محمد بلخياطي

[بلخياطي]

الشيخ محمد بلخياطي

_ المكيدة _

في فراشي راقد _ 2 _

نفس القصيدة السابقة بآداء مختلف وتبديل طفيف في بعض كلماتها ويضيف:

ربي اكرمني واعطاني مخ باش نصرف *** والخير ما يفارقنيش ايلا سكنت قبري

[بلخياطي]

الشيخ محمد بلخياطي
_ المكيدة _

في فراشي راقد _ 3 _

يستخبر بالقصيدة السابقة ويضيف البيتين التاليين:

بسط عايش متواضع مانيش لاهف *** الموت كاينة ندي من الدنيا غير شبري
ولي دمرني للحبس ما عرفش كي تصرف *** راح فيها من خدع باباه ديسباري

[بلخياطي]

الشيخ محمد بلخياطي

_ المكيدة _
الجزء الرابع
يا آمينة حوسي اسمك _ 1 _

يا آمينة حوسي اسمك *** قولي لأمك مين جبتيني
بلعداسي ما هوش ذا أصلك *** أصلك على الاسم براني
اليوم خرجت للصح نعلمك *** ايذا كنت نموت متهني
في الأول ما نويتش نجرحك *** كنت صابر وحافظ لساني
ضربتيني بشكة وادخل سمك *** ما نخليش السم يقتلني
لحقت ساعة وين نفضحك *** ونخليك حديث ومعاني
انتي لي هلكتي نفسك بيدك *** جبتي لعمرك ضر دخلاني
لازملي نعطيك تاريخك *** والي كذبني يواجهني
يام حبس الحراش تشهدلك *** خيرة ذاك العام خدعتني
ضربها ريح الغرام خطفاتك *** شعال كنت ظان وخيبت ظني
منين حسيت واكسبت لك خبرك *** بغات بدمعتها تغلطني
تلمست في بطنها زعذ رجلك *** كي زيرت شوي ركلتيني
جبت الموس وابغيت نجبدك *** نقتلها ونبرد جنوني
لكن الحظ كان في صفك *** أوما نخلعت بكات غاضتني
خافتني نباصي على جالك *** نرجع للحراش من ثاني
قالت يا ولدي استر عرضك *** إذا بغيت الله غير ساعفني
ساعفت والدتي تبنيتك *** خفت دعوة الشر تلحقني
وانهار زدتي رحت سجلتك *** استرتك قلت ربي يخلصني
منين كبرتي زدت قريتك *** قلت بالاك هاذي تشرفني
حكمك مرض الجلد عالجتك *** اصرفت وما غاضني فاني
ما نجحتيش للخارج ابعثتك *** لو ما نيتي شكون رغمني
بلي طقت عليه عاونتك *** ما كنت ظان هكذا تخونيني
حتى في سلك الأمن دعمتك *** وين تربصتي يعزوني
شعال دافعت عليك في غيبتك *** عند الناس لي يحبوني
لي يلقاني يقولي بنتك *** راه عندنا كونك مهني
بعدما تخرجتي وجا دورك *** في قبر الأحيا دفنتيني
كلي ما ربيت ما صنتك *** كونكي بنتي ما تخونيني

[بلخياطي]

الشيخ محمد بلخياطي

_ المكيدة _

الجزء الخامس

يا آمينة حوسي اسمك _ 2 _

كلي ما ربيت ما صنتك *** كونكي بنتي ما تباصيني
والشرطة خدمو بتحريضك *** ما همش هوما انتي دمرتيني
يوم جابونا (حجزونا) وافرح قلبك *** تجرتي فيا وبعتيني
حسبتيني ما كنتش فايق لك *** وأنا قلبي عليك خبرني
جيتت تجسي النبض غير في غرضك *** وتقوليلي شعال راك غايضني
غايضني انتا وزايدة مرتك *** لي جابوها معاك بلعاني
شعال كنتي مغلطة ظنك*** كلام فارغ ما ترفدو وذني
ما غاضتك زوجتي ولا غضتك *** انتقمتي انتقام عدواني
كل ساعة تجي تبردي جنك *** وتجيبي القرودة يشوفوني
السم القاتل كل من تحتك *** وانتيا هي لي دمرتيني
دمرتي لبرة غير في عقلك *** ديتي ربع يام بلعاني
يا آمينة حوسي اسمك *** قولي لأمك مين جبتيني

[بلخياطي]

الشيخ محمد بلخياطي

_ المكيدة _

الجزء السادس

يا آمينة حوسي اسمك _ 3 _

انتقمتو ملي كوات امو *** شوية منها والكثر مني
عملتي خطة باش نعذرك *** ونقول القانون وقفني
السم القاتل كل من عندك *** انتيا هي لي دمرتيني
تعيا السنارة وتجبدك *** ويجيبوك للعرجة نتي ثاني
كيما جابو خوك من قبلك *** لي حرضتيه باش يعصيني
ساعة تطيحي وينهدم ساسك *** تنهزمي كيما هزمتيني
إذا ربي يحبني يعجلك *** ينتقموا احبابي وعدياني
الرودة تدور تعيا وتقلبك *** ذو وليام ربي يفرحني
بكاو ولادي حد ما شفك *** خمسة جوان ما زال جارحني
نتمنى ندير حرب من أجلك *** ان شاء الله ربي يوفقني
الحرب هو كتاب من أجلك *** يقراه الجمهور يعذرني

[بلخياطي]

الشيخ محمد بلخياطي

_ المكيدة _

الجزء السابع

راني معلول

راني معلول علتي ما تشبه عله *** يا ناس كي ندير ضر قلبي باش نداويه

العبد المعسول صار في المقلة يتقلى *** مكان كي يدير صار متكتف من يديه

نمشو (مالصول) والهموم علي شله *** بكي بدموع من خرج من الحبس نوصيه

نقلو بالله يا الخو روح ضرب طله *** وشوف ولادي وكل واحد منهم رضيه

امهم زبلتها ودارت لهم وحد الزله *** ما بقى لهم حد غير ربي والتكل عليه

وليداتها صغار خلاتهم هملَّه *** احكمها ريح الغرام ما قدرت تسمح فيه

ايلا اسمعت قوال غير ما تشقاش تكذب *** عمرو الدخان لا طلع وما تكونش النار

فكرت وحللت بتحليل مرتب *** الشي لي صرا لي كل خارج من أهل الدار

تطفر فيه غير لي ما هوش مجرب *** ولي مجرب ذاق واروى من ذو للمرار

تعذبنت وما زال في لمحان نحارب *** قليل كي مثلي لي تحمل هذي لخطار

خدعة كبيرة شاب منها يرجع شايب *** ..............................

(خلل في نهاية التسجيل حال دون اتمام كلمات القصيدة)

[بلخياطي]

الشيخ محمد بلخياطي


يحشم ويخاف _ 1 _

يحشم ويخاف من يدير الشر *** ولي يدير الخير ما يندم
تحمل يا قلبي وزيد اصبر *** ما تبقاش كل وقت تتألم
مع النسا راني موالف نكابر *** ما نيش غير اليوم نتعلم
قل هاذي خيبت بعد النظر *** والله ما كنت ظان تسسلم
كنت زاهي بيها ونفتخر *** مسكنها في القلب تتنعم
كي خدعت هي لي تخسر *** شي لي بناتو كل يتهدم
يا حسراه وين راح ذاك القدر *** لقد كان من خيالها يحشم
ومين كشفها وشاف السر *** ولا فيها اليوم يتحكم
زلجت زلجة وكلش تكسر *** الشرف تمس بعد محترم
وضيعت ولادها لي قصر *** كان الخير في يدها وحرم
ضيعت ولادها لي قصر *** دعا وعبد الكريم بلقاسم
وحيد وايمان وياسر *** هيبة ومحمد صالح تحطم
وشوهت سمعتها أكثر وكثر *** فم تكسر باش تتكلم

[بلخياطي]

الشيخ محمد بلخياطي

يحشم ويخاف _ 2 _

وشوهت سمعتها أكثر وكثر *** فم تكسر باش تتكلم
لو جا عندها القلب تنتحر *** كيفاش بعد العز تنهزم
عاشت في الطيبة من السكر *** واش طلبت مني نجي عازم
وأنا معاملها حسن وأكثر *** وهي في الشؤون تتحكم
منين دخلت الحبس بان الضر *** الحاجة الفايحة كلها تنشم
شفت عليها منام بعد اظهر *** لقيتها في بحر غامق تعوم
نضت مخلوع وبقيت نستغفر *** قلت ذا الشي صح ولا حلم
من ذاك اليوم بقيت نتأثر *** حتى قالو خلاص باعت الخاتم
حسبتني مت ما نجيب خبر *** تعمل واش بغات ما نعلم
قالت خلاص دفنوه واستقبر *** اتدفن وراه متردم
وانسات بلي كاين القادر *** هو لي ما يخاف وما يحشم
عساس على الناس ينتظر *** المظلوم يغلبو على الظالم
وأنا بنيتي انزيد ننتصر *** ومن ظلمني للواقع يسلم
هاكذا يصرا لها لي تعثر *** تتدفن حية وتتردم

[بلخياطي]

الشيخ محمد بلخياطي

واش من حق لي بقى _ 1 _

واش من حق لي بقى يا اصحابنا *** شرطية اذا كان تسالهالك رحت غبار

ما ناش نكذبو احنا هكذا صرالنا *** بغاوني نباصي ونخلي اولادي اصغار

الكبير فيهم عندو ثلاطاعش نسنا *** وصغيرهم مسكين نخلع صار فيه ما صار

يعرفونا ونعرفوهم جوارينا *** ومن أجل أمينة خلفوا مني الثار

محال ولا قال هكذا قانوننا *** يخلعوا الاب ويبكوا أولادو اصغار

ما عندهم أم ولا جدة حاضنة *** الانتقام هذا والله ما انتاقموه كفار


......
...
..
.

[بلخياطي]

الشيخ محمد بلخياطي

العين بكات والدموع سالت

أداء مختلف عن المرفوع سابقا

خاصة أن هذا التسجيل يتراجع فيه عن اعتزاله للغناء بالقصبة ..فقد كان في الأغنية المسجلة سابقا يقول "القصبة من بعد النمس راحت " ولكن في هذا التسجيل يقول ان هناك خلفا مثل عبد القادر الصابري وأحمد ولد العماري