ياخوفى ياحمد (أغنية)

[ليلى ابو مدين]

المشاركة الأصلية كتبت بواسطة ام مدحت

ياخوفى ياحمد

بستان حياتى ياحمد
وماحدّش يعرفه
مستنىّ تيجى ياحمد
فى الكوشة تشرفه
عليّا الهجر زاد
واستحملت البعاد يارب ماتنسى ياحمد
وغيرك يقــطفه
,,,,,
مافيش من اهلى واحد
كان يعرف بنـّا ايه
وان جالهم حدّ غيرك
خوفى يوافقوا عليه
والمرّ يزيد عليّه
ولاحدّ يحس بيّه
والسّر يموت معايه
وماحدّش يعرفه
يارب ماتنسى ياحمد
وغيرك يقطفه
,,,,,
ماحدّش من جرانـّا
كان يعرف بيّه ايه
والحب اللى مابنـّا
عمرى ماقولتش عليه
خوفى تزيد الاسيّه
وتبان دمعة عنيّه
والناس ح تحسّ بيّه
وعنيّه حتكشفه
ياخوفى لاتنسى ياحمد
وغيرك يقطفه
,,,,,
من يوم ماوعيت لروحى
وأنا روحى فيك ياغالى
محتارة بين جروحى
وبين سهر الليالى
تعالى وخد عنيّه
ماتشمّتهمش فيّه
حضـّرت الجن ياحمد
وانت اللى ح تصرفه
ياخوفى لاتنسى ياحمد

وغيرك يقطفه

بسم الله الرحمن الرحيم
الاخت العزيزه
والشاعره الجميله
الاستاذه/أم مدحت
الله ..الله ..الله صوره غنائيه شعريه رائعه ...بسيطة الكلمات سلسه
ومعبره بوضوح وعفويه عن حالة الحب العذري
عميقة المعنى والمضمون
وعلى فكره بيني وبينك يا ست أم مدحت ..أنا زوجي اسمه احمد ومنذ أن قرأت هذه
الصوره الغنائيه وحينما أحب أن أمازحه في شئ ما أقول له ...على رأي
الست أم مدحت(يا خوفي ياحمد)
يسألني مين الست أم مدحت؟ أقوله انها أحلى شاعره تنظم الشعر الغنائي في
المنتدىوده اسم صوره غنائيه ...يا خوفي يا حمد.
فيبتسم إبتسامة الجزل والرضا
أهنئك سيدتي الفاضله على هذه الصوره الغنائيه والى الامام دائماً
بارك الله فيِكِ ولك
مع خالص تحياتي وتقديري واحتراماتي
ليلى ابو مدين