سؤال عن معنى مصطلح دائما ما يتردد في الموسيقى..أرجو اجابتي مشكورين

**الألآتى** · #1 26/05/2010, 02h47

أشكرك أستاذ عمار لإضافتك ..

وأحب أن أنوه أن الإهتزازات والذبذبات .. سواء أكانت بواسطة آلة موسيقية أو الصوت البشرى

هى مايطلق عليه ( تريمولى ) أو تريللات ..

أما العُرب .. فهى إستخدام حروف خارج حيز سلم المقام .. مثل الحساس أو الغماز .. أو إستعمال طريقة الكروماتيك .. وهى تندرج تحت مسمى الزخارف والحليات أيضاً .

مع تحياتى ..

**عمار العواد** · #2 27/05/2010, 00h26

بسم الله والصلاة والسلام على رسول الله وآله وبعد:تحياتي أستاذ محمد على التوضيح القيم ويبقى سؤالي عندما أعزف على العود مثلا وأقوم بتنميق النغمة أثناء العزف كأن أعزف دو-ري-مي بزحلقة وتنميق أو أن أعزفها بشكل مربع كأي آلة ثابتة أليس كذلك؟...و كنت أعتقد أن العرب هي تلك التنميقات أثناء العزف أو الغناء(برخامة )؟ والزخرفة تكون مدروسة من حيث الزمن وتجانس المقام أو السلم أليس كذلك؟...هل ما ذكرته وفهمته منك صحيح؟ أرجوالتثمين أو التصحيح أستاذ محمد بارك الله فيك.

**Hisham Khala** · #3 27/05/2010, 07h16

اقتباس:

المشاركة الأصلية كتبت بواسطة الألآتى

أشكرك أستاذ عمار لإضافتك ..

وأحب أن أنوه أن الإهتزازات والذبذبات .. سواء أكانت بواسطة آلة موسيقية أو الصوت البشرى

هى مايطلق عليه ( تريمولى ) أو تريللات ..

أما العُرب .. فهى إستخدام حروف خارج حيز سلم المقام .. مثل الحساس أو الغماز .. أو إستعمال طريقة الكروماتيك .. وهى تندرج تحت مسمى الزخارف والحليات أيضاً .

مع تحياتى ..

عمنا الالاتي واحشني جداً
عشان كده آنا داخل أنغشه شوية
الزخارف اللحنية كثيرة منها علي سبيل المثال:
التريل (Trill) (الزغردة) و التريل انواع:
تريل يبدأ من النغمة الاساسية (زي المثال المرفق: يبدأ من نغمة سي)
تريل يبدأ من نغمة أسفل أو آعلي النغمة الاساسية (في المثال: جريس نوت {علامة حجمها صغير أو مشطوب عليها} آسفل أو آعلي النغمة الاساسية) و الجريس نوت زمنها مسروق من النغمة التي بجوارها.
تريل ينتهي بجريس نوت او مجموعة من الجريس نوت ليصل الي النغمة التي سيتم الركوز عليها (في المثال: لا سي ثم نغمة الركوز دو)
مجموعة من التريل متتابعة (لم اعطي لها مثال)

أما الترمولوس (Tremolos) فهو مختلف عن الترل و معناه الرعشة
و الرعشة ممكن تكون بطيئة او متوسطة او سريعة
البطيئة: خط واحد علي النوتة: فيقسم زمن النغمة الي كروشات ، في المثال البلانش الي 4 كروش
المتوسطة: خطين : و يقسم زمن النغمة الي دوبل كروشات في المثال البلانش الي 8 دوبل كروش
السريعة: 3 خطوط: و يقسم زمن النغمة الي تربل كروشات ، في المثال البلانش الي 16 تربل كروش

الموردنت (Mordent) و الموردنت المقلوبة (Inverted Mordent) و تشبه في الشكل علامة الشدة و عليه خط او بدون خط (اسمعها في المثال بدل ما اوصفها في 5 سطور)

الترن (Turn) و فيه بعض الناس بيسموها كادنسا عشان بيتقفل بيها في بعض الجمل الموسيقية ، بس هي مش الكادنسا بتاعة علامات الاعادة (السينيو و الكادنسا) و برضه اسمعها احسن ما اوصفها في 10 سطور.

وفيه الجليساندو و .....
ها ابقي اجمعهم بإذن الله

كل الحليات ممكن عزفها علي الالات الموسيقية او غناءها

Ornaments.jpg

**الألآتى** · #4 27/05/2010, 14h21

أحسنت يادكتور هشام

وإضافاتك دروس نتعلم منها

واحشنى ياراجل ياطيب

**عمار العواد** · #5 28/05/2010, 18h38

بسم الله والصلاة والسلام على رسول الله وآله،شكرا جزيلا يا دكتور هشام على التوضيحات والأمثلة والشكر موصولا إلى الأستاذ محمد الآلآتي.

**عمار السويفي** · #6 07/07/2010, 21h11

بسم الله الرحمن الرحيم
الأستاذ الكبير أبو حسام ما شاء الله والله حضرتك نابغه في الموسيقى وبصراحه استفدت كتير جدا من حضرتك وجزاك الله خيرا على كل مساهماتك وردك على جميع الاسئله كان عندي كام استفسار لحضرتك
أولا : انا والحمد لله صوتي كويس وشغال منشد في فريق اسلامي وكنت عايز اتعلم مقامات وعلم اصوات عايز اعرف حضرتك تنصحني بايه وهل ممكن التحق باي معهد للموسيقى وباي المعاهد تنصحني ؟
ثانيا انا كنت عايز اتعلم عزف على الاورج بس انا بصراحه معرفش اي حاجه عنه اعمل ايه عشان اتعلم ؟
أسف للاطاله واتمنى حضرتك ترد عليا بسرعه وجزاك الله عنا خيرا