رد: تامللى فى قلبى ياحبيبى
اولا أأسف علي التطفل
لكن لاني احتمال اغيب 3 ايام فهحط تحليلي حاليا
و طبعا انا مقررتش اني اتكلم عن الاغنية دي الا بعد ما قريت ان الاستاذ الالاتي مش هيحللها عليها لظروف خاصة
طبعا الاغنية دي لملحن اتظلم كتير و هو محمد فوزي صاحب مبدأ السهل الممتنع , و مش لاقي سبب لظلمة زي ما مش لاقي سبب لظلم استاذة و استاذ الجميع محمد القصبجي لكن المهم ان دي اغنية من اغانية الجميلة :
تيدأ جملة موسيقية جميلة تحاورية بين القانون و الوتريات و تكتمل الجملة حتي النهاية علي مقام الحجاز " هنعتبرة من درجتة الاساسية الري "
يبدأ محمد فوزي بالغناء " تملى فى قلبى يا حبيبى " علي نفس المقام مقام الحجاز بدون اي تغييرات حتي " انا بشكي اليك منك يا حبيبي "
تعاد المقدمة الوسيقية كلازمة ما بين كل كوبلية ....... " اسلوبة غالبا "
هنا يغني محمد فوزي " يا ساكن فى الهوا قلبى " من علي راست الصول حتي " وانت مش دارى " فيلمس مقام الكرد من نفس درجة الحجاز " الري " عند " معاك بعنيه " و يرجع تاني للحجاز عند " انا بشكى اليك منك يا حبيبى "
تعاد اللازمة الموسيقية
يخش فوزي علي " لا فيه ماضى اقولك كان " داخل حيز الحجاز لكن بالقرب من منطقة الجوابات -- " قريبة الشبة بنهاوند الصول " -- حتي " تقرأ اللى قاسيته "
يلمس الكرد عند " بقلبى لك انا كلى" و يرجع تاني للحجاز " انا بشكى اليك منك يا حبيبى "
تعاد اللازمة الموسيقية مرة تانية لكن نلاحظ كلنا " القانون " في اخر اللازمة في اخر اعادة تحضير للمقام اللي هيغني منة ........ " اسلوب من اساليبة بردو "
" ياريت اخطر فى احلامك " طبعا بيغنيها بمزاج عالي اوي – في رأيي – عشان وجد مقام الهزام ( بعتبرو تميمة الحظ لاي حد عايز يعمل اغنية جميلة لانو مقام جميل ) بيغنية من السي جواب نص بيمول حتي " واعيش فيها ولو نظره "
يلمس الكرد " ياريت اخطر على قلبك " و يرجع تاني للحجاز " انا بشكى اليك منك يا حبيبى "
.
.
طبعا اغنية جميلة لملحن جميل , خفيف , تقيل , مظلوم
اسف مرة تانية
|
العرض الشجري