وهذا من أزجال بيرم التونسي فلنشاهد القدرة على التصوير وكأنك تشاهد مشهد مصور
خناقة في الفراش
الزوج ..........................الزوجة
- يا مدغدغ خالص ياني ...... - ايش خلاك ياروحي حتبكي
- ركبي الليلة تعبانـــــي ...... - طول عمرك بيهم تشكـــــي
- والنهج رجع لي تانـي ...... - كل ده من شرب الويسكـــي
- وصفولي دهان ألماني ...... - ادهــــن ألمانــي وتركــــي
- بالذمة تجسي بإيديكــي ...... - اعتقنـــي إلا أنا طهقانــــــة
- حلفتك إخـــص عليكي ...... - ما اقدرش يا شيخ عيـــانـــة
- مش باين ليه ف عنيكي...... - العيــن ما تبــوح بأمانــــــة
- وكمشتي كمان رجليكي ...... - اكمنـــي كمـــان بردانـــــة
- لميهــــم حالاً تدفـــــــي ...... - برضك قول مـــدي وهاتــي
- همسة على الهامش تكفي ..... - ما أقدرش أبداً يا خواتــــي
- علشان يا عبيطة تخفــي ...... - ما احملش الهـــم ليلاتـــي
- هاتي كتفك كدة على كتفي...... - اسكت لانــــــده لحماتــــي
- ما أنا عارفك وش فضيحة ..... - ماهو فعــــلك بيجننــــــــي
- عمرك ما سمعتي نصيحـة ..... - والله أنت اللـــي مبهــدلنــي
- لكن في الردح فصيحـــــة ..... - طيب بـــس أبعــــد عنـــــي
- بتزقي كمــان يا قبيحــــــة ..... - أيوة وقصدك إيــــــــه منــي
- بالحق أنا كنت المـــــذنب ...... - مذنب على إيـــه يا عنيـــــة
- الليلـــــة دخلــت المغرب ...... - إدخل حتى الصبحيــــــــــة
- ولقيت وشـــك متشقلــــب ...... - خد لك واحــــدة أفرنجيــــة
- والبيــت راخـــر متكركب ...... - هــات لك واحدة لوانجيــــة
- وحياتك والله مسيــــرهـــأ ...... - يفرجهـــا عليــك ويهـــــون
- برطوشة تروح وتيجي غيرها .... - شبشوبـــي كمــــان يتلــون
- واعرف كمان سيرك من سيرها... - الخاين طبعـــــــه يخـــــون
- واشوف دي الدنيــــا وخيرها..... - وادخل أنا رخرة وأجـــــون
- ومسيري كمان أوريكـــــي ...... - يا مــا قلــت إنـــك حتوريني
- يا مـا لســة حا أعذب فيكي ...... - إمســـك فلقـــــــة وقرينــــي
- وانزل كدهــــوه واهريكـي ...... - ليه؟ كنت يا خويا شارينــــي
- طب هس اخرسي لاديكـــي ...... - أوعك بس تعرينــــي ....
رد: محمود بيرم التونسي
العرض الشجري