أخطاء نادرة في النص الغنائي - الصفحة 31

**حسن كشك** · #**301** 06/05/2010, 14h50

اقتباس:

المشاركة الأصلية كتبت بواسطة سامى نوار

هات يا سيدى كمان هات

خلى بالك يا أسد .. أنا شغلتى ألم لم وراك غلطات ومقاطع رائعة . بس أحمل وأجرى
أنت فاكر تغزيلة عمك الحاج سيد سالم فى ( بعيد عنك ) ؟؟
هات يا حبيبى هات .. هات اللى عندك

فناننا الكبير
سامى باشا نوار
يامليون اهلا بيك
والله واحشنى يافنان
ايوه فاكر تغزيلة عم سيد ابو شفه
دى بقى تغزيلة عم سامى ابو الانوار

**حسن كشك** · #**302** 06/05/2010, 14h55

اقتباس:

المشاركة الأصلية كتبت بواسطة معتز محمدي

يااااااااااه .. دي غلطة صعبه قوووي

فعلا مكنتش اتصورها

اقتباس:

المشاركة الأصلية كتبت بواسطة معتز محمدي

أنا سمعتها (وضئي) دمع العين

ولسه يا معتز باشا
بس انت ظبط ودانك
وهى تصطاد
عارف بتكون الحكايه ازاى ؟
كل لحن حفظناه عن ظهر قلب .... وكأننا سياره ماشيه على الطريق ... وأى غلطة للمطرب كأنه مطب ... تشعر بيه على طول ... وترجعله ... وتعرفه ....
وسمعتها زى ماسمعتها .... المهم انها غلطت وماقالتش ( وأخبى )

**معتز محمدي** · #**303** 06/05/2010, 14h59

اقتباس:

المشاركة الأصلية كتبت بواسطة حسن كشك

عارف بتكون الحكايه ازاى ؟
كل لحن حفظناه عن ظهر قلب .... وكأننا سياره ماشيه على الطريق ... وأى غلطة للمطرب كأنه مطب ... تشعر بيه على طول ... وترجعله ... وتعرفه ....
وسمعتها زى ماسمعتها .... المهم انها غلطت وماقالتش ( وأخبى )

الله ع وصفك يا استاذنا ...

بجد كفاية الوصف الجامد ده ... ربنا يدينا كمان وكمان

واوعدك احاول استلقطت اي غلط ...

تصدق وتأمن بالله سمعت أطلال تونس أكتر من 5 مرات .. ولا عمريش خدت بالي من الأخطاء اللي فيها .. يلا لسه بدري عليا

**حسن كشك** · #**304** 06/05/2010, 22h00

لعلم حضراتكم
أن هذه الاغنية
اروح لمين
وخاصة الوصلة الثالثة
فى الحفل الذى اذيع بتاريخ
2 مارس 1961
من اروع ماغنت ام كلثوم
فقد كانت فى قمة صحة صوتها وعنفوانه وجماله
ولها فيها ابداعات رائعة
اسمعوها

**معتز محمدي** · #**305** 07/05/2010, 09h49

اقتباس:

المشاركة الأصلية كتبت بواسطة د.حسن

إللى سمع أ. كامل البيطار فى برنامجه يوم الجمعة الماضية يشعر أنه متابع هذا الموضوع

( يعني ده بس تنوية علشان محدش يصطاد لنا اي غلطة )

المفروض يقول في الآخر.. سامعني يا د.حسن

**د.حسن** · #**306** 07/05/2010, 12h47

اقتباس:

المشاركة الأصلية كتبت بواسطة معتز محمدي

( يعني ده بس تنوية علشان محدش يصطاد لنا اي غلطة )
المفروض يقول في الآخر.. سامعني يا د.حسن

أخى وإبنى الغالى أ. معتز
أولاً مبروك المواطنة
ثانياً مهما قال مافيش فايدة
دى هواية عندى وسأهديك أغنية
مكانة شعب لعبدالحليم حافظ
مع تحياتى

**معتز محمدي** · #**307** 07/05/2010, 18h37

اقتباس:

المشاركة الأصلية كتبت بواسطة د.حسن

أخى وإبنى الغالى أ. معتز
أولاً مبروك المواطنة
ثانياً مهما قال مافيش فايدة
دى هواية عندى وسأهديك أغنية
مكانة شعب لعبدالحليم حافظ
مع تحياتى

مبتسما قرأت رسالتك واسمعتها أمي

سألتني ما المواطنة .. وعما تتحدثون في هذا الموقع ... اجبتها انها رتبه من رتب سماعي .. ونتحدث عن أخطاء المذيع و المطرب ...

وسألتها عن مكانة شعب ما الخطأ فيها .. للأسف لم تعرف ... بحثت وعرفت أن اسمها حكاية شعب .. ووجدتها عندي وسمعتها وعجبتني كثيراً

ضربه كانت من معلم
خلى الاستعمار يسلم
والحصار الاقتصادى
جاب سلاحه طيارته
غوصاته دباباته
واعتدى علشان نسلم
هو مين لاء ده بعده
هو مين لاء ده بعده
كنا نار اكلت جيوشهم
نار تقول هل من مزيد
وانتصرنا ولسه عارهم ذكرى
فى تراب بورسعيد
والعروبه فكل دار وقفت معانا
والشعوب الحره جت عاللى عدانا
وانتصرنا انتصرنا انتصرنا

**جابر المراغي** · #**308** 08/05/2010, 17h54

ارجو ان يتسع صدركم ليه هل تعلمون حضرات السيدات والسادة اعضاء منتدى سماعى الجميل ان المطربة الدكتورة عفاف راضى قد دخلت عالم الطرب والفن بقرار جمهورى ومن الرئيس جمال عبد الناصر شخصيا هاتقولولى طب ازاى اقولكم انا ازاى ذات ليلة كان الرئيس عبد الناصر وهو يقلب بين محطات الاذاعة فشد سمعه صوت السيده فيروز المخملى ولكنه تمنى ان تنجب مصر صوتا مثل صوت فيروز وبالفعل تم البحث عن الصوت المطلوب فكان صوت عفاف راضى التى كانت تدرس بمعهد الكونسرفتوار ولما عرضت على فريد الاطرش افاد بعدم صلاحيتها للغناء الشرقى فتبناها بليغ حمدى ودربها على الغناء الشرقى وكان يقود الفرقة الموسيقية المصاحبة لها فىالغناء هاتقولولى طب وايه علاقة ده بموضوعنا ارجعواللاستماع الى اغنية هوا ياهوايانسمةشوق رايحة تعدى على ديار حبيبى تاليف محمد حمزة وتلحين بليغ حمدى وخدوا بالكم وهىبتقول اللى مسافر دا عبيبى بدلا من حبيبى

**أمل الصافي** · #**309** 08/05/2010, 18h08

أريد أن أذكر ما أعتبره خطأً فادحاً للموسيقار محمد عبد الوهاب وهو خطأ في اللحن أكثر منه خطأ في اللفظ
والخطأ هو في أغنية آه منك يا جارحني
فمع بداية الأغنية نلاحظ أن الأستاذ غنى آه منك يا جارحني فلجأ إلى مد حرف النون في مكان لا غير مناسب وغير سائغ للأذن السليمة فظهرت الجملة بهذا الشكل: آه منك يا جارحن ن ن ي
وهي بنظري سيئة وغير موفّّقة عل الإطلاق والمشكلة أنه أعاد الكرة في: مش راضي تسامحني فبدت هكذا تسامحن ن ن ي
ولو أنه توقّف على حرف الحاء لبدت الجملة أيضاً غير مستساغة لأن الحاء حرف مصمت
أظن أنه كان على ألأستاذ أن يعدل اللحن
ولكم الشكر

**أمل الصافي** · #**310** 08/05/2010, 18h16

أنا مع العصفور الطائر : طائر الشوق أغني ألمي كي يستقيم المعنى ويستقيم الوزن وفاعلاتن هنا مهمة جداً