لا أنا سياسى ... و لا غَاوِى وَجَع رَاسى

المشاركة الأصلية كتبت بواسطة Tarek Elemary

لا أنا سياسى ...

و لا غَاوِى وَجَع رَاسى
لَكِن وَاعِى وِ مِشْ نَاسِى
وَجَعْ أهلى وْ هَوَان نَّاسى
و قٌْول الحق غرَّقنى
و غَرَّبنى و شّرَّقنى
و دّوَّقنى مَرَارْ كَاسى
و على كُلْ المِحَنْ عَدَّيت
و لا بَامْلُك قِيرَاط وَلا بَيْت
و كِتْفِى أسِير وَجَع فَاسى
وراح باشَا و جَهْ باشَا
و أنا بَابْعِد و باتْحَّاشى
لِحَدْ ماهُنت ع الجَّاهل
و ع الخَاين و ع القَاسى
و مِش نادمان
و قاعد بابكى ع الذِّكرى
و أملى شُعاع
فى نور شمس الأمل بٌكرة
يِطُلْ فى ضِحْكِة الأطفال
و فِى الأحلام ... و فى الفِكْرة
يِدَفِّينى و يملا دُنْيِتى إحساس
يِقَرَّبْنى لحضن الناس
و إيده تضُم وِ تْوَاسى
تِأكِدْلِى إنْ أنا وَاعِى
وِ مِشْ نَاسِى
وَجَعْ أهلى وْ هَوَان نَّاسى
يزيد أملى فى بُكرة قريب

بيتفصل على مقاسى

حرام عليك يا أخي تلط جروحي
وسيبنى في حالي يا آسى
هوه عشان ساكت تطلع روحي
والا انت فاكرني ناسى
والا عشان انت مش سامع نوحي
تقوم تكتب وتصدع راسي
والا أقولك اكتب كمان وكمان
يمكن تلاقى حد يسمع ويتنحرر
ويمكن نرجع رجال زي زمان
عشان فلسطين والقدس تتحرر

هذه