دعوة عامة رمضانية من زميلنا الكبير رضا رشيد

**حسن كشك** · #1 17/08/2010, 22h30

وتشاء الظروف الجميلة ... ان اتقابل مع ابن بلدى واخيكم هنا فى سماعى
الاستاذ الكبير رضا رشيد
فى احدى الليالى الرمضانية فى الاسماعيلية ....
وعن طريق اخونا الاستاذ محمود العيادى
كان ذلك بلا مقدمات .... ولكن كنت كل ما اعرفه ... ان صديقى واخى محمود العيادى ... كان قد قابلنى اليوم الثلاثاء 17/10/2010 الساعة 3 ظهراً ونبه على ان اقابله مساءً فى التاسعة لأمر هام وشخصى خاص به .
وتأخرت بعض الشئ عنه ... لكنى وصلت حوالى الساعة التاسعة والنصف ... لأجده جالس مع شخص اخر عرفنى انه خال زوجه ابنه .... من بورسعيد .... جلست وسلمت ... لكن شكل هذا الرجل الذى عرفنى به اخى محمود لم يكن غريباً على ... لكنى استحيت ان ادقق فى وجهه اكثر .... وأخذ هذا الشخص يعرفنى بأنه دخل منتدى سماعى لبعض الوقت ويعرفه .... وحاول استفذاذى بأن يقول ان سماعى بدء يدخل اغانى مطربين محدثين فيه ... ودافعت عن منتدى سماعى بشده .... وفجأه قال لى صديقى محمود ... ياحسن ... ده رضا رشيد ..... لم استوعب ماقاله ... لكن بعد لحظات عرفت وفهمت وبعدها كنت احتضن الرجل ويحتضننى ... وياسلامات وياذكريات وياوحشه وراحت .... جميل الاستاذ رضا رشيد .... وطلبت اخى عماد جمعه فوراً ليقابل رضا ... ووصل عماد على الفور ولم يقل له رضا من هو رغم محادثته تلفونيا .... لكن لما وصل عماد ... عرفه فوراً ... ولكن الاسم الاول غاب عن فكره تماماً.... ثم تذكره رضا رشيد وهات ياعناق وقبلات.
وطلبنا اصدقائنا فى سماعى ليكلمهم رضا .....
تكلمنا مع مدام ناهد انس البن .... لأن الدكتور انس لم يكن موجودا ... تكلمنا مع المهندس محمد على ... ومع المايسترو محمد الالاتى ....ومع الاستاذ غازى الضبع .....وكانت المفاجأة الجميلة الثانية .... طلبنا اخينا كمال عزمى والموجود حالياً فى مصر ....وتحادث مع رضا رشيد لوقت طويل ... حاولنا مكالمه الاخ عادل السيد لكن تليفونه كان مغلقا ... وبعد مده رد على مكالمتى ... وقال انه مازال فى السعودية وانقطع الخط ... وحاولنا الاتصال بالاستاذ سيد المشاعلى ولم نفلح ... ... ..ووعدنا اخونا غازى انه سيكلمه .... حاولنا الاتصال بأخى وتوأمى د. حسن حافظ ولم نفلح .... لان موبايله مغلق ... وسالنى رضا عن تليفون اخى ايهاب عامر ... وللأسف لم يكن معى كان لقاء جميل رائع قصير ....
المهم
فأخى رضا رشيد يدعوا حضراتكم الى لقاء على قهوة زهرة البستان ... يوم السبت القادم الساعة العاشرة مساءً .. وسيحضر بأذن الله اخونا كمال عزمى ... واخونا محمد على ...واخونا محمد الالاتى واخونا غازى الضبع ... واخونا سيد المشاعلى وانا واخى عماد جمعه وباقى الاخوه الذين يرغبون ... ويشرفونا

رمضان كريم ولا تنسوا الدعوة من اخونا رضا رشيد
يوم السبت القادم الموافق 2010/10/21
وذلك فى قهوة زهرة البستان الساعة العاشرة مساء

ورمضان كريم وكل عام وانتم بخير

الاستاذ رضا رشيد ونجله امير واخى محمود العيادى وأنا

اخى عماد جمعه واخى رضا رشيد فى حواريه

اخونا رضا يجرى الاتصالات التليفونيه باحبابه فى سماعى

**عزام هواش** · #2 17/08/2010, 22h45

اقتباس:

المشاركة الأصلية كتبت بواسطة حسن كشك

واخى محمود العيادى ... كان قد قابلنى اليوم الثلاثاء 17/10/2010

يوم السبت القادم الموافق 2010/10/21
ورمضان كريم وكل عام وانتم بخير

معلمي معلمي
كل عام وانتم بخير
يظهر ان الشغل بالورشة والصيام اثروا عليك
وجعلوك تغلط بالشهر مرتين
فقد قلت 17/10
والمرة الاخرى 21/10
وفي النهاية اقول يارتني معك ياحبيبي
واتمنى لكم لقاءات سعيدة دوما"

**عماد جمعة** · #3 17/08/2010, 22h47

السلام عليكم ورحمه الله وبركاته
بصراحه كانت مفاجأه ولا اجمل من كده
انا كنت قاعد فى امان الله فى الشغل لقيت اخويا حسن كشك بيتصل بيا وقاللى فى واحد عايز يكلمك
المهم كلمته وانا مش عارف هو مين ومرضاش يقوللى علشان اروح واقابلهم
وفعلا بعد ربع ساعه كنت عندهم ولسه بركن العربيه واول ما شفته افتكرته حالا من صورته
بس انى اجيب الاسم طار من دماغى ولغايه لما جمعت الاسم اخيرا وقولتله رشيد قاللى صح
هاتك يا بوس واحضان وسلامات وشكرت اخويا حسن كشك واخويا محمود العيادى
للمفاجأه الاكثر من رائعه
وكانت المفاجأه الجميله ايضا وجود الاستاذ كمال عزمى فى القاهره 0 وتم الاتفاق على اللقاء يوم السبت القادم ان شاء الله فى زهره البستان علشان نقابل الحبايب كلهم

**حسن كشك** · #4 17/08/2010, 23h05

اقتباس:

المشاركة الأصلية كتبت بواسطة عزام هواش

معلمي معلمي
كل عام وانتم بخير
يظهر ان الشغل بالورشة والصيام اثروا عليك
وجعلوك تغلط بالشهر مرتين
فقد قلت 17/10
والمرة الاخرى 21/10
وفي النهاية اقول يارتني معك ياحبيبي
واتمنى لكم لقاءات سعيدة دوما"

[/CENTER]

اهلا بالاسطى الكبير
عزام باشا هواش
رمضان كريم يااسطى
بقولك ايه ... اهو الميعاد السبت القادم وخلاص
وياريتك تشرفنا يا اسطى

**ابو الطل** · #5 17/08/2010, 23h12

اقتباس:

المشاركة الأصلية كتبت بواسطة حسن كشك

المهم

فأخى رضا رشيد يدعوا حضراتكم الى لقاء على قهوة زهرة البستان ... يوم السبت القادم الساعة العاشرة مساءً .. وسيحضر بأذن الله اخونا كمال عزمى ... واخونا محمد على ...واخونا محمد الالاتى واخونا غازى الضبع ... واخونا سيد المشاعلى وانا واخى عماد جمعه وباقى الاخوه الذين يرغبون ... ويشرفونا

ما أجمل هذه اللمة الجميلة
كم تمنيت أن أكون في مصر المحروسة لأحظى بشرف لقاءالسادة الأفاضل
بس يا خسارة
رمضان مبارك عليكم جميعاً

**حسن كشك** · #6 18/08/2010, 07h36

اقتباس:

المشاركة الأصلية كتبت بواسطة ابو الطل

ما أجمل هذه اللمة الجميلة
كم تمنيت أن أكون في مصر المحروسة لأحظى بشرف لقاءالسادة الأفاضل
بس يا خسارة
رمضان مبارك عليكم جميعاً
[/CENTER]

ستكون معنا بأذن الله يا اخى بشار وسنكون معك
ورمضان كريم مبارك عليك وعلى كل اسرتك وكل احبابك

**سمر** · #7 18/08/2010, 08h58

صحبة موفقة و لقاء ناجح بين الأخوة والأصدقاء في الشهر الفضيل. ادام الله عليكم الصحة والعافية استاذ حسن ولكل المسلمين.

**حسن كشك** · #8 18/08/2010, 13h38

اقتباس:

المشاركة الأصلية كتبت بواسطة سمر

صحبة موفقة و لقاء ناجح بين الأخوة والأصدقاء في الشهر الفضيل. ادام الله عليكم الصحة والعافية استاذ حسن ولكل المسلمين.

سمر هانم
كل عام وانت بخير والاسره
رمضان كريم عليكم اجمعين
شكرا لتلك التمنيات الجميلة
وياريت كل اهل سماعى معانا

#9 18/08/2010, 13h48

يعني يا عم حسن باشا كشك

الدعوة عامة وحتبقى لامة

والا الدعوة محدد ليها سلفا الأعضاء

عشان انت عارف الصيام مخلي الواحد مش بيجمع

انت قلت لي الساعة كام

طيب طيب جاي انت ايدك تقيلة ليه يا معلمي

**حسن كشك** · #10 18/08/2010, 13h52

اقتباس:

المشاركة الأصلية كتبت بواسطة الباشاقمرزمان

يعني يا عم حسن باشا كشك

الدعوة عامة وحتبقى لامة

والا الدعوة محدد ليها سلفا الأعضاء

عشان انت عارف الصيام مخلي الواحد مش بيجمع

انت قلت لي الساعة كام

طيب طيب جاي انت ايدك تقيلة ليه يا معلمي

يا اسطى قمر حضور اسطوات الورشه اجبارى
وقبل الساعه عشره كمان

فاهم