كلمات الأغاني المغربية

[abdelrazak]

ما منك زوج

عبد الهادي بالخياط

خيالك خطر تاني في البال
ناري ولقاني وحداني
هاد الليله رقادي محال
وعدي واش جا ما نساني
نشعل غزالي قنديل
نتذكر أيام زمان
نروي الحكايه لليل
يتفاجى القلب العيان
و علاش نسيتنا
من بعد العشره و العهد؟
وقتاش تشوفك عينينا؟
ما منك زوج أنت واحد

واحد، في النخوه و الجمال
و الجلسه وحلاوة الحديث
واحد، في القسوه و الدلال
ما كتوفي، ترحم وتغيث
داخلت عليك بالمحبه
الكبيوه والود الصافي
علاش هجرت بلا سبه
راه اسكات في الجواب ماشي كاف

نصبر لكن حتى لين
وانت عارف العمر قصير
عار الله تعالى في الحين
يكفي رانا قاسيت كثير
فكر في يهديك الله
وللي أنا كنبغيك
قلبي حتى شي ما نساه
وحالف لا عاش بلا بك

[abdelrazak]

السنارة

عبد الهادي بالخياط

كلمات : فتح الله المغاري

ألحان : محمد بن عبد السلام

شـــــــــــــافوني الناس بالسناره

دازو وقـــــــــــــــالو لي مبروك
ظنوني صيـــــــــــــــــاد امهاره
ونـــــــــا القصيبة في يدي شوك
أيــــــــامي ياناس مشات خساره
و الحب اللي كـان ولى مشروك

القصيبة عـــــندي وسيلــــــــــة
تنسي لـــــــــي كل مـــــــا فات
ننسى بهــــــا ليال طويــــــــــله
مرت من قدامــــــــــي ومشات
وضـــاعت مـــــا بين يوم وليله
ضاعت وبقيت ذكريـــــــــــات

ومشيت للبحر نشكي لـــــــــــه
ومشيت بعدمــا لحباب خانو بي
وليت كل يــــــــــــــوم انجي له
وليت القصيبه عشيرتي في يدي
مــــــــــــا بقي لي للي نشكي له

يمكن اللامواج بحال أيـــــــامي
أيــــــامي ياناس مشات خساره
و الحب للي كان وللى مشروك

[abdelrazak]

يا بنت الناس

عبد الهادي بالخياط

يا بنت الناس أنا فقير بدراهم أيامي معدوده
إنما عندي قلب كبير بحر شطآنه ممدوده
فايض بالمحبة و الخير وبابه ما هي مسدوده
وعليها واقف عساس افهميني يا بنت الناس
يا بنت الناس العش اخـــــضر وبيدي أنا بانيه
غدا بفضل ربي يعمر سبحانه الأمر بين يديه
إذا أراد الخبزة تكبر كرم الله تشوفيه
وإياك تقطعي الياس العش اخضر يا بنت الناس
يا بنت الناس تلاقينا وبنيناه بسنة وكتاب
على الوفا و الصدق مشينا في الظاهر و الباطن أحباب
واليوم اصبح واحد فينا يغلق في وجه الحب الباب
عشا(ء) وغذا(ء) بصداع الراس احشومة عيب يا بنت الناس
يا بنت الناس الله كبير نخدمو ياك احنا شباب
ابن آدم يتحزم إيدير يطرق جميع الأبواب
آش ادانا لعند الغير والحسد يتلف الحساب
لهلا يعطينا وسواس يمرضنا يا بنت الناس
يا بنت الناس ابغيت عشيري يقدر يفهم الحياة
يتبع طريق الخير توصل لشط النجاة
أنا ما باغي مسامير تعرقل لي سير الخطوات
والعقل مسطرة وقياس والعقل نور يا بنت الناس
يا بنت الناس العمر قصير سنين قليلة معدودة
كل دقيقة تسوى الكثير ضيعنا دقائق سدى
الدنيا غطاها الحرير والحرير أصله الدودة
والدودة عريانة لباس التواضع يا بنت الناس
افهميني

[abdelrazak]

كيف إيدير يا سيدي

عبد الهادي بالخياط

كيف إيدير يا سيدي للي قلبه تايبغيك
ليله ونهاره يقيل وبات سهران يفكر فيك
حارت بي الاذهان ما عرفت نعيش بلا بك
أنت قمر وأنا بشر واش جا ما وصلني ليك
لا تبقاش بعيد قرب لنا الله يهديك
عند غزالي ضحطة كنهار العيد آلولاد
كتغربي يا شمس أنا وحدي نضوي لبلاد
الله يا سيدي كتدوخ بها العباد
وتمش وتخلي الشوق عمل فينا جهاد
أنت قمر وأنا بشر واش جا ما وصلني ليك
لا تبقاش بعيد قرب لنا الله يهديك

ارتاح أنت وأبقى أنا نستنى يوم شهر سنة
أنا وقلبي اتفقنا على الصبر وسهر الليل
هذا أمر يحير الأذهان أنا وهو زوج أغصان
وعلاش هبت النسمة وأنا وحدي ياناس انميل
أنت قمر وأنا بشر واش جا ما وصلني ليك
لا تبقاش بعيد قرب لنا الله يهديك

زعمني اسم أنا جميل
وخا قلت لي مستحيل
ما نحسب أنا يا روحي
من عشاق المستحيل
اسمعني أو لا تسمعني
حتى قوة ما تمنعني
أنا إنسان من حقي انحب الجمال
و أنت جميل جميل جميل
أنت قمر وأنا بشر واش جا ما وصلني ليك
لا تبقاش بعيد قرب لنا الله يهديك

[abdelrazak]

الصبر انقضى

عبد الهادي بالخياط

إذا قدرت نصبر القلب واش جا ما صبر العين
الهوى واعر صعب تهرب منه فين و لين
اليوم الصبر اتقضى بالصبر عندك نصحوني
ابغيت انشوفه دابا توحشوه بزاف عيوني
الغيرة يا المجرب نار الغيرة
و الحيرة تعدت حدود الحيرة
أنا خلاص الشوق غلبني
ولعبت بالقلب أمواجه الكبيرة
أنا حبيت حب ما يتوصف بكلام
حب أطول من عمري و أطول من الأيام
الأيام بلا بك ما هي ش ايام
الأحلام بلا بك ما هي ش احلام
يا للي ساعة في غيابك اطول من عام
شوف عيوني سهرانة حلفت ما تنام
أنا هربان قليب هربان

منك يا هوى و ما ابغيت دوا
نعيش أنا وقلبي في أمن وأمان
غير السهر الدموع ونار الحرمان
و كنهرب حتى أنا

نلقاك واقف يا هوى في جميع الطرقان

[abdelrazak]

راجع

محمد الحياني

راجــــع و الندم دمـــــــوع
تجري فــــي قلبي و عيوني
غريب تـــــــالف و مخدوع
مكوي مـــــــن للي غروني
خذوني فــــي رحلة سراب
زينو لــــــــي الوهم الكذاب
صدقته ورميت نفســــــــي
في شباك للــــــي صادوني
خــــــلاوني نسيت العشره
وظلمت للي حبونـــــــــــي

بــــــأشواق القلب العطشان
رجعت نـــــــادم ومجروح
بالذنب نعترف ونبــــــــوح
غـــــــايتي رجايا تعذروني
لموني نستحق اللـــــــــــوم
عــــاتبوني راضي بالعتاب
لـــــــــــــــــكن لله يالحباب
بـــــــاسم المحبة سمحوني

***

مرحبا بالحبيب ديـــــــالنا ألف مارحبا
رجعوا لنا احبابنــــــا ألف مرحــــــــبا

***

ضحكي يــــــــــاعيوني ونساي دموع
واهنا و افرح يا قلبي بحلوت الرجوع
الحب والوفا جمعنا وصار للحياة معنى
والفرح غنا يا أحبابي و أيامه بدات