ليه خيالك .. وأعمال أخرى

[سمير حسين]

..الصراحة .. راحة ..

خليك مبـــــــــــــــــــــــــــــــاشر

بلاش اللف والــــــــــــــــدوران

ما تقولنا قصــــــــــــــــــــــــدك

وبلاش الصبغة والألـــــــــــوان

ساعــــــــــــــــــــات با أشوف

الكـــــــــــــــــــــــدب فى كلامك

وساعات كتـــــــــــــــــــــــــــير

أشوف الكلام بهتـــــــــــــــــــان

...

[سمير حسين]

.. كان حب ..

كنت شـــايلك بين جفـــــــــــونى

حبى .. وبا أحــــــــافظ عليـــــه

قلبى كان فرحـــــــان بحبـــــــــك

لما كان حبك ماليـِـــــــــــــــــــــه

أتارى قلبــــــــــــــــــــــــــــــــــك

قلب .. خــــــــــــــــــــــــــــــاين

أبعدى عنى .. وابعـــــــــــــــديه

...

عشت لاجللك ساعات كتـــــــــير

شغلتى فكرى بالظنــــــــــــــــون

يا ما صمتك زاد شكـــــــــــــوكى

إبعـــــــــــــــدى ... سهم العيون

نفسى أصــــــــــــــــــدق إن قلبك

قلب .. ما بيعرف يخــــــــــــون

...

[سمير حسين]

.. الدنيا مالهاش كبير ..

يـــــــــــــــــــــــــــــــــــا ابن آدم

نافش قــــــــــــــــــــــــوى ريشك

وعـــــامل ع الــــــــــــبرابر ديك

والدنيـــــــــــــــــــا دى بتاعتــــك

وما فيش حد قـــــــــــــــــــــــديك

وانت يادوب نفس طـــــــــــــــالع

ولسان على الفــــــــــــــــــــاضى

قادر ربنا يهــــــــــــــــــــــــــــدك

وم الوجــــــــــــــــــــــود يمحيك

...

الله يا عم سمير ايه ده كله يا راجل

شفت الكلام لما يكون له هدف ومعنى بيكون احلى وأجمل وأقوى

وان شاء الله القادم حيكون أحلى وأجمل

[سمير حسين]

.. هزيمة الأهلى ..

أول هزيمـــــــــــــــــــــــــــــــــة

أحس فيهـــــــــــــــــــــا بكسفتى

نزلت دموعى من كتر حـــــــزنى

غصـــــــــــــب عنى من لوعتى

أنا قلت أنـــــام وأمسح دموعى

فى مخـــــــــــــــــــــــــــــــدتى

وأفتكرت العم باشــــــــــــــــــا

ساعة ما قال لى يا لهـــــــوتى

غيرتها .. وبعلو صــــــــــوتى

با أصرخ وأقول يادهـــــــــوتى
...

[سلوى خزبك]

المشاركة الأصلية كتبت بواسطة سمير حسين

.. هزيمة الأهلى ..

اكيد رد الفعل السريع ده بيوضح قد ايه حضرتك اهلاوى
بس والله القصيدة لذيذة جدا
انا على فكرة اهلاوية برضه بس مش لدرجة ان مباراه ممكن تعكنن علية اوى كدة
ودى نتيجتها تحصيل حاصل
يعنى مش مهمة بالدرجة
هون عليك
والصورة دى هدية ليك

[سمير حسين]

.. الأستاذة سلوى .. هدية جميلة ورائعة تستحق أن أكتب عنها
رغم حزنى العميق لأنى إنسان وأنتمى للأهلى بحب :

أجمل هدية شوفتهــــــــــــــــــا

حاجـــــــــــة عظيمـــــــــــــــة

هرم كبير بيزيد نادينـــــــــــــا

قــــــــــــــــامة وقيمـــــــــــــــة

وغصب عنى كتبت شعــــــــــر

بعد الهزيمـــــــــــــــــــــــــــــة

بس أعذرونى .............

دا غصب عنى وما بيدى حيلة
...

.. أكرر شكرى للأستاذة سلوى .. وأشكر لكِ هذا التواصل الذى خفف عنى بعض الشىء ..

[ليلى ابو مدين]

المشاركة الأصلية كتبت بواسطة سمير حسين

.. هزيمة الأهلى ..

ساعة ما قال لى يا لهـــــــوتى

غيرتها .. وبعلو صــــــــــوتى

با أصرخ وأقول يادهـــــــــوتى
...

الاخ الفاضل الشاعر الكبير
الاستاذ سمير حسين
السلام عليكم
متزعلش مني يا شاعرنا في السؤال ده
وبجد أنا عايزه أعرف الاجابه
إيه الفرق بين يا لهوتي و.....يا دهوتي
متعك الله بالصحه والعافيه
مع تحياتي واحتراماتي
ليلى ابو مدين

بعد اذن اخونا سمير أرد على الأخت ليلى

الأخت ليلى بومدين

من قاموس العامية المصرية:

يا دهوتي: تقال اختصارا من الداهية

يا لهوتي: تقال اختصارا من اللهو الخفي

والاثنان: تستخدمهما النساء المصريات عندما يصيبهم الهلع من جراء اي خبر يسبب لهم الهلع او يحمل مصيبة


ايه رأيك في التفسير ده

مع خالص التحية

[د.حسن]

المشاركة الأصلية كتبت بواسطة سمير حسين

.. هزيمة الأهلى ..

يا أستاذ سمير ..
إخلع النضارة السودا
وبص للدنيا بمنظار جديد
الأهلى أهلى ... مما حصل
دا طول عمره الأهلى حديد
وهزيمة النهارده دى بس
عشان نفرّح الإسماعيلاوية
كشك وعماد .. ورضا رشيد
مع تحياتى