الحاج الزواوي
لاهيين بهمي وناسيين عمرهم
لاهيبن بهمي وناسيين عمارهم = يهدرو غير على فلان واشتا صرا بيه
سيدي ربي لوكان راهم عابين برواحهم = يبكو على همهم وما يفرحو بيه
مجمعين في القهاوي ويمدو في صدورهم = واحد ما عابي في دهره وشتا فيه
هذو فيسا مامون احنا ما قدينا لهم = لو كان تسقسيه على بوه ما يعقلش عليه
يتبشنو بالشرف وبجدودهم = بالاك اسبانيول يسالو فيه
منين يشوفو اصحاب خواتاتهم = يقلك نسيبي ويستاهل نكبر بيه
يزوخوا في المدينة حالين صدورهم = والكريدي في الحانوت توجور يتبع فيه
كل ليلة في الكباري يروماركو في رواحم = ومين يشوفه البراح يفرح بيه
سقسيهم منين جابو فلوسهم = يقلك شقايا وانا قادر عليه
يبوزوا غير بالشدات وشكون لي كيفهم = وعنده لافرونجين في الطاليان قايمة بيه
يحوسوا بالسيري كات والبيتيتة في جنابهم = والبورتابل غير في يده يلعب بيه
غدوة امام الله كي داير حسابهم = واحد ربي ما ينظر فيه
****
واه يا وهران واه
كنتي الساقية وفيك الما وبين لجبال = ويشربوا فيك الفرسان
وليتي قلتة فيك الحلحال وعايشين فيك الفيران
عيش يا براك في بلاد الحيوان
***
كاين ثلاثة تاع الناس لي عايشين في الجزائر
كاين التاجر والمهاجر والمرا بلا راجل
ماعنديش علاش نفسر هذا الشي
رد: قصائد شعرية للحاج الزواوي
العرض الشجري