فزورة عن الالات الموسيقية - الصفحة 8

**حسن كشك** · #71 27/11/2010, 03h40

الفزورة الجديدة يااسطوات ويازباين
ما اسم هذه الاله الموسيقية
( مازلنا مع الات الاوركستر السيمفونى )

**حسن كشك** · #72 27/11/2010, 03h50

اقتباس:

المشاركة الأصلية كتبت بواسطة الريحاني

يا باشا أنا معاكم من أول لحظة
بس زي ما قال حبيبنا الأستاذ حسن
باكون متنكر

منورنا ومشرفنا ياخليل افندى .... كرسى ياواد لخليل افندى ... وشاى فى الخمسينه ... وانا ها اديله اللى فيه القسمه ... منورنا ياخليل افندى ... تدخن سيجاره وينجز .... احنا عاوزين بس رضاك علينا ... واهو ياعم ... لابروزات ... ولا مواضيع خارج المواضيع .... ولا فارشين على الرصيف .

**حسن كشك** · #73 27/11/2010, 03h53

اقتباس:

المشاركة الأصلية كتبت بواسطة عزام هواش

معلمي حسن باشا
ان شوية عامل شغل وبدور على اسكتش اخويا ابو حسام هنا وهناك ومش قاعد بلعب
لكني اتي الى الورشة وبشقر على المعلمين والاسطوات اهو كله شغل ورزقه

ماشى يااسطى عزام ...
بس برضه لازم تيجى الورشه تعملنا شغلانه او اتنين واهو كل بحسابه ...
وبرضه دى ورشتك اساساً ... وليك فيها نصيب .... ولا نسيت
براحتك يااسطى

#74 27/11/2010, 06h37

اقتباس:

المشاركة الأصلية كتبت بواسطة محمود العيادى

الله عليك يابوحسام لازم المرفقات ببساطه تقوله ان الاوكتاف هو عباره عن زي ما حضرتك تفضلت علينا ووضحت من 8 حروف بس يبدا من القرار حتي الجواب يعني علي راي عمنا محمود شكوكو من فوق لتحت و بلاش نقول الكروماتك لحسن يقولوا الافنديه دول اكاديميين و و عمنا صلاح علام قاعد متربص للموضوع و بعدين ياسطي مصطفي انت فاضي للكلام ده خش شوف شغلك في الورشه,

الله عليك يا أستاذ محمود
بدأت التقسيم والعزف .... ماشي بس يارب ما تستخدم الترومبيطة بتاعة حسب الله أحسن نفوخي يوجعني ماشي حروح أظبط الشغل واجي وبعدين فينه عم صلاح علام صار له زمن مش بشوفه وله وحشة والله ..... هو زعلان مني والا حاجة .... قولولي و الله وأنا أصالحه .... لأني مفتقده بجد

سلام المعلم جاي اروح أظبط الشغل

#75 27/11/2010, 08h42

استاذ محمود العيادي قالي رح اشتغل
وابو حسام قال يلا اشتغلوا
والمعلم حسن يقول فين الشغل
ومراقب البلدية خلو أفندي جالس متنكر
والاستاذ صلاح علام متربص على قولة اخونا العيادي
وعم عزام بيتفرج بس عشان عنده شغل
وباقي الاسطوات هاربين مش عارف ليه

ماشي شوفو الشغل اللى أصوله وهاتوا الاجابة ................ يلا يا أسطوات ويا معلمين .... ومعهام ابو خليل الاسطى الصغير في الورشة ..........اسم الآلة دي ايه؟

سوري يا عم حسن ما خدتش بالي من الفزورة بتاعتك

السماح يا معلمي

#76 27/11/2010, 09h02

اقتباس:

المشاركة الأصلية كتبت بواسطة حسن كشك

الفزورة الجديدة يااسطوات ويازباين

ما اسم هذه الاله الموسيقية
( مازلنا مع الات الاوركستر السيمفونى )

الفلوت الصغير (Piccolo) وهو اصغر حجما من الفلوت، وأحَد منه صوتاً. وتُعزف نغماته ثمانى نغمات (Octave) أحَدّ.

**خليـل زيـدان** · #77 27/11/2010, 09h13

اقتباس:

المشاركة الأصلية كتبت بواسطة حسن كشك

منورنا ومشرفنا ياخليل افندى .... كرسى ياواد لخليل افندى ... وشاى فى الخمسينه ... وانا ها اديله اللى فيه القسمه ... منورنا ياخليل افندى ... تدخن سيجاره وينجز .... احنا عاوزين بس رضاك علينا ... واهو ياعم ... لابروزات ... ولا مواضيع خارج المواضيع .... ولا فارشين على الرصيف .

ربنا يكرمك يا حسن باشا يا جميل

وربنا يرضى علينا جميعاً ، وشكراً يا عم على الشاي والسجاير
أول ما جيت ، بسرعة الأسطوات دخلوا العـدة
اللي كانت على الرصيف
وآدي واحد منهم

**أبو_خليل** · #78 27/11/2010, 10h44

اقتباس:

المشاركة الأصلية كتبت بواسطة الباشاقمرزمان

استاذ محمود العيادي قالي رح اشتغل

وابو حسام قال يلا اشتغلوا
والمعلم حسن يقول فين الشغل
ومراقب البلدية خلو أفندي جالس متنكر
والاستاذ صلاح علام متربص على قولة اخونا العيادي
وعم عزام بيتفرج بس عشان عنده شغل
وباقي الاسطوات هاربين مش عارف ليه

ماشي شوفو الشغل اللى أصوله وهاتوا الاجابة ................ يلا يا أسطوات ويا معلمين .... ومعهام ابو خليل الاسطى الصغير في الورشة ..........اسم الآلة دي ايه؟

سوري يا عم حسن ما خدتش بالي من الفزورة بتاعتك

السماح يا معلمي

هي آلة الكمان الصينية ذات الوترين الإرهو Erhu

المعروف أيضا باسم Huqin ، وهو الاسم الأقدم للآلة . عرفت في وقت مبكر وكان الصينيون القدماء يطلقون عليه Xiqin ( وهي تنحدر من القبائل المغولية في أواخر القرن العاشر وأوائل القرن الحادي عشر). تتكون من وترين يضبطان على بعد الدرجة الخامسة ( أي يفصل بين الوتر الأول والوتر الثاني عند ضبط الآلة – الدوزان – مسافة الخامسة التامة أي خمسة درجات صوتية كاملة ) بمعني أن لو كان التر الأول يضبط على الدرجة الصوتية دو فإن الوتر الثاني ستضبط على الدرجة الصوتية صول وهي الدرجة التي تبعد بمقدار خمسة درجات صوتية صعوداً عن الدرجة الأولى دو وهكذا ….، وبعض الآلات يكون بها أربعة أوتار تضبط بنفس الطريقة . الصندوق المصوت للآلة ( الذي يصدر منه صوت الآلة ) مربع الشكل من الخشب الطبيعي مشدود عليه جلد الثعبان .

**أبو_خليل** · #79 27/11/2010, 10h53

ورينا شطارتك يا باشا مع هذه الآلة؟

**حسن كشك** · #80 27/11/2010, 15h11

اقتباس:

المشاركة الأصلية كتبت بواسطة أبو_خليل

ورينا شطارتك يا باشا مع هذه الآلة؟

من شروط الفزورة الموسيقية ياابو خليل (ياصبى اسطى ) ان تكون صورة الاله كاملة ... عشان اللى ماشفهاش قبل كده يعرفها ... وتكون الصوره واضحه جداً وبها كل تفاصيل الاله ... لأن المقصود من هذا الموضوع ... تثفيف اهل سماعى .... مش أننا نحيرهم .... عشان كده بنرفع صوره كامله وواضحه ... ونتبعها بمعلومات وافيه عن الاله ... وايضاً معزوفه بصوتها ... ده الهدف ... واحنا بنشد الناس بحكاية الفزوره ... وكان ممكن يكون الموضوع اكاديميى لكن ها يكون دمه تقيل اوى .... ولا ايه
ولسه ياما ها تتعلم ... لغايه ما تكبر وتبقى معلم .... ويموت المعلم ولم يتعلم

يالا غير الصوره وهات صوره كامله للأله الى شبه اله القرب الاسكتلنديه ... بس دى فيها شبه من الات نفخ فى المغرب العربى

مش مهم تكون الفزوره صعبه ... المهم اننا نجمع اكبر قدر فى هذا الموضوع للالات الموسيقية ... ونحوله لموسوعه سماعية
وصلك المقصود ... والا لسه