الموسيقى الأجنبية المقتبسة للأفلام العربية

[باسل الجمل]

المشاركة الأصلية كتبت بواسطة باسل الجمل

السلام عليكم ,
لو حد إتفرج على فيلم شياطين فى أجازة بتع حسن يوسف ومحمد عوض ويوسف فخر الدين وركز فى الموسيقى التصويرية كويس أوى ............. ياريت يقولى ضرورى المقطوعة الموسيقية الكانت فى أول الفيلم لما غسان مطر نزل من على التاكسى وقفز للسور ................ وأنا عارف مقطوعتين من الفيلم وهم :
1- موسيقى مقدمة الفيلم إسمها Popcorn توزيع Hot Better وأصلا للمؤلف Gershon Kingsley
2- الموسيقى الكانت تصاحب سهير رمزى ولبلبة لما كانوا بيعضوا فى واحد من رجالة غسان مطر فى المركب مقتبسة من فيلم A Fistful Of Dollars للموسيقار الإيطالى Ennio Morricone بعنوان The Chase

أما باقى المقطوعات ياريت حد يقولى ضرورى وأقتبست هذه المقطوعات فى أفلام مصرية كتيرة فى الستينات والسبعينات

وبالنسبة للموسيقى الكانت تصاحب غسان مطر لما نزل من على التاكسى و قفز للسور كانت تصاحب يوسف فخر الدين فى فيلم إسمه هى والشياطين لما كان يوسف فخر الدين تعب من العوم فى الترعة ...........وهو فيلم من بطولة شمس البارودى وعادل أدهم وأحمد رمزى ........... فى الفيلم ده أقتبست موسيقيته أيضا من فيلم Goldfinger للموسيقار البريطانى John Barry وركز فى مقطوعة من الفيلم إسمها Teasing The Korean

بس أنا عارف إن طلبى ده تقيل شوية ، وأنا شاكر لليقولى على المقطوعة دى

وأنا رفعت المقطوعات عشان تسمعوها وتقولولى إيه رأيكم ؟ وشكرا