الورد .. وأعمال أخرى

[ممدوح محفوظ]

الحب يا وَرد زَى المَيَه للازهار
فراشه رقِيقه تِبوس قَلبك تِخَليه نار
سُهَّار يا عَاشِقين ويا القَمر هايمين
و الى ما حَبْ دِبِلْ وِ عَ الغُصُون يِنهار ...ء

[ممدوح محفوظ]

ظالم حَبيبك وعَامل فى الغرام إشكال
دَ الورد حَبَك و إداك مِ الغرام أشكال
الحُب فِ الوصل و اللُؤيا رِضَى و مَنَال
مِين حَب نَال اما الجَافى عُمره مَ نَال ...ء

[ممدوح محفوظ]

الى قَرارُه فْ إيدُه يهدِيه للطَريق وخَلاص
و الى على الأسر راضى ما يلائى لذله خلاص
و هى الدُنيا كِدَه يا تسُوقها يا تسُوقك
تلاعِبها حَ تلاعبَك ومَ يفيدَك سِوَى الإخلاص ...ء

[ممدوح محفوظ]

تِمُر ايام والصِيف من بَعد الربيع جَانه
و الحَر عامل حِصار بِجْمَال وهَجَّانه
اسْفَلت سَايح و الناس زَى ما هُمَّا كتير
العقل شَارد والقلب عَشْمان و الهِدْمَه عَرقانه ...ء

[ممدوح محفوظ]

اسعار يا نار ايه الى ولعك تانى
لا رحمتى المحتاج ولا تعبان وبيعانى
موظف وغلبان و شبعان مِ الزمن تلطيش
عايش فِ الدنيا كده , بلا احلام ولا امانى ...ء

[ممدوح محفوظ]

يا شَط رَقْ هَواك و الوَرد ليه مَعنى
يُربُط قُلوب عُشاق , يسحِرنا يلَوعنا
بعد اللؤى يمشو , وانت يا ورد وحيد
مكتوب عليك الفُراق وانت تجَمعنا ...ء