رمضان جانا - محمد عبد المطلب

المشاركة الأصلية كتبت بواسطة د.حسن

أخى الغالى أ. مصطفى

أستأذنكم وأستأذن أخى الغالى أ. صلاح
أن أقوم بدعوتكم على وليمة رائعة ودسمة
فكما اخترتم سيادتكم أن تكون وليمتكم عندما يتم البدر
ستكون وليمتى فور ثبوت رؤية هلال الشهر الكريم
ليعلن أبو نور وحسين طنطاوى وأحمد عبدالقادر
أن ..... رمضان جانا

رمضان جانا وفرحنا به
بعد غيابه وبقاله زمان
غنوا معانا شهر بطوله
غنوا وقولوا أهلاً رمضان
رمضان جانا أهلاً رمضان
قولوا معانا أهلاً رمضان
رمضان جانا

بتغيب علينا وتهجرنا وقلوبنا معاك
وفى السنة مرة تزورنا وبنستناك
من إمتى وإحنا بنحسب لك
ونوضب لك ونرتب لك
أهلاً رمضان جانا
قولوا معانا
رمضان جانا

يوم رؤيتك لما تجينا زى العرسان
نفرح وننصُب لك زينة أشكال وألوان
فى الزفة نبقى نطبلك ونهللك ونقولك
أهلاً رمضان جانا قولوا معانا
رمضان جانا

يامسحراتى دُق لنا تحت الشباك
سمّعنا وافضل غنى لنا للفجر معاك
واعمل الليلة دى هليله
30 ليلة حلوة جميلة
أهلاً رمضان جانا قولوا معانا
رمضان جانا

إلى اللقاء مع وليمة أخرى !!
وكل عام وأنتم بخير
ورمضان كريم

مع تحياتى

يعني يا أستاذ سمير

أنا قاعد أدور عليك والأستاذ محمد الألآتي ينادي وأنا عامل ولائم رمضانية
ود حسن اختار الأغنية ومنتظرين من بدري حد يقولنا حاجة

على العموم يشفع لك هذا التحليل المميز

بس يكون في معلومك لحد الآن فيه 7 أغاني من أغنيات شهر رمضان ولسة فاضل 23 أغنية وعليك كمان تختار أغنية على ذوقك الجميل واحنا حنشوف اختيارك ومن المؤكد انه حيكون اختيار مميز عشان حيكون خيار موسيقي متذوق وفنان

المهم التحليلات على ودنه جهز نفسك من الآن عشان عايزين نستمتع وسوف نعتبر هذا التحليل هو الوليمة الأولى ويارب حد يدخل كمان من الشعراء ويحلل لنا الكلمات عشان الموضوع ان شاء الله لما يكمل حيكون موضوع مثبت بإذن الله لتحليل أغاني شهر رمضان وحيكون انفراد من أهل سماعي

ودمت لنا بكل خير

نداء إلى أخونا أبو حسام

الأستاذ سمير بدأ الموضوع وولعه يلا عايزينك كمان تشعللها ويارب اخوانا الشعراء
يجملوا الموضوع بتحليلاتهم همة كمان والا همة دايما غاويين يستمتعوا بس ومش عايزين يمتعونا