كلمات أغاني من ألحان الموسيقار رياض السنباطي

[غواص النغم]

أنغام الماضي
أمانة ياليل عليك ماتحرمنيش من الماضي واحلامه
خذ الحاضر وسيبني اعيش على الماضي و انغامه
على الماضي اللي عشنا فيه ونورنا نجوم لياليه
يمر الليل كأنه نهار وتتبسم لنا الأزهار
ويتفتح لنا النوار في دنيا كلها انوار

ونسهر ليلة والثانية ونسأل بعض ليه حننام ؟
ويضيع من عمرنا ثانية ماتتعوض من الأحلام
معاك يافرحة الدنيا حرام النوم علينا حرام
حرام الماضي دا ننساه وانا عايشة على ذكراه
عن الحاضر ماتسألنيش انا مش عايزه أيامه
خذ الحاضر وسيبني اعيش على الماضي وأنغامه
أمانه عليك..أمانه عليك

على الماضي اللي كان كله رضا وسماح
وصحبة ورد تبعثها في كل صباح
الاقي بسمتك فيها وتكبر فرحتي بيها
وقلب الورد يتفتح على الصوت اللي يغنيها
والاقي الدنيا في عنيا هنا وافراح
ويسكرني عبير حبك انام وارتاح
خسارة الحب دا كله ..خسارة نرجسه وفله
حرام زهرنا يذبل .. وياما عشنا في ظله
خسارة اللي راح مايجيش وانا عايشة في اوهامه
خذ الحاضر وسيبني اعيش على الماضي وأنغامه
أمانه عليك..أمانه عليك



نظم
صالح جودت

الموسيقار
رياض السنباطي

المطربة
سعاد محمد

الأغنية على هذا الرابط:
http://www.sama3y.net/forum/showpost.php?p=159830&postcount=113

تحياتي