اقتباس:
المشاركة الأصلية كتبت بواسطة MOHAMED ALY
لا مؤاخذة ياعم رضا و يا ابو على ... اسمحوا لى أن اتحشر معكم فى هذا الحوار المرهف الذى يحمل كل الشجون و الذكريات المختلطة .. بمرها و حلوها .
و على قدر المرارة و المعاناة التى لاقاها اهالى محافظات خط القنال من ظروف التهجير ... فقد كانت تلك الفترة عاملا اساسيا فى أن يعتبر الكثير من القاهريين أنفسهم من ابناء بور سعيد او السويس او الاسماعيلية .. و كان التواصل بين المصريين ..مهّجرين و مقيمين متصلا و دائما حتى حل علينا الانفتاح الرجيم .. هل تذكرون صديقى المهندس / حسن السباعى .. الذى حضر معنا لقاء زهرة البستان فى شهر رمضان الفائت .. حسن السباعى التحق بكلية الهندسة ببور سعيد فى عام 1974 ... بع عام من انتهاء حرب اكتوبر .. عندما استقا السوبر جيت ( او البيجو ) متوجها الى بور سعيد ليحضر بدايات العام الدراسى و لهيأ لنفسه المسكن الذى سيقيم فيه فى تلك المحافظة التى كانت فى بدايات تعميرها بعد حروب يونية 76 و الاستنزاف و اكتوبر 73 .. المهم أن يجلس فى الكرسى الملاصق لحسن .. رجلا من ابناء بور سعيد .. و كعادتنا فى مصر .. لا بد و أن نقضى الطريق و نقطع الوقت فى الحديث و احوار .. و الذى كان وديا و حميميا كعادة و طباع ذاك الزمان و اهله ..و حمل حسن مخاوفه من المجهول الذى هو مقدم عليه الى زميل السفر و الطريق .. الذى اصر أن يستضيف حسن عنده فى بيته وسط اولاده الى أن يأذن الله بأمر كان مفعولا ... و قد كان ما اصر عليه .
تلك لمحة من لمحات ذلك الزمن الصعب و الظروف العسيرة التى جعلت قلوبنا جميعا تتلاصق و تدق معا احلى السيمفونيات بلا نشاز .
و سلم لى على الانفتاح و الرفاهية الاقتصادية و عصر العولمة .
و جاى لك قريبا إن شاء الله يا ابو على فى كذا مشروع جديد عندكم .
|
ارد على حضرتك محمد على باشا ... من تحت لفوق
تشرف وتنور الاسماعيلية ... ولو انك باين عليك جاى القنطرة ... عشان تضرب اكله البورى
على كل حال البلدية عندنا رصفت الطريق الدائرى .... ونوروه وزينوه .... وخلوه زى الفل ... طريقك زراعى ياباشا واكيد مشروعاتك مياه ... صح .
ياعمنا زى ماقال اخويا رضا .... انت تشرف مش تتحشر ...
سلامنا مقدما للاخ حسن السباعى .... ولعلمك كل الجدعان اوى اسمهم حسن
م حسن الفقيه
د حسن عبد الحافظ
د حسن hassanh
د حسن عبد الحافظ المكرر
أ حسن السباعى
حسن كشك ... العبد الفقير لله
شفت حسنات سماعى قد ايه
والجدعان كتير
وهاقولك حكايه بسيطة وصغيره
احنا هاجرنا مرتين بعد 67 الاولى لما مشينا الستات والبنات والعواجيز ... عشان اسرائيل كانت بتقصف البيوت بالمدافع والصواريخ والطائرات .... وفضلنا احنا فى البلد ندافع عنها
والمره الثانية لما الحكومه امرت بغلق المدارس والتهجير الاجبارى
وكان والدتى واخوتى هاجروا الزقازيق .... تصدق يامحمد باشا ... ان صاحب البيت اللى سكنوا فيه وكان بيت على قد الحال ... مكانش بيرضى ياخد منهم ايجار .... والاكثر كان كل يوم يجيب لهم الفطار ... على قد الحال برضه طبق الفول والعيش والجبن القريش ... وبدون مقابل ... كان راجل طيب الله يرحمه
لكن لطول المده وكنا انتقلنا الى بيت اكبر ... خلاص راح كل ده ... وكانوا بيقولوا لنا فى الزقازيق ... انتم يامهاجرين غليتوا علينا المش .
وسلملى على الفكر الجديد والمستقبل الافضل وصندوق النقد الدولى ووزيرنا الهمام اللى باع كل حاجه
ومافضلش حاجه ياوهيبه ....
وهيبه ....
وهيبه ...
وطارت وهيبه
على صندوق النقد الدولى.
رد: أغنيتان فى تحليل واحد
العرض الشجري