المطربة الجزائريّة * ثلجة *

**عطية لزهر** · #1 01/01/2011, 16h16

و اخيرا وجدت أغنية يا عيني نوحي
موال : قالت يا لالي ياه ياه يا ناس خلوني ** شرع الله لا تزيتو عذابي ** أنا صغيرة يا لميمة ضيعت شبابي **ردوا علي يا لوخية ردوا
يا عيني نوحي يا خلاللة رني **بعد العشرة خويا بدلني
1-يا عيني كفي من الدمعة يزي *** تزول الشدة يرجعلي عزي
يرجعلي عزي بعد الاحزان القلب يغني
2-يا قلبي اصبر وكبر بالك **تبدل ليام ويتغير حالك
يتغير حالك يا وبهواك القلب يغني
3-لوميمة قلتي الصابرين ينالوا ** هلكنا صبر ليام طوالو
ليام طوالو نطلب ربي غزالي يجيني
شرح مفردات :
خلالة : أداة نسيج تستعملها النساء لنسج الصوف
مع صورة للرائعة ثلجة

**أحمد عبد الواحد** · #2 01/01/2011, 17h45

خويا الكريم سي لزهر عطية حقيقة كل كلمات الشكر لا توفيك حقك في جهدك المبذول في تجميع أغاني أحد أعمدة الطرب الجزائري القديرة ثلجة ربي يطوللنا في عمرها الآن بدأت أشعر ببعض الراحة لأنو معي رجال ما زالو يخدمو برموش عينيهم تراث الجزائر الحقيقي بارك الله فيك ...
والله عندي أمنية أخي بالنسبة لأغاني القديرة ثلجة حاول بكل ما تستطيع العثور على الباقي من أعمالها أنا أعلم أنها مهمة صعبة لكن مش راح تصعاب معاك

بارك الله فيك راهي أمانة في رقبتك

**عطية لزهر** · #3 02/01/2011, 07h47

شكرا أخي عبد الواحد و انا في صدد رفع البقية انشاء الله
و البداية في أغنية يا لاليلو
يا لاليلو هاه لاليلو أعطاك ساقم اللول
طالعة نتصور ***نتصور في باب الزنقة *** و حبيتو جهار ماشي في الدرقة
نتصور يدي على قلبي ***حبيتو واشه مخبي
نتصور في باب جناني ***حبيتو كي ربي بلاني
نتصور يدي على خدي *** حبيتو أنا قدو وهو قدي
نتصور في باب الدار *** حبيتو هذا الي كان
شرح المفردات :
لاليلو : تدليل للمحبوب
ساقم :مقوم
اللول : العوج (اعطاك الله )

**عطية لزهر** · #4 02/01/2011, 14h46

و هذه الأغنية الحزينة و التي طابعها مختلف عن الباقي
اصبرت اصبرت
لالي يامة لالي ***لالي يامة لالي
اصبرت اصبرت لميمة يامة ** ما صبت دوايا يا ربي واه
راقدة في فراشي الدمعة جراية
ها سيدي الخير لميمة يامة ** سيسانك رابو يا ربي واه
عأولاد سطيف في صغرهم شابوا
ها دمعة عيني لميمة يامة ** باردة وتقرس
جاني الخبر راه خويا عرس
ها ليلة عرسي لميمة واه ** عملوها بيا
لعبولي براسي يا ربي واه
ها شهود الباطل لميمة يامة ** هاي واش قضيتو
كانكم على خويا راني في بيتو يا ربي واه

**عطية لزهر** · #5 03/01/2011, 16h02

و هذه رائعة أسمر يا زين الزين
أسمر يا زين الزين يا الريم الفالي ** ارفق بيا يا حنين و روف يا هلالي** حناني آه دلالي آه
1-قلبي يحبك يا زين يا وليد الجود ** لو تطلب مني العين ولا النجم المفقود
2-لسمر نورت حياتي و أيامي زهات ** باركولي يا خلاتي شموعي والله ضوات
3-لسمر يا أعز الناس مالك عقلي و روحي ** سلبني بالإحساس منسني دموعي و نوحي

**عطية لزهر** · #6 03/01/2011, 16h16

وهذه اغنية جاني المرسول مع انها موجودة بصوت نعيمة الجزائرية و كنت أتساءل حين سمعتها بأنها ليست ما كنت اسمعه منذ الثمانينات وحين وجدتها بصوت المطربة ثلجة عرفت لماذا كانت معروفة عندنا اكثر و لها شنة و رنة .
جاني المرسول أما يا مة ** بقيت نخمم واش نقول أما يامة
جاني يا بابا فرحي بوليد عناب ** الكلمة المصوابة كل الي يطلب مقبول
جاني للمدينة محبوبي وليد قسنطينة ** لعزيز علينا من حبو واش المعمول
جاني بالكيف زين النظرو وليد سطيف ** يعمل الكيف كل الي يطلب مقبول
جاني يتمايل لعزيز وليد القبايل ** والزين الهايل كي نشوفو يغيب المعقول
جاني بالخاطر ولد العاصمة الجزائر ** والزين الكامل من حبو واش المعمول

**عطية لزهر** · #7 03/01/2011, 17h07

و هذه أغنية تفاؤلية اضحك و تبسم
موال : تطل شمس الصباح ** بعد العسر يجي اليسر و تزول كل غبينة ** بعد الشدة راه تبرى لجراح ** وتعود كي قبيل متهني كي زمان
اضحك تبسم وحاول تنسى لهموم*** خليها لربي هو يفرج لمحان
اتمنى الخير و الله تنالو كل يوم *** ياو حتى حبيبك خليه جنبك فرحان
اضحك و خلي ليام لحوال تسير *** ما تغبن قلبك ما تخلي روحك في حيرة
و قول كلمة حلوة تبشر بالخير ***و ازهى مع حبيبك خلي خاطرو نشوان
خليك متهني وارتاح يزيان الحال***و انعم بحياتك و اسعد راحة البال
و اتبسم ديما والله تربح و تنال *** اضحك لحبيبك خليه ايامو تزيان
ياو دير ربي في بالك يفتح لبواب*** و اضحك وتبسم زهرك يجيك عند الباب
و ابشر بيومك تسهلك كل اسباب *** و انعم بحبيبك و اترك عنك كل حزان

**عطية لزهر** · #8 29/04/2011, 13h49

أغنية يا شجرة الارياح :
موال : هاي قالت هالالي يا ياييا ليلة البارح بايت ولفي فيه أنا نسنى يامة يسنى ما رقدتش يامة حنة رودوا علي يا حبابي
يا شجرة الارياح ياممة و تعزي علي كي نشوفك نرتاح *** هالالا منهو الي بيا
لالي لالي يامة لالي
يا شجرة الارياح ما ضرك لابرد و لا شهيلي ثابتة في لبطاح *** اهديلي صبرك اهديلي
بعدتني عن النواح و السهر مرافق ليلي *** خليني نرتاح ياو نصبر لهجر خليلي
حبيبي عني راح تكدرت و قلت حليلي *** كي شفتك الصباح بالفال و الله ظهرتيلي
المطر من فوقك سايح خفت عليك لا تميلي ***زرزاتك افراح ياو كثرت فيك مواويلي

**علي أبوناجي** · #9 30/04/2011, 08h53

اقتباس:

المشاركة الأصلية كتبت بواسطة عطية لزهر

أغنية يا شجرة الارياح :

موال : هاي قالت هالالي يا ياييا ليلة البارح بايت ولفي فيه أنا نسنى يامة يسنى ما رقدتش يامة حنة رودوا علي يا حبابي
يا شجرة الارياح ياممة و تعزي علي كي نشوفك نرتاح *** هالالا منهو الي بيا
لالي لالي يامة لالي
يا شجرة الارياح ما ضرك لابرد و لا شهيلي ثابتة في لبطاح *** اهديلي صبرك اهديلي
بعدتني عن النواح و السهر مرافق ليلي *** خليني نرتاح ياو نصبر لهجر خليلي
حبيبي عني راح تكدرت و قلت حليلي *** كي شفتك الصباح بالفال و الله ظهرتيلي
المطر من فوقك سايح خفت عليك لا تميلي ***زرزاتك افراح ياو كثرت فيك مواويلي

*بارك الله فيك كثيرا كثيرا ولك مني عظيم الشكر يا أستاذ عطية وتقبل جميل تحياتي

**seifali** · #10 31/03/2013, 09h55

اقتباس:

المشاركة الأصلية كتبت بواسطة عطية لزهر

شكرا أخي عبد الواحد و انا في صدد رفع البقية انشاء الله
و البداية في أغنية يا لاليلو
يا لاليلو هاه لاليلو أعطاك ساقم اللول
طالعة نتصور ***نتصور في باب الزنقة *** و حبيتو جهار ماشي في الدرقة
نتصور يدي على قلبي ***حبيتو واشه مخبي
نتصور في باب جناني ***حبيتو كي ربي بلاني
نتصور يدي على خدي *** حبيتو أنا قدو وهو قدي
نتصور في باب الدار *** حبيتو هذا الي كان
شرح المفردات :
لاليلو : تدليل للمحبوب
ساقم :مقوم
اللول : العوج (اعطاك الله )

-------------------------------------------------------
للتصحيح فقط : المطربة لاتقول أعطاك ساقم اللول ، ولكن على لزرق ملول
لزرق ملول قصته معروفة في الشرق، حيث طلبت منه حبيبته رؤية الحاصدة تحصد ، وفي ذلك الوقت لم تنضج السنابل بعد و في قمة الاخضرار، فلبى لها رغبتها و حصد اراضيه كلها قبل نضجها
ولذلك ضرب به المثل في الحب