الليلة الثانية
أنا و الصوم
و عينى لم تشوف النوم
دى فزورة
و دا برنامج و دى كورة
و نفسى عدِوِّتى الأولى
تزيِّنلى الفساد كله ...
و تنزل لوم
ما بين شوقى لجو التوبة و الغفران
مع التسابيح و صوت بيرتل القرآن
و بين لهو و فسح و خروج
و توليفة سيناريو بطولة الشيطان
و كل مناه تضيع منى كنوز رمضان
و أنا و نفسى بنتصارع
تزوغ منى و أنا رايح على الجامع
تسمعنى كتير شهوات
و باعمل نفسى مش سامع
و تحدفنى على الخناقات
مابين الشغل و الشارع
أجاهد نفسى بالساعات
و أقوللها إنسى ... مش نافع
دى فرصة فى السنة مرة
يا بخت اللى يفوز بيها
ما يسلى نورها بالمرة
و دى نفسى باصارعها
و آه لو يوم أطاوعها
تعذبنى و تنزل لوم
و أنا فى الصوم ...
و عينى لم تشوف النوم
و أنا الجانى
و أنا المجنى عليه باللوم
فى شهر الصوم
__________________
دى فضفضة من قلم رغم الألم ... حسَّاس
مهموم بِهَمْ الناس
يمكن تضيئ كلمته ... العقل جوة الراس
رد: رمضانيات
رد: رمضانيات
العرض المتطور
