اخي العزيز عادل
انا عاوزك تحولها على نفس المقام اللي انا بدات فيه عزفي في الملف المرفق وهو يبدا من عشيران يعني بدات بالسلم الاتي( لا عشيران - سي بيمول- دو - ري - مي ناتورال - فا - صول - لا ناتورال جواب) هذا هو السلم او المقام الذي عزفته انا في الملف ورايت الكثير يعزفها من هذا السلم ومن ضمنهم عبادي الجوهر رايته فيديو- بتمنى تكتبها او تحولها اذا امكن على هذا المقام- او الدرجة سميها كما شئت المهم تطلع الطبخة حلوة في النهاية
معلش هتعبك شوية بس انت جرب تحولها
تحيااااااااااااااااااااتي لك
اخوك المتعب وائل
مقلتليش رايك ايه في الجزء اللي انا عزفته من اغار من قلبي على المقام الي عزفت عليه؟؟؟؟
وفي هذه الاغنية انا حاسسها انها واحد واحد نص يعني عجم عشيران
سلام
اخى العزيز وائل
اولا الجزء اللى انت عازفه حلو لكن السؤال انت العود بتاعك مضبوط على ايه يعنى انا عندى بيانو على الكمبيوتر بقيس بيه البيتش وانت عودك كده مضبوط ناقص نصف تون يعنى كلمة اغار انت عندى مبتدىء بنغمة لابيمول وعزفك كرد من لا يعنى الحسينى بمعنى المقام اللى انت كاتبه هنا فيه سى بيمول فقط مش لا بيمول انا هنا مرفق لك اللحن بعد ما رفعته تون
كمان مرفق ملف مضغوط عليه برنامج البيانو يعنى اضبط عودك عليه ( انتى تعرف اسماء اصابع البيانو ؟ )
مع اطيب تحياتى
عادل صموئيل
اخي العزيز عادل هي النوتة وهو ده المقام وهي دي الدرجة اللي انا عاوزها عشرررة على عشررررة بالضبط هو ده اللي انا كنت اقصده -تسلم ايدك نوتة ولا اروع وبالنسبة لدوزان عودي انا مش بدوزنه الدوزان العالمي باستخدام جهاز القياس انا زي ما حضرتك قلت هو ناقص نص التون بس الغريب انه طلع عندك ان انا بدات كلمة اغار من لابيمول في حين انا بداتها من لا حر/ ناتورال وانا بشكرك على برنامج البيانو لانه مفيد جداااا ومكنش عندي وبالنسبة لاصابع البيانو انا بعرف نغمتها يعني اقولك دي مي او سي او دو كده يعني بس معرفش اسمها
تحياتي وخالص شكري لشخصك الكريم
اخوك وائل
اخى العزيز وائل
طالما انت عايز تبقى تلميذى ممكن اديك شوية ملاحظات مهمة
(وطبعا الكلام بتاعى موجه للجميع )
اولا اهم شىء يكون عودك مدوزن على الدوزان العالمى
يعنى انا اى تسجيل انتم بترفعوه لى عشان ادونه اول شىء بحس بالطبقة وده بالمقارنة ببرنامج البيانو لأن برنامج انكور مضبوط على الدوزان العالمى وانا على طول اكتشفت ان عودك مدوزن فرق نص تون لما قارنت عزفك على برنامج البيانو
بالنسبة لأى حد مايعرفش اسماء اصابع البيانو هى سهلة جدا
ومرفق ملف كتبت فيه اسماء اصابع البيانو يعنى اهم شىء تدوزن عودك عليه تاخد صول وتدوزن باقى العود عليها
وبالنسبة لك ولكل المهتمين بالوصول الى اعى درجة فى النوتة الموسيقية لابد ان تبدأ فى استعمال برنامج انكور انا منزله هنا فى قسم الدروس ومنزل معاه ملفات شرح وافية جدا من تأليفى
وحتستفيد منه جدا جدا
مع اطيب تحياتى عادل صموئيل
التعديل الأخير تم بواسطة : عادل صموئيل بتاريخ 09/04/2010 الساعة 12h46
السلام عليكم
اقدم لكم شوية كده على قدي مقدمة نبتدي منين الحكاية + اغار من قلبي وطبعا اغار من قلبي مؤخرا من كتابة الاخ الغالي عادل
وبالمناسبة الاثنين طبعا من تلحين عبدالوهاب
اتمنى تعجبكم
تحياتي
وائل
اشكرك اخى العزيز وكلامك بيشجعنى اتعب اكتر مع خالص تحياتى عادل صموئيل
حياكم الله اينما كنتم وايا كانت بلدانكم الي استاذي غواص في بحر النغم الأصيل عيزنا نرجع زى زمان قول للزمان ارجع يا زمان مشكووووووووووووووووووووووووووووووووووووووووووووووو ووووووووووووووووووووور استاذ عادل ع الرد الجميل و ياسلام علي الكلمة الحلوة والمعني الجميل و ما اجمل الكلام اذا كان يعبر عما بداخل كل انسان حبيب وما اجمل ألحانك التي تمس العليل فيطيب وما اجمل تدوينك الذي هو رقيق ذا مذاق معطر بالطيب و كنت انت كما كنت يا سيدي و لازلت نجما لامعا ذو وهج و بريق وها نحن كما نحن نستمع اليك و انت كاخ شقيق و ألحانك عبير تعطينا دفئ كطعم الرحيق. الحانك عبر الزمان تنتشر في كل مكان وتنشر بين جاونبنا الحب والحنان وتعطينا املاً جميلاً ينسجم مع انسان تلو الإنسان, الحانك تنسى هموم من معك اياً كان, فلا تلومو شوقي اليه ولا تسألو عني بمكان فأنا هنا مع استاذي اسمع منه اجمل الألحان. انت سيد الكل ومتربع علي عرش تدوين الغناء الاصيل ولله زيك ما فيش الا القلة القليلة بس اكيد ما فيش حد زيك توا او زمان او مستقبلا. ولي سال بعد اذنك استاذ عادل استعص عليا شويا في اغنية اسال روحك في مقطع و تغيرت شويه شويه واتغيرت و مش بادييا هل هو مقطع صبا على درجة صول او هو مقطع حجاز على درجة صول ام هو صبا على درجة ري شكرمن كل قلبي و أشكرك على هذا المستوى الرائع من العمل والإقدام دائما للأمام والتميز المستمر و على فكره عمل ايه صحة الوالد العزيز مع خالص تحياتى اخوكم
اخى العزيز اولا اشكرك على كلماتك الجميلة التى اوشكت ان تكون شعرا ثانيا صحة الوالد مازالت متأخرة ثالثا انا دونت لك بسرعة الجزء الذى سألت عليه فى اغنية اسأل روحك لو تلاحظ فى المازورتان الثانية والثالثة هو عمل مايشبه صبا على الرى ( عندما عمل صول بيمول ) ولكن اكاديميا لا نستطيع ان نقول انه عمل صبا على الرى لأن المقام يبدأ من دو ( يعنى لو ممقام الاغنية يبدأ من رى كمقام الكرد او البياتى هنا نقول انه عمل صبا والمهم انك تعرف المقام الاساسى وان تحس بعلامات التحويل , والحركة هنا نحن نعتبرها تلوين للحن ولا نعتبرها تحويل مقامى , لأن التلوين يأتى فى جملة واحدة او جزء من جملة ولكن التحويل ان ينتقل الى مقام آخر ويستمر عدة جمل ولو تلاحظ هنا فى هذا الجزء ان الموجى قام بعدة علامات تحويل وهو مازال فى مقام الحجاز كاركورد , وهنا مشكلة فى اسماء تلك التحويلات فهى اسماء كثيرة جدا تقرب من اربعين اسما وتحتاج دراسة احترافية عالية جدا تستغرق سنينا طويلة , وانت لو اخذتها بسرعة ستحدث عندك بلبلة , والنصيحة هى بالنسبة للهواة ان تتعرف على المقام الاصلى وتحس علامات التحويل العارضة التى طرأت عليه ثم تحس بالتحويل لمقام آخر اذا حدث لكن فى هذا الجزء هو استخدم مقام الحجاز كاكرد وتجول ثم عاد ليقفل فى مقام الحجاز كاركرد وما معنى نقلة مقامية او تغيير المقام يعنى مثلا فى مقام النهاوند اذا استمر ثلاث جمل فى النهاوند ثم انتقال الى الراست وعمل عدة جمل ( ولاحظ كلمة عدة جمل لا جزء من جملة ) ثم عاد وقفل على النهاوند هنا نقول اللحن فى مقام النهاوند لأنه قفل على النهاوند , وطبعا هذا يسرى على جميع المقامات مع اطيب تحياتى عادل صموئيل
التعديل الأخير تم بواسطة : عادل صموئيل بتاريخ 10/04/2010 الساعة 13h55
سلام عليكم يا إخواني
اقدم لكم من عزفي المتواضع دائما على العود بقى عايز تنساني
اتمنى ان تنال اعجابكم وارحب بملاحظاتكم
إنت فين يا عم عادل ؟؟؟؟؟غيابك طول اووووي
تحياتي
اخوكم وائل
اخى وائل صباح الخير انت عازف جميل يا وائل والتقاسيم جميلة فعلا ما شاء اللة وانا لى طلب صغير ان تعيد عزف بقى عايز تنسانى مرة اخرى لأنى حاسس انك ممكن تعزفها احلى من كدة وانا فى الأنتظار مع تحياتى.....ارمندو
اخي وصديقي الجميل ارمندو تفضل اسمع دي كده وقولي ايه رايك انا عزفتهالك مخصوص انا اصلا كنت براجع الف ليلة ومش في دماغي خالص بقى عايز تنساني
بس اقولك على مشكلة بواجهها وهي انا لما بعزف لوحدي ببقى اخرررررررررر سلطنة وطرب بس مجرد لما بدوس على زر التسجيل ضغطي بيرتفع وبتحصل اللخبطة الي بتلاحظها في بعض الجمل يعني بقى عايز تنساني دي لو ربنا اراد اسمعهالك عالطبيعة تقول واحد تاني الي بيعزف مش انا - يعني في التسجيل بخسر نص مستوايا في العزف معلش انا اصلي جديد في مسالة التسجيل دي اول مرة في حياتي اسجل كانت ست الحبايب يعني لسه مكملتش شهر ونص في التسجيل
معلش اتحملوني شوية وانا بستفيد من ملاحظاتكم
تحياتي لكل من مر وسمع عزفي المتواضع
اخوكم وائل
الأخت العزيــــــــــــــــزة الغالــــــــــــــــــــية جــــــــــــــــــــــــــــولـــــــــــــــــــ ــــــــيانــــــــــــــــــــــــــــة سلام الله عليكم ورحمته وبركاته وبعـــــــــــــــــــــــــــــــــــــد : إليكــــــــــــــــم جميــــــــــــــعا النوتة الموسيقـــــــــــــــــية لأغنيــــــــــة (( محمــــد نبــــــــــــــــينا )) من تدويــــــــــــــن أســـــــــــــــــــــتاذنا الكبير عــــــــــــــــــــــــــــادل بـــــــــــــــــاشـــــــــــــــــــــا صموئــــــــــــــــــــيل ندعــو الله أن يتم شفاءه شفاءا تامــــــــــــا ويعـــــود إلينا بســــــــــــــلامة الله وشكررررررررررررررررررررررررررررررررررررررررررررررر رررررا أخوكـــــــــــــم / نور الصباح
سلام عليكم جميعا
اقدم لكم حاجة كده من عزفي المتواضع وهي لونجا رياض السنباطي
وانا عدت الخانة الثالثة 3مرات لان فيها تنوع في الريشة فحبيت اقدم في كل مرة ريشة مختلفة
طبعا معروف ان اللونجات والسماعيات تعزف كل خانة مرتين فقط وبعد كل خانة الرجوع الى التسليم ثم الذهاب للخانة التي تليها وفي النهاية الانتهاء بالتسليم
طبعا انا سمعت عشراااااااات العازفين والفرق في اليوتيوب يعزفوها وكل واحد له سرعة مختلفة وعجزت وانا ابحث عن هذه اللونجا بعزف السنباطي لان بالتاكيد نسمعها من الملحن افضل شي لكن للاسف لم اجدها فعزفتها بسرعة متوسطة الى سريعة نوعا ما ووجدت ناس يعزفونها بسرعة الصاروخ وهذا يفقدها جمالها -المعروف ان اللونجات معزوفات سريعة وتختلف هذه السرعة من عازف الى اخر
تحياتي ....
اخوكم وائل
رد: طلبات نوتة
العرض العادي
