فزورة عن الالات الموسيقية

**محمود العيادى** · #1 26/11/2010, 23h51

اقتباس:

المشاركة الأصلية كتبت بواسطة الألآتى

الشرح فى المرفقات ياعم مصطفى .. على الله توصل المرة دى ..

الله عليك يابوحسام لازم المرفقات ببساطه تقوله ان الاوكتاف هو عباره عن زي ما حضرتك تفضلت علينا ووضحت من 8 حروف بس يبدا من القرار حتي الجواب يعني علي راي عمنا محمود شكوكو من فوق لتحت و بلاش نقول الكروماتك لحسن يقولوا الافنديه دول اكاديميين و و عمنا صلاح علام قاعد متربص للموضوع و بعدين ياسطي مصطفي انت فاضي للكلام ده خش شوف شغلك في الورشه,

**أبو_خليل** · #2 27/11/2010, 00h25

برافو سيد محمود طبعا آلة السمسمية
هى اله موسيقية شعبية ذات خمسة اوتار وهى موسيقيا تتبع السلم الخماسى pentatonic scal ( دوماجير) مثلها مثل الربابه - الطنبوره - الراب - الارغول - موسيقى الجاز
وتتكون اجزاء الاله كما هو مبين بالرسم من
الفرمان- الحمال - السناد - الشمسية - القرص - صندوق الصوت - الحوايات - الاوتار - الفرس- وقد تختلف بعض اسماء قطعها فنجد البعض يطلقون اسم البنجا على الفرمان والرقمة على الشمسية .....الخ
واوتار السمسية الخمسة من سلك صلب ( اسلاك التليفون )
فى الغالب فان عزف اله السمسمية يكون على مقام ( الراست ) وتضبت (دوزن ) على اله البيانو
اصول اله السمسمية
هناك اراء تقول ان اصل اله السمسمية هى اله الكناره الفرعونية وكانت اله الكناره الفرعونية تشبه الى حد كبير اله الهارب الحالية الا انها اصغر حجما وبعدد سبعة اوتار من امعاء الحيوان
تطورت الى اله الطنبور النوبية الحالية وهى عبارة عن علبه من الخشب او قصعة او طبق صاج مشدود عليه جلد رقيق ولها زراعان متباعدان يسميا المداد يربطمها زراع ثالث على هيئة قاعدة المثلث تسمى حماله ويتم ربط الاجزاء بخيوط قوية من اعصاب الطور وتزين بالخرز والنقوش والدلايات ويكثر استخدامها بكثرة فى الزار وتتبع السلم السباعى Diatonic Scale
ثم كان التطور الى اله السمسية التقليدية الحاليةمما يدل على انها اله مصرية خالصة
لكن هناك راى اخر انها دخلت الى مصر مع ابناء الجزيرة العربية التجار الذين كانو ياتو الى مدينة السويس او استقروا بها
ودلالات اصحاب هذا الرأى الاغانى المشهور ب ( الادوار الجداوية ) نسبة الى مدينة جدة والتى مازالت تغنى حتى الان فى مدينة السويس
واول من استخدم اله السمسية من اهل السويس هو الفنان السويسى ( كبربر ) ثم انتقلت الى مدينة الاسماعيلية واول من استخدمها بالاسماعيلية الفنان( احمد فرج )ثم انتقلت الى بورسعيد واول من استخدمها الفنان ( احمد السواحلى ) والملاحظه العامة الهامة ان كلهم من اصحاب البشرة السوداء
سماء اوتار آلة السمسمية
من اليمين الى الشمال حسب الرسم السابق
البومه - المتكلم - المتحدث - المجاوب - الشراره
وعند العزف فان عازف السمسية يقوم بعزف المقطوعة او الاغنية حسب مقام واحد ولا يستطيع الانتقال الى مقام اخر داخل العمل وانما قبل البدء فى العزف يقوم بضبط اوتار السمسية حسب المقام الذى سيتم العزف عليه واذا تغير المقام يتوقف عازف السمسية عن العزف لاعادة الضبط .
اهم المقامات الموسيقية شائعة الاستخدام لالة السمسية
راست - كرد - بياتى - حجاز - عجم - نهاوند- هزام
واذا كنا ذكرنا ان السمسية ظهرت وانتشرت بمدن القناة الا ان هناك اماكن اخرى ظهرت بها مثل جبل الطور بسيناء

**حسن كشك** · #3 27/11/2010, 03h27

بقولك ايه اخى ابو خليل ( صبى اسطى )
اولا يشرفنا انضمامك للورشة
ثانيا :انت تاخدلك دوره تدريبيه الاول داخل منتدى سماعى
تروح تتفسح كده فى كل اركانه ومواضيعه
وشوف ايه اللى فيه .... وارجع لنا بعد الجولة
هتلاقى حاجات كتير اوى اتغيرت فى حصيلة معلوماتك
ياالله ياصبى .... ابدأ الجولة

الموضوع الذى نقلت من الصوره ... والمعلومات ... موجود هنا فى منتدى سماعى
انا ها اسيب المشاركه بتاعتك شويه وبعدين نحذفها للتكرار

اضغط هنا
لتدخل على الموضوع

**حسن كشك** · #4 27/11/2010, 03h40

الفزورة الجديدة يااسطوات ويازباين
ما اسم هذه الاله الموسيقية
( مازلنا مع الات الاوركستر السيمفونى )

#5 27/11/2010, 09h02

اقتباس:

المشاركة الأصلية كتبت بواسطة حسن كشك

الفزورة الجديدة يااسطوات ويازباين

ما اسم هذه الاله الموسيقية
( مازلنا مع الات الاوركستر السيمفونى )

الفلوت الصغير (Piccolo) وهو اصغر حجما من الفلوت، وأحَد منه صوتاً. وتُعزف نغماته ثمانى نغمات (Octave) أحَدّ.

#6 27/11/2010, 06h37

اقتباس:

المشاركة الأصلية كتبت بواسطة محمود العيادى

الله عليك يابوحسام لازم المرفقات ببساطه تقوله ان الاوكتاف هو عباره عن زي ما حضرتك تفضلت علينا ووضحت من 8 حروف بس يبدا من القرار حتي الجواب يعني علي راي عمنا محمود شكوكو من فوق لتحت و بلاش نقول الكروماتك لحسن يقولوا الافنديه دول اكاديميين و و عمنا صلاح علام قاعد متربص للموضوع و بعدين ياسطي مصطفي انت فاضي للكلام ده خش شوف شغلك في الورشه,

الله عليك يا أستاذ محمود
بدأت التقسيم والعزف .... ماشي بس يارب ما تستخدم الترومبيطة بتاعة حسب الله أحسن نفوخي يوجعني ماشي حروح أظبط الشغل واجي وبعدين فينه عم صلاح علام صار له زمن مش بشوفه وله وحشة والله ..... هو زعلان مني والا حاجة .... قولولي و الله وأنا أصالحه .... لأني مفتقده بجد

سلام المعلم جاي اروح أظبط الشغل

#7 27/11/2010, 08h42

استاذ محمود العيادي قالي رح اشتغل
وابو حسام قال يلا اشتغلوا
والمعلم حسن يقول فين الشغل
ومراقب البلدية خلو أفندي جالس متنكر
والاستاذ صلاح علام متربص على قولة اخونا العيادي
وعم عزام بيتفرج بس عشان عنده شغل
وباقي الاسطوات هاربين مش عارف ليه

ماشي شوفو الشغل اللى أصوله وهاتوا الاجابة ................ يلا يا أسطوات ويا معلمين .... ومعهام ابو خليل الاسطى الصغير في الورشة ..........اسم الآلة دي ايه؟

سوري يا عم حسن ما خدتش بالي من الفزورة بتاعتك

السماح يا معلمي

**أبو_خليل** · #8 27/11/2010, 10h44

اقتباس:

المشاركة الأصلية كتبت بواسطة الباشاقمرزمان

استاذ محمود العيادي قالي رح اشتغل

وابو حسام قال يلا اشتغلوا
والمعلم حسن يقول فين الشغل
ومراقب البلدية خلو أفندي جالس متنكر
والاستاذ صلاح علام متربص على قولة اخونا العيادي
وعم عزام بيتفرج بس عشان عنده شغل
وباقي الاسطوات هاربين مش عارف ليه

ماشي شوفو الشغل اللى أصوله وهاتوا الاجابة ................ يلا يا أسطوات ويا معلمين .... ومعهام ابو خليل الاسطى الصغير في الورشة ..........اسم الآلة دي ايه؟

سوري يا عم حسن ما خدتش بالي من الفزورة بتاعتك

السماح يا معلمي

هي آلة الكمان الصينية ذات الوترين الإرهو Erhu

المعروف أيضا باسم Huqin ، وهو الاسم الأقدم للآلة . عرفت في وقت مبكر وكان الصينيون القدماء يطلقون عليه Xiqin ( وهي تنحدر من القبائل المغولية في أواخر القرن العاشر وأوائل القرن الحادي عشر). تتكون من وترين يضبطان على بعد الدرجة الخامسة ( أي يفصل بين الوتر الأول والوتر الثاني عند ضبط الآلة – الدوزان – مسافة الخامسة التامة أي خمسة درجات صوتية كاملة ) بمعني أن لو كان التر الأول يضبط على الدرجة الصوتية دو فإن الوتر الثاني ستضبط على الدرجة الصوتية صول وهي الدرجة التي تبعد بمقدار خمسة درجات صوتية صعوداً عن الدرجة الأولى دو وهكذا ….، وبعض الآلات يكون بها أربعة أوتار تضبط بنفس الطريقة . الصندوق المصوت للآلة ( الذي يصدر منه صوت الآلة ) مربع الشكل من الخشب الطبيعي مشدود عليه جلد الثعبان .

**أبو_خليل** · #9 27/11/2010, 10h53

ورينا شطارتك يا باشا مع هذه الآلة؟

**حسن كشك** · #10 27/11/2010, 15h11

اقتباس:

المشاركة الأصلية كتبت بواسطة أبو_خليل

ورينا شطارتك يا باشا مع هذه الآلة؟

من شروط الفزورة الموسيقية ياابو خليل (ياصبى اسطى ) ان تكون صورة الاله كاملة ... عشان اللى ماشفهاش قبل كده يعرفها ... وتكون الصوره واضحه جداً وبها كل تفاصيل الاله ... لأن المقصود من هذا الموضوع ... تثفيف اهل سماعى .... مش أننا نحيرهم .... عشان كده بنرفع صوره كامله وواضحه ... ونتبعها بمعلومات وافيه عن الاله ... وايضاً معزوفه بصوتها ... ده الهدف ... واحنا بنشد الناس بحكاية الفزوره ... وكان ممكن يكون الموضوع اكاديميى لكن ها يكون دمه تقيل اوى .... ولا ايه
ولسه ياما ها تتعلم ... لغايه ما تكبر وتبقى معلم .... ويموت المعلم ولم يتعلم

يالا غير الصوره وهات صوره كامله للأله الى شبه اله القرب الاسكتلنديه ... بس دى فيها شبه من الات نفخ فى المغرب العربى

مش مهم تكون الفزوره صعبه ... المهم اننا نجمع اكبر قدر فى هذا الموضوع للالات الموسيقية ... ونحوله لموسوعه سماعية
وصلك المقصود ... والا لسه