ذكرى

[ليلى ابو مدين]

المشاركة الأصلية كتبت بواسطة Tarek Elemary

لما تبقى وحيد فى حُزنك و الفرح دايماً مشاع

و أما همك يبقى وزنك و الأسى ملو الشراع

على فين مركب حياتك ترسى غير شط الضياع؟

دفتى مش ملك إيدى لما موج البحر هاج

و القلوع زى الضلوع ضَامَّة قلب مالِيه صِراع

الغلط بقى هو صح ... اللى إشترى زى اللى باع

و اللى نام زى اللى قام و اللى قال الحق جاع

عندها لازم تفكر لما عقلك ينبسط آخر مزاج

تسوى آيه الدنيا دية مهما زاد طولها إتساع؟

آخرة المشوار هانرحل زى غيرنا بدون وداع

مش هايبقى إلا ذكرى وصفها حسب الطباع

يا إمَّا تبقى ذكرى حلوة

يا إمَّا تبقى بيت زجاج

بسم الله الرحمن الرحيم
الشاعر الكبير الاستاذ
طارق العمري
سلام الله عليك ورحمته وبركاته
الله الله الله
ما شاء الله يا أستاذنا وشاعرنا الكبير
أبيات غايه في الروعه كلمات بسيطة وسلسة ومعاني
غايه في الوضوح والأهميه
ونصيحة غاليه منك يا شاعرنا الفاضل تعبر عمّا يختلج
في قلوبنا وقت الشدّه والضيق من صراعات وإختلاطات
للأفكار والرؤى,ولكنها أيضاً تعطينا بصيص من الأمل
والرجوع الى العقل
لنتذكر دائماً أن الدنيا في النهايه فانيه ولا يبقى الا الذكرى
الطيبه التي يتركها كلً منّا
جزاك الله خيراً ومتعك بالصحه والعافيه
مع خالص تحياتي واحتراماتي
ليلى ابو مدين