♫ . رمــان الجنــايـــن . ♫

[M O H A M E D]

(3)

يا عاشق الليل أنا صاحي وياك الليل يا ليل
إن كنت نايم أو صاحي أنا ليلي طويل يا ليل
**
صوت بيسري من بعيد
رنته حلوة و شجية
يا ترى إنسان سعيد
و إلا شاكي الدنيا ديا
**
ليلاتي يا رمانة بيفوت من هنا
و يظهر إنه جار و ساكن جنبنا
يفضل يغني عن الغرام و عن القدر
و نار الهوى و طول السهر
و يختفي صوته تمام وقت السحر
و لا حد شاف و لا حد كان عنده خبر
**
يا جمال الرمان يا جماله
أنا هاسرق إيه يعني و ماله
صاحبه و فرحان بيغني
خليه مع أشجانه
و انا هاسرق رمانه
هاقطف و اخطف و املى المقطف
و اقطف و اخطف و املى المقطف
**
(4)

يا صاحب الملك وحدك يا رب يا موجود
لاغاك و سبّح بحمدك يا رب الوجود
سما و نجوم
سحاب و غيوم
و ليل و نهار
و فجر جديد
لكنه بعيد
و فكري احتار
إله موجود .. في كل وجود
و له أسرار
قلوب و قلوب .. هوى مكتوب
و نورها عمار
قال بينادي عليكم بين الشفق و الغيوم
يناجيه و يحلم بطيفه
تعرف حكايته إيه ؟
و قلب يعطف على قلب تاني
يسقيه بوشه شهد المحبة
و قلب يحلم ويا الأماني
مشتاق بيسأل عن الأحبّة
**
(5)

فيه إيه ؟ جري إيه ؟
فيه واحد بيغني .. و بصوته مجنني
أنا فاكرة .. أنا شفته .. بالصدفة .. و عرفته
بقى عارفة مين هو ؟
دا قريّب هنا هو ؟
- فين داره و مكانه ؟
- قدامك بستانه ..
- بستان الرمان ؟
- يبقى أبوه صاحبه
- يبقى احنا بقى جيران .. و ابويا كمان صاحبه
- تيجي نزوره ؟
- أما دي فكرة
- إمتى يا أختي ؟
- خليـــها بكرة
ساعة الفجر ما يطلع نوره
نجري و نلعب زي طيوره
**

[M O H A M E D]

( 6 )

حياتي غنوة لكل الناس
و تحكي عنها الناس للناس
حياتي غنوة
أحب اغني و طول ما بغني
أعيش بقلبي سعيد متهني
و اعيش بروحي مع اللي شغلني
في غنوة حلوة تقولها الناس
و يحكوا عنها الناس للناس
حياتي غنوة
**
( 7 )

يا جمال الرمان يا جماله
أنا هاسرق إيه يعني و ماله
صاحبه و فرحان بيغني
خليه مع أشجانه
و انا هاسرق رمانه
هاقطف و اخطف و املى المقطف
و اقطف و اخطف و املى المقطف
**
( 8 )

يلا بينا .. يلا بينا
بابا وافق يلا بينا
قلتي إيه ؟
- قلت له هانروح هنا نشم الهوا
- و قال لك إيه ؟
- قاللي لازم كلكم سوا سوا
**
بستان رمان أشكال و الوان
فيه جو جميل يهدي الحيران
و نسيمه عليل و ضل كمان
**
( 9 )

" رمانة .. "
صوت بيناديني
جاي من يميني
- لأ من شمالك يا ضي عيني
من جنب قلبك و القلب حبّك
اعشق جمالك و احلم بقربك
- و تبقى مين انا مش شايفاك
- تملي افوت تحت الشباك
- إنت اللي بتفوت و تغني ؟
و فـ كل ليلة تسهرني ؟
- أنا اللي حسنك يشغلني
و رمش عينك يسحرني
- صوتك جميل
- قربي مني
**
يلا بينا .. قبل بابا ما ينادينا ....
**

[M O H A M E D]

( 10 )

الصبــح ع الكــون بينوّر
و الديـك بيدّن فوق السور
ساعة ما شاف النور نوّر
زقزق على غصنه العصفور
صبح الصباح و الكون نوّر
الورد قام و الندى صحّــاه
و الزهر فاق ، الطير و ناداه
و النور سأل ع الفل و لقاه
الفل قايم متأخّر
**القلب بات بالهوى مشغول
و الليل مع المشغول بيطول
ويا النسيم أرغول بيقول
الحب موعود و مقدّر
صبح الصباح و الكون نوّر
**

( 11 )

- يا أمين .. يا أمين
- أبويا .. ألفين حمد الله على سلامتك و العمر يطول
- طول وقتي و انا جايب سيرتك .. و عليك مشغول
و إزي الحال
- الحال ؟ أهو عال
- فيه حاجة يا أمين مداريها عن ابوك
عينيك بتحكي و تتكلم .. بتخبي عني ؟
- القلب يابا بيتألم ..
- صارحني يا ابني
- مشغول يا ابويا .. و روحي تايهة حيرانه
خاضع لأمرك و طال يد رمانه
- رمانة تبقى بنت مين ؟
- رمانة بنت ابو الدهب .. جارنا اللي ساكن ع اليمين
من بعد تكعيبة العنب
- ابو الدهب .. دا جار قديم .. عيلة كريمة و طيبة
و احنا حبايب من سنين .. و صاحبي من عهد الصبا
عنده بنات ؟
- و مالوش بنين
- شوف حكمته .. شوف العجب
- أربع صبايا مكملين .. بالخفة و الذوق و الأدب
- أكبر ما فيهم ؟
- رمانة
- و الحلوة فيهم ؟
- رمانة
و القلب يعشق ؟
- رمانة
هاهاهاهاها...
**

[M O H A M E D]

( 12 )

- أنا رايحة يا أمينة ..
- فين رايحة يا رمانة ؟ و عيونك سرحانة
- مواعدني يا أمينة .. هنقابل بعضينا
- خايفة يا أختى لحد يشوفك .. و الا جيراننا يلمحوا طيفك
- مش راح اطوّل .. بس هاسلّم
- والله انا خايفة الناس تتكلم
**
( 13 )

رب الوجود موجود
يعلم فيك بالأسرار
الشوك في عود الورود
و الحب نور مع نار
رب الوجود موجود
مين يخشى قول الناس
و انت البصير العليم
و لكل واحد كاس
يفرغ معاه و يميل
رب الوجود موجود
**

[M O H A M E D]

( 14 )

بعد الرمان ما ينوّر
و نسيبه على غصنه يكبر
ألاقيه مقطوف و مبعتر
و دي حاجة تغيظ و تخيّر
هاستنى اللص و اشوفه
و افتش عنه و ادوّر
و بالعصا راح أدبّه
و ان طلت دمه هاشربه
أنا سامع صوت لما اشوف مين
دلوقتي يفوت دا حرامي لعين
أنا شفتك .. استني يا لصة
ما قفشتك و هارصك رصة
قولي و دليني .. فين بتخبيه
راح فين رماني .. اللي سرقتيه ؟
- بريئة و انت ظالمني .. دليلك إيه بتتهمني
- قولي لي قبلة انتي مين ؟
- أنا رمانة ..
- رمانة ؟ بنت ابو الدهب ؟ يا دي العجب يا دي العجب
دا احنا جيران و بقالنا زمان و ابوكي من أوفى الخلان
-" يا أمين .. يا أمين "
- رمانة .. و ابويا وياها .. دي الدنيا فرحانة .. بتغني ويانا
- فكرني بكرة اروح لعمك .. و ارفع رايا الفرح باسمك
- يا أمين يا أمين .. شد حالك يا أمين .. امسكوه امسكوه .. الحرامي اعوا تسيبوه
امسكوه امسكوه .. بالسلاسل قيّدوه
- الرحمة يا ناس .. الرحمة يا ناس
- على روحك إنت الجاني .. ليه تسرق من بستاني
- يلا احنا نودّيه لأبونا البستاني .. يإذيه و يربيه .. عمره ما يسرق تاني
- آدي الحرامي واقف أمامكم .. بإيه هاتؤمر ؟ و بإيه هاتحكم ؟
- راح اسامحه و اصفح عنه .. و لا حد يقرّب منه
سيبوا الحرامي ده سيبوه .. فكوا قيوده و سرّحوه
- نسيبه ازاي ؟ إزاي نسيبه ؟ اللص لازم ياخد نصيبه
- أهل السماح قالوا سماح
و احنا النهاردة فرحانين
جانا الفرح و لاح
و هاتبقى رمانة لأمين
**

[M O H A M E D]

( 15 )
طاب و استوى و جف عوده من الهوا
طاب و استوى الرمان
اللولي خدوه من حبّه
و الفرح لقوه في خدوده
رماني جميل و بحبه
من يوم ما اتلف فـ عوده
..
.
*

[جابر الحسيني]

يا سلام يا سلاموني .. دخول قنديل في الأوبريت غاية في الروعة و لازال الإستماع متواصلا ..