الورد .. وأعمال أخرى

[ممدوح محفوظ]

كِتير اشتَكوا من قَلبِك يامُو قَلب حَديدْ
قُلوب الناس رَقيقه وقلبِك إنتى شِديدْ
خَايفه ليِجْرَح قلبك حُب زَى زَمان
سِيبى الزَمان فِ أمَان و عيشى حُب جِديدْ ...ء

[ممدوح محفوظ]

يالى الهوى دوبك نِفسَك فى يوم تِرتاح
نوم الليالى إتمَنَع , سهر الليالى مُباح
القلب ما يسَاععش غير واحده تِعشِش فيه
قلبك فِ حبه كذَب , بابُه بميت مُفتاح ...ء

[ممدوح محفوظ]

اسعار يا نار ايه الى ولعك تانى
لا رحمتى المحتاج ولا تعبان وبيعانى
موظف وغلبان و شبعان مِ الزمن تلطيش
عايش فِ الدنيا كده , بلا احلام ولا امانى ...ء

[ممدوح محفوظ]

يا شَط رَقْ هَواك و الوَرد ليه مَعنى
يُربُط قُلوب عُشاق , يسحِرنا يلَوعنا
بعد اللؤى يمشو , وانت يا ورد وحيد
مكتوب عليك الفُراق وانت تجَمعنا ...ء

[ممدوح محفوظ]

ليه سبتى قلبِك فى بَحر المَحبه غَريق
يقِبْ يِغطَس ويطَفى حَريق بحَريق
مَ تصونى قلبِك وتخبيه لحُب اصيل
قلبك بريء جَوهره دَايما يشِع بَريق ...ء

[مازن دحلان]

سلسة الكلمات وفيها جمال اصالة مصر

تحياتي

[ممدوح محفوظ]

قلبَك مَلاها نُواحْ يَالِى حبيبَك راح
تسجِن نفسَك فِ حُبه والدنيا فيها بَراح
يمكِن يوفى وُعُود ويعُود و تهْدى ورُود
بعد الجراح تِرتاح و ترَجَع الافرَاح ....ء

[ممدوح محفوظ]

فى ذكرى سعاد حسنى


الفن حَبْ سُعاد و الحُسن فيها احتار ...

سينما ومَغنى ورِقه تشبه الازهار ...

ايه سِر فَنك و مين قلبك خَفى سِره ...

حتى رَحيلك عنا لسَه فيه أسرار ...ء



زوزو ده إسم الدلع اما الحقيقى سعاد

للسندريلا زمن فاتنا و عمره ما عاد

لسه السفيره عزيزه جوا القلوب عايشه

و نعيمه حَبت حَسن ولكل حب معاد ...ء

[سعدالشرقاوى]

الاخ الاستاذ
ممدوح محفوظ
امتعتنا بهذه الرباعيات
المنظومه والهادفة
دمت بكل خير

[ممدوح محفوظ]

المشاركة الأصلية كتبت بواسطة سعدالشرقاوى

الاخ الاستاذ
ممدوح محفوظ
امتعتنا بهذه الرباعيات
المنظومه والهادفة
دمت بكل خير

استاذ سعد الشرقاوى
اسعدنى تعليقك
و لما سمعت ازجالك وعرفت قدرك
اخافنى تعليقك
فقد يصيبنى الغرور بأن كلماتى امتعتك ...ء