ولاّت قجارة وضحكة في الجيران
مارة السلطان قالك عقلها خف
وفي ذاك اليوم لايمت قاع النسوان
جابتهم للدار قعدت تضيف
جابت لهم أكل غير لي يبنان
وموايد هاذي على هذي تردف
زادت لهم أكل من غرس الجنان
اخداما في ليد تفاح مستف
وعدت يوسف شهرتو كالسلطان
قالت لو في الباب رقب آيوسف
حين اظهر وبان شافوه بلعيان
كل امرة في ليد ولات تحرف
قالو حاشا الله هاذا ما هو انسان
هذا من الملايكة للأرض اهدف
قالت لمتوني عليه بلا شوفان
هذا لي سراقلي العقل راه مزيلف
قالو لها معذور يا ضي الومان
ما بقي فيك لوم كي شفنا يوسف
يوسف حب السجن من دون العصيان
وعصا زوليخة على المنكر خالف
احكم سبع ايام بسجن السلطان
سبع سنين مجردة سجن ليوسف
كانو ثما اثين قبلو في لسجان
ولاو ثلاثة مرافقهم يوسف
في ذاك الليل كي طلع الفجر وبان
قالولو شفنا منام ايلا تعرف
واحد قال نشوف نسقي في السلطان
نسقي فيه الخمر في النوم نهترف
لاخر قال نشوف طير من العقبان
وكلالي خبزة على راسي حايف
اللول قالو تجي وزير على السلطان
والثاني قالو انتا اجلك اقصف
والثاني سيو استفتا بالزهدان
قالو منامك شين راسك يتحرف
بالموت اقضى الأمر ما فيها ختلان
وقضى امر الله ليمن يتكلف
لغدوة من ذاك خرجو ذو الفتيان
ليهم كيما قال صار الأمر اهدف
من بعد سنين شاف في النوم السلطان
رؤيا شينة ناض مخلوع ويرجف
قال لهم شفت سبع بقرات اسمان
ياكلو فيهم سبع بقرات اضعف
وسبع سبولات خصر والسبعة يبسان
فكو لي ذا المنام من فيه يقيف
وارسلهم جاو من كل البلدان
من يحكي لو المنام ينسى ويتلف
وانتق الوزير يا سيدي السلطان
وهذي الرؤية يفكها سيوا يوسف
ولي راه غريب وحدو في لسجان
قال لهم جيبوه يوصلني بلخف
نهار لي يجا انتق ليه السلطان
فكنا ذا المنام كان انت تعرف
ابشر بالخير راك سالك ملغبان
تضحى عندي الكريم وانت المصرف
قال لهم هاذوك سبع سنين زمان
بعد السبعة يجيكم الخير مزخرف
سبع سنين اتجيكم من الصبا لكون
سبع سنين ايجيكم من السنة ناشف
ازرع سبع سنين دسو في لخزان
دسوه آلوخرين كالقرط مستف
في يوم لي فيه تحتاج العربان
ما ترهن ما تبيع ولا تسلف
هذاك الوقت ما تشوفوشي لغبان
أنتوما هانيين وغنمكم تعلف
وابقى يحكم يا ملاح مع السلطان
كي مات العزيز يوسف اتخلف
وتزوج بلي بلاته بلغبان
بالسنة والفرض والحب العاطف
رد: قصة سيدنا يوسف
العرض الشجري