امثال من الموال والمربعات فى الفن الشعبى

[عبدالكريم فتاح]

ــــــــــــــــــــــــــــــــــــــــــــــــــ ـــــــــــــــــــــ
تطلب وما تراعي للظرؤف
ــــــــــــــــــــــــــــــــــــــــــــــــــ ـــــــــــــــــــــ
1أبودرويش
والدك يشرب شاي ياباني
وأنت عيونك شيبوني
عشان ماحيلتي شي ياباني
تطلب وما تراعي للظرؤف
2أبوياسر
ياولدي شايف أبوك معزور وعايزني أنفذ طلبك بسرعه وضلك
يعني أطفش وأسيب الوادي لك
ولا عايزني أسرق وأديلك
تطلب وما تراعي للظرؤف
3أبودرويش
الفقر ياغالي وجنيهين
معنديش شجرات طرحن أبعهنلك وأجنيهن
حيلتي علبه سجاير وجنيهين
تطلب وما تراعي للظرؤف
4أبوياسر
لم كان حداي مخليتش حاجه ماديتها
ودراستك لم طالت مدتها
أيدي للي مايسوي مديتها
تطلب وما تراعي للظرؤف
5أبوياسر
دورت كتير ملقيتش حد يعني بأعاني
وأديني راجع أبكي بعيني
ولو فيه سوق للأبوان بيعني
تطلب وما تراعي للظرؤف
6أبودرويش
أصرف عليك أنت ولا البيت
لو طلبت دراعي والله لبيت
أبيع السراير ولا البيت
تطلب وما تراعي للظرؤف
7أبوياسر
شوفلك وضع عال يرايحك
بكره لم يبقي عندك متخلنيش أسقف علي ريحك
بقيت راجل يلاأعتمد علي روحك
تطلب ماتراعي للظرؤف
8أبودرويش
كبيرت وطلع شنبك ولا حرامي
ماتوقفليش زي اللوح ريمي
أبقالك شحات ولا حرامي
تطلب ماتراعي للظرؤف
ــــــــــــــــــــــــــــــــــــــــــــــــــ ـــــــــــــــــــــــــــ
كلام المرحوم يحيي وردودرشاد عبدالعال وأبودرويش
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــ
رغــــــــــــــــــــــــم حــــــــــــــــــــــلاوه الماضــــــــــــــــــــي عايـــــــــــــــــــــز
أنســــــــــــــــــــــــــــــــــــــــــــاه