وبعد خوفوا يا ناس
غلبوه وقطع لياس
واعطالهم ولدو غاس
في قضا أمر الله
يا رجال اهل الله
اداو خوهم ومشاو
وصلو من الخير ملاو
وقامو الحرس وناداو
ولي سرق واش جزاه
يا رجال اهل الله
قام النبي واتهم خوه
لي معاهم جابوه
وناضو الحرس وشدوه
واداوهولو لحذاه
يا رجال اهل الله
قلو اسكت انا خوك
أيا وخلي هذوك
أفرحت لك كي جابوك
وذاك تقدير الله
يا رجال اهل الله
قالو الخاوة لله
لينا وصاية باباه
كفيف ويزيد بلاه
وايذا تعذب مقواه
يا رجال اهل الله
واشتاق يوسف أبيه
اعطالهم ثوبو ليه
ارميوه على عينيه
يشوفكم باذن الله
يا رجال اهل الله
عادو لبوهم بالخير
والله بالغيب خبير
ولي مكتب يصير
وليس حاجة تخفاه
يا رجال اهل الله
جبدو لبوهم الثوب
وفاح طيب المحبوب
ولَّه البصر ليعقوب
وعاد للنظر ضياه
يا رجال اهل الله
وراح شاف المنصور
شاف البدر شاف النور
وله بيوسف مسرور
ونال نعمة مولاه
يا رجال اهل الله
سجدو لهم كل الناس
في ملك يوسف يا ناس
وجا التفسير قياس
لحلم نبي الله
يا رجال اهل الله
تميت هذا المضمون
كيما بديتو متقون
برضا شيوخ الملحون
وسماح شيخي وارضاه
يا رجال اهل الله
ودرت القصيدة بحكام
في عام ستين تمام
وزيدها تسع اعوام
تاريخ للي يقراه
يا رجال اهل الله
كتبتها يا لخوان
في ليلة شهر رمضان
لثنين ليلتها بان
ضي الهلال وشفناه
يا رجال اهل الله
قولو اسمي للي يسال
وبداوهلو بالدال
والرا مع اليا تطوال
بليف والسين بتاه
يا رجال اهل الله
بويا اسمو بن مسعود
في بلاد جندل مزيود
وبني أحمد ناس الجود
زادو لمحمد جاه
يا رجال اهل الله
ولعين لشياخ ندور
نشفا القبة ونزور
شيخ الروابح مشهور
اسمي اديتو من سماه
يا رجال اهل الله
والرابحي موله الشان
عم الحنينة سلطان
جلول موله البرهان
وليت نلغا بلغاه
يا رجال اهل الله
ولي نسب هذا القول
لغير رابح معزول
وكل جاحد مذلول
ساسو على الريح بناه
يا رجال اهل الله
وكمالة القول سلام
للي سمع ذا التنظام
بصلاة خير الأنام
الهاشمي زين الجاه
يا رجال اهل الله
صلوا على بدر الداج
الهاشمي موله التاج
وسلموا يا لفواج
على النبي زين الجاه
يا رجال اهل الله
رد: قصة النبي يوسف لرابح درياسة
العرض الشجري