الاخوة الشعراء والاساتذة الافاضل/ تحية لكم على هذا الرقي وهذا الابداع المتواصل الذي يجعل كل القراء يشعرون بالمتعة والجمال لكم مني كل الاحترام والتقدير.
اهديكم هذه الكلمات التي كتبتها بعد الحادثة المؤسة الذي استشهد خلالها الشاب المصري احمد شعبان
فتحية الى ابناء مصر والى مصر العروبة والنخوة والشهامة.
أرضوك تسامحني
أحمد يا أبن مصــــر
أرضـــــوك تسامحني
أنا مش من ولاد العصر
الظلم جارحني
أنا صوتي هنا مدفون
ومش لاقي بالدنيا قانون
كلٍ ما سأل حدِ فيهم
ببقى مش فاهم ومجنون......
إتمدت إيدين الغدرِ ليك
بعدِ ما كانت مصر بتناديك
النيل الطيب حنلك
فاكر لما كان بحضنو يسمعك
يفرحك ويزعلك ويدمعك
لما كنت بتجاوبو بعنيك.....
ليه يا طيبين بتجرحونا؟
ولا أنتو بقيتو كمان علينا؟
دي مصر أم الدنيا
دي مصر أسوارها عالية
بس مش من حقِ حد
أصل فيها الخير بجد
ولسه الأيادي بتتمد
معونة رايحة ومعونة جاية.......
أحمد يا أبن مصر
عن نفسي يعتذر
لامك وأبوك وكل البشر
بتألم لدمك إلِ هو دمي
فلسطيني مصري يا أبن عمي
بصرخ بصوتي أنتا بطل
وإلِ مش عاجبو بلاش
يضرب دماغو بحجر.....
يا مصر أوعي تحطي علينا اللوم
إحنا بنتقطع كلِ يوم
القوافل إلِ جاية
بس تعرفها الغيوم......
أحمد يا أبن مصر
ده اليوم قرانك
بالجنة بيتك بالجنة دارك
مبروك الشهادة عليك
يا حامي أرضك برموش عنيك
مبروك الشهادة يا بطل.......
الفلسطيني/
ضياء أبو الأمل
اهداء الى روح الشهيد المصري/أحمد شعبان (أرضوك تسامحني)
العرض الشجري