دعوه للمشاركه فى (((اغنيات متشابهه)))

**د.حسن** · #1 21/12/2010, 14h32

تحية خاصة لحبيب قلبى أ. سامى عبدالعزيز
الذى زاد من بهجة الموضوع وأنواره
وأقول له نسيت حبيبك شفيق
لما غنى لـ "أمونة" و "بهانة"
و"طالع جميل وأبوه كمان سمّاه حسن"
ونعيمة عاكف لما قالت "كده ياحسن كده"
ومحمد الكحلاوى لما قال "ياخولى الجناين ياحسن"
وشكوكو إللى مافى حفلة إلا لما طلب منه وردة
"حسن ياخولى الجنينة هات وردة ياحسن"
فرد عليه أحمد غانم مستعجباً :
"طب ما الناس فى جناين شافوا
ستين ألف جناينى خلافه
دا إللى غايظنى و ح يجننى"
مع تحياتى

**د.حسن** · #2 21/12/2010, 14h50

بالمناسبة .. جنب عدوية غنى محمد رشدى :
مانتيش عارفانى إزاى يانجاة ؟ دا احنا ياحبيبتى بلديات
تحت السجر ياوهيبة ياما كلنا برتقان
ياحسن يامغنواتى (حسن و نعيمة)
نعناعة .. إيه ده إللى سمعناه من ساعة ؟
ياعبدالله ياخويا سماح
ومن وطنياته ياابوخالد ياحبيب
مع تحياتى

**د.حسن** · #3 21/12/2010, 15h18

مشاركة خاصة بأغانى عبدالوهاب للملك فاروق

من كتر غيرتى عليك فى القلب خبيتك
وقلت لك يافاروق القلب ده بيتك

الفن مين يوصفه إلا إللى عاش فى حِماه
والفن مين يعرفه إلا إللى كان فى سماه
والفن مين أنصفه غير كلمة من مولاه
والفن مين شرّفه غير الفاروق ورعاه

شرفاً عرش مصر بك وتنقل بين فاروق تارة ً وأمونك
حسدتك الأنهار حين أتاهـــا أن فاروق من هواك وطينك

مبن ح يكمل أغانى فاروق ؟
مع تحياتى

#4 21/12/2010, 14h57

اقتباس:

المشاركة الأصلية كتبت بواسطة د.حسن

ممكن طبعاً يامصطفى يامصطفى
مع الإحتفاظ بالألقاب ..
أنا كان قصدى أدخل على الأغانى الفرانكوآراب
زى ماقلت فطومة و يامصطفى
لوليتا و لورا لعبدالعزيز محمود
مع تحياتى[/CENTER]

اقتباس:

المشاركة الأصلية كتبت بواسطة د.حسن

تحية خاصة لحبيب قلبى أ. سامى عبدالعزيز

الذى زاد من بهجة الموضوع وأنواره
وأقول له نسيت حبيبك شفيق
لما غنى لـ "أمونة" و "بهانة"
و"طالع جميل وأبوه كمان سمّاه حسن"
ونعيمة عاكف لما قالت "كده ياحسن كده"
ومحمد الكحلاوى لما قال "ياخولى الجناين ياحسن"
وشكوكو إللى مافى حفلة إلا لما طلب منه وردة
"حسن ياخولى الجنينة هات وردة ياحسن"
فرد عليه أحمد غانم مستعجباً :
"طب ما الناس فى جناين شافوا
ستين ألف جناينى خلافه
دا إللى غايظنى و ح يجننى"

مع تحياتى

اهو كدة والله يا د.حسن
مستني من بدري د.حسن دايما بيفاجئني بالحاجة التايهة وقاعد أفكر فيه ايه تاني طلع عندنا حاجات كتير تايهة صحيح ... تسلم لي والله يا د.حسن ......... بس بأة بمناسبة حسن اللى واخد النصيب الأكبر في الأغاني ..... فيه أغنية بس مش جاية على دماغي فيها الشاطر حسن .......يمكن أغنية أو صورة غنائية الله أعلم.
تحياتي وتقديراتي

**د.حسن** · #5 21/12/2010, 15h25

اقتباس:

المشاركة الأصلية كتبت بواسطة الباشاقمرزمان

فيه أغنية بس مش جاية على دماغي فيها الشاطر حسن .......يمكن أغنية أو صورة غنائية

النكتة حبكت والله يا أ. مصطفى
الشاطر حسن دى لا غنوة .. ولا صورة
.
.
.
دى حقيقة

( نكتة وليست أى حاجة تانية وليعاذ بالله )
مع تحياتى

#6 21/12/2010, 15h45

والله كنت عايز أقولها

بس استحيت

واكفش
( نكتة وليست أى حاجة تانية (وليعاذ) ولعياذ بالله )

بس والله انا شايف وليعاذ أصح لغوياً والله أعلم
تسلم لي يارب يا د.حسن

**عفاف سليمان** · #7 22/12/2010, 02h01

اقتباس:

المشاركة الأصلية كتبت بواسطة د.حسن

الإبنة الغالية أ. عفاف
زى ماتكونى مصممة قفشات
أول مرة الاقى حد مايعرفش مين غنى ياجمال ياحبيب الملايين

وبمناسبة إسم جمال تفضلوا الشوية دول :
ياجمال يامثال الوطنية .. أم كلثوم
إنت حبيبنا ياجمال .. بطل الثورة لعبدالوهاب
أنا شفت جمال والنبى يامه .. صباح
ياسلام لما قام جمال وقالها .. بالسلام لأم كلثوم
حد مايعرفش (...) .. فوازير عبد الحليم
جمال ياعز العرب .. موال لعبدالمطلب
ياجمال جمالك جمل جملة جمال ياجمال .. موال لأبودراع
ياجمال يابطل العروبة .. حفنى أحمد حسن
حققنا الآمال برياستك ياجمال .. بعد الصبر ماطال لأم كلثوم
وعندى الجمال وعندى جمال .. على باب مصر لأم كلثوم
جمال حبيبنا كلنا .. حبيب حياتنا كلنا لفريد الأطرش
ولد العم ياجمال يامنور أسوان الليلة .. نجاة
حقق المعجزات عزم جمال .. قصة السد لأم كلثوم
بهمة رئيسنا وزعيمنا وبطلنا جمال عبدالناصر .. وردة
لما نادى الشعب لبطله بطل الثورة جمال .. دقت ساعة العمل لعبدالوهاب
هى دى ثورة بلادى إللى حققها جمال .. طوف وشوف لأم كلثوم
(مافيش بعد كده .. جمال)
مع تحياتى

[/CENTER]

والدى الغالى
والعزيز على قلبى
***د حسن***
بصراحه لولا التفكير الجميل من حضرتك
والذاكره الذهبيه لحضرتك
ماشاء الله لا قوة الا بالله
متهيالى مكنش الموضوع هيبقى فيه
روح حلوه زى كده
خصوصا القفشات والنكات
واكيد طبعا غلطاتنا

خصوصا انا
بس الكيبورد هو السبب
وتلاه الان
الزهايمر والحمد لله
هههههههههههههه
مشاركات عن جد جمله جدا
اغنيات مكنتش احلم بيها
ولا كنت اذكرها الا لما حضرتك
والجميع شاركونى فيها او بمعنى اصح
هما وحضرتك اللى تعبتوا فيها
انا زهايمرى الخاص بى
يادوب جاب لى 4 او 5
اغنيات
على قدى
حضرتك والجميع
قمتم بعمل ومجهود رائع جميل
اما عن اغنية يا جمال يا حبيب الملايين
يا حبيب الملايين
هو مين اللى بيغنيها
(متهيالى ام كلثوم)
وحلوه الاغنيات عن الملك فاروق
اول مره اشوفها
سلمت لنا والدى العزيز
***د حسن***
ولا حرمنا الله منك ولا من
مشاركاتك وقفشاتك
و+
جرعات لتنشيط الذاكره لى
((للزهايمر))
ارق تحياتى
ابنتك عفاف

**عفاف سليمان** · #8 22/12/2010, 02h17

اقتباس:

المشاركة الأصلية كتبت بواسطة فؤاد

أهلاً طارق

فايزه أحمد

ابو قلب دهب
اهلا اخى فؤاد
مين طارق ده
هههههههههههههههههه
بجد والله مشاركاتك
بتبعث فى البهجه والسرور
لانك فعلا صاحب القلب الابيض
الجميل
نورت اخى فؤاد
وابقى سلم لى على
طارق
والحمد لله لقيت اغنيات فيها اسماء
بس انتم مش افتكرتوها
يا ربى ازغرد
اخيرا لقيت حاجه اكتبها
شوفوا
اما نعيمه
(مش فاكره حد كتبها ولا لا)
ليلى نظمى
حسونه ما تغبش عليه
صباح
فى الغاوى ينقط بطاقيته
ايضا
فى اوبريت فى فيلم
اسمه
الدره المشوى او الدره النيلى
وكان بيقول لها بتاع الدره
من عينيه الجوز يا بت
يا سنيه
هديك حلاوه لوز

لحوريه حسن تقريبا
بسبوسه
شاديه

بت يا دوسه
يا دوسه شايله البسبوسه
اوبريت ايضا
الدندورمه
شوف شوف الدندورمه
مصنوعه بايدين توفيق
الدندرمه
طبعا كان فيه اسم
توفيق
سنيه
العتره
لكن مش فاكره باقى الاسامى
حلو قوى كده انا هنهب
لكم كل التحيه والود والتقدير

ارق تحياتى
اختكم عفاف

**عفاف سليمان** · #9 22/12/2010, 02h24

اقتباس:

المشاركة الأصلية كتبت بواسطة محمود العيادى

معلهش يادكتور حسن فيه اغنيه من الفرانكو اراب و قعت من حضرتك اسمحلي اناولهلك اهه ( كنت فين ياعلي و امك بتدور عليك ) ودي كانت لمطرب الفرانكو اراب بوب عزام و ايضا بالنسبه لمحمد رشدي في الاسماء غني عرباوي وفيه اغنيه للاستاذ علي برضه و هي الاقي زيك فين ياعلي و كمان اغنيه في تراثنا الشعبي و احنا صغيرين علي يا علي يابتاع الزيت و كمان حد فينا ينسي رائعه سيد درويش يا بلح زغلول يا حليوه يا بلح .

اهلا اهلا
اخى استاذ
(((محمود)))

طبعا محدش نسى الاسامى دى
ولو كنت حضرتك راجعت الاسماء
فى المشاركات
كنت هتلاقى اللى كتبوا
عن على
مين بس قاصد على
الله يرحمك يا والدى
ههههههههههههه
اصل اسمى عفاف على
المهم
وهتلاقى حضرتك انى ذكرت اغنيه
يا بلح زغلول يا حليوه يابلح
لو حد عنده بلح يحدف لى بلحتين
هههههههههه
لكم ارق تحياتى
ونورت يلا بقه
هات لنا اسماء تانيه
اختك عفاف

**سامي عبد العزيز** · #10 22/12/2010, 05h19

دكتور حسن
أستاذة عفاف
أستاذ مصطفى
أستاذ فاضل
و كل أعزاء العين و أحباب القلب
جزيل الشكر
الموضوع ممتع و مفيد
مفيد في تنشيط الذاكرة
و في إضافة بعض المعلومات
و مواضيع الأغاني كثيرة
و الصفحات أصبحت كثيرة أيضا
و ليت أختنا عفاف تدون المواضيع التي تم تناولها حتى الآن
مثلا
القمر
الورد
السمار
الدموع
الشموع
.
.

و هكذا، مما يساعد في طرح أفكار أخرى