محلاها عيشة الفلاح
محمود بيرم التونسي
فيلم يوم سعيد بصوت اسمهان- ثم سجلها عبد الوهاب بمفرده
بياتى
1939
ماحـــلاها عيشــة الفلاح مطــمن قلبـــه ومرتاح
يتمرغ على أرض براح والخيـمة الزرقا ســاتراه ياه ياه
دى القعـــده ويا الخــلان والقلب مزقطط فرحــــان
تــتاقلها بجنــة رضوان يا هنـاه اللي الخل معاه ياه ياه
الشـــكوى عمره ما قالهـــاش ان لاقى والا ما لاقاش
والدنيا بقرشن ما تسواش طول ما هو اللي حبه حداه ياه ياه
يا ريف اعيـــانك جهلوك وعزالهم شـــالوا هجروك
لمداين مزروعة شــوك ياما حيقـــولوا يا ندماه ياه ياه
العرض الشجري