطاقة تعريف :ثلجة التبسية ولدت المطربة ثلجة في 12 جوان 1953 بتبسة اسمها الحقيقي سعدية بخوش ذات صوت قوي متمكن من الأغنية الفلكلورية الاوراسية.بداياتها في سنة 1976، حيث دعيت إلى حفلة قدمت فيها رفقة مطربة أخرى تسمى مباركة و الفرقة الفلكلورية لمدينة الونزة .و منذ تلك الحفلة لم تتوقف عن إحياء الحفلات العائلية و العروض.
عاشت بين ولايتي تبسة و عنابة ، كانت كل عام تسجل من 02 إلى 03 أشرطة كاسيت ، في عام 1984 دعيت أول مرة إلى حفلة ساهرة رسمية متلفزة في قسنطينة .تعاملت مع رابح درياسة و معطي بشير و محمد بوليفة ....الخ .