طلبات نوتة

**عادل صموئيل** · #1 11/03/2010, 13h29

الأخ العزيز عبد الرحمن مهند
اولا انا بحب اشجع كل واحد فى المنتدى وبالذات احب اشجع الاعضاء الجدد
واقدم لك نوتة
حبيتك وبحبك وححبك على طول
وطبعا لاحظ ان فيه طلبات كانت كتير قبلها من الأعضاء المنتظمين ولكن انا دونتها بسرعة تشجيعا للأعضاء الجدد انهم يواظبوا على التواجد فى منتدانا الحبيب
مع اطيب تحياتى

**وائل** · #2 11/03/2010, 14h27

عزيزي عادل
ازي حضرتك؟ دي مقطع صغير على قدي من الف ليلة بعد التعديل وسامحني لو فيها لخبطة انا تلميذك
انتظر تعليقك ورايك
تحياتي
عزيزى وائل
انا سمعت العزف هو جميل جدا وطبعا لازم يكون لى تعليقات
اولا لازم تركز جدا انك تعزف سماعى يعنى مش النوتة فقط السماعى يديك امكانيات اكبر بكتير تضيف للنوتة
وثانيا تختار اغنية تعزفها وتدندنها مع نفسك طول الوقت وبدون العود الاول بعدين تغنيها على العود
وثالثا اهم شىء وانا عملته كتير زمان كنت لما بسمع الراديو واى حد من اللى بحبهم بيغنى كنت امسك الكمنجة واعزف معاهم دى تديك تدريب على اعلى مستوى بمرور الوقت
زى قيادة السيارة فى شارع بمفردك والقيادة فى شارع مليان سيرات اخرى فى الحالة الثانية لازم تتفاعل مع السيارات الأخرى ولو طبقناها على العزف تلاقى انك لما تعزف مع الشريط الفرقة بتحددك يعنى لازم تلتزم بالسرعة معاهم وكل الحروف معاهم وبالتدريج تلاقى مستواك اعلى بكتير
رابعا انت سبق قلت انك عزفت مع عازف ايقاع ياريت لو تسمح ظروفه وتقابله وتعزف معاه كتير لأن العزف مع الايقاع الحى بيفرق كتير جدا فى تظبيط الإيقاع معاك يعنى انا مثلا من ضمن مميزاتى وانا بعزف بمفردى انى بتخيل من الخبرة ان معايا عازف ايقاع مع اطيب تحياتى عادل صموئيل
ملحوظة اللى قلته ده طبعا خبرة ممكن يستفيد منها الجميع

**وائل** · #3 12/03/2010, 11h30

اقتباس:

المشاركة الأصلية كتبت بواسطة slimanaa

استاذ عادل تحياتي..يا ريت استاذ تتحفنا بشي نوته دسمه من روائع كوكب الشرق.امل حياتي--انت عمري--الحب كله --بعيد عنك...انا بعرف انو قسم من النوتات موجدين بس احنا يا استاذ بدنا يكونو من تدوينك الخاص والسهل......

انا اضم صوتي لصوتك بالذات في امل حياتي والحب كله وبعيد عنك
اما بالنسبة لانت عمري فالموجودة سهلة وواضحة جدا-تفضل جرب هذه

**عمرو الهنداوي** · #4 12/03/2010, 21h26

استاذ عادل ازى حضرتك

فى اغنية لمحمد عبد المطلب اسمها يا اهل المحبة و
وجدت لها نوتة مبسطة وقد عزفتها
لكن ما قادر اثق بمدى مصداقية هذة النوتة ومش عارف ليه؟؟؟

على العموم النوتة مرفقة ومعها ملف صوتى لها (ميدى)

انا ما عندى اى مشاكل فى عزفها لكن مش قادر اثق فيها
انت خبير موسيقى واكيد حتعرف ليه

انا حاسس انها مختصرة جدا لدرجة انها فقدت روح اللحن
مش عارف بقى؟؟؟
شوف حضرتك انت وقولى
انت خبير فى النوتات واكيد حتعرف ليه
كل التحية
عزيزى عمرو
طبعا انت صح انا لما حولتها على عادل صموئيل الطبيب الشرعى ( اصل عمك عادل ده سبع صنايع والبخت ضايع )فى النوتة وشرحها وجد اسباب وفاتها
هى ممكن يكون اللى دونها واحد حافظها بس ودنه مش موسيقية اوى يعنى بيحفظ الجملة مش صح او كاملة 100% وعدنه خطأ خطير فى التدوين يعنى عمل جزء من الجملة بطىء فى ضعف الزمن
والنوت دى تودى فى داهية لأن ممكن ناس تحفظها كده عموما انا حادونها صح انتظروها قريباً
مع تحياتى عادل صموئيل

**وائل** · #5 12/03/2010, 21h37

السلام عليكم
تفضلو معزوفة توتة من عزفي المتواضع الذي سوف يتطور بملاحظاتكم وتوجيهاتكم التي تهمني كثيرا
المعزوفة دي انا حافظها وبعزفها بكل تمكن وبلعب فيها باقتدار بس من غير تسجيل بس مش عارف لما اجي اسجل ايه الي بيحصلي برتبك كتيرررر يمكن عشان لسه جديد في التسجيل وانا سجلتها من اول مرة وكنت ممكن اعيد تسجيلها واعدل فيها بعض الشي لكن نزلتها من اول تسجيل سجلتو - ان شاء الله تعجبكم
اخوكم وائل
عزيزى وائل
انا سمعتها وهى حلوة جدا
بالنسبة للإيقاع مش مشكلة يعنى انت ممكن تعمل الايقاع بالعود والميزة دى مش موجودة فى الكمنجة
اما بالنسبة لمشاكل التسجيل فيه برنامج مهم اسمه كول اديت
انا شخصيا بستعمله يعنى بسجل براحتى ممكن المقطع مرتين او تلاتة بعدين بحذف اللى انا مش عايزه يعنى اى جزء تحس انه مش حلو اعزفه تانى وتالت لحد ما يبقى احلى حاجة وتاخد الحلو وتحذف الباقى ودى طريقة التسجيل فى كل الدنيا بس يلزمك كمان برنامج كونفرتر يحول ال Mp4 الى MP3 وبعدين تفتح المعزوفة على كول ايديت وتعمل لها مونتاج
مع اطيب تحياتى عادل صموئيل

**عادل صموئيل** · #6 12/03/2010, 23h00

اخى العزيز وليد
اقدم لك نوتة فيفيا اسبانيا
انا دونتها مع انها مش من اللن اللى انا بشتغل فيه
بس الظروف اللى مرت عليا الاسبوع ده خلتنى بدون اى حاجة حتى لو غريبة يعنى بحاةل اخرج من ظروفى ومن حسن حظك انها كوبليه بيتكرر يعنى لو لا كده ماكنت كتبتها بالسرعة الغريبة دى مع نها سريعة جدا ومزعجة فى التدوين بالذات عشان انا اول مرة اسمعها
بس انا انصحك حاول تعزف سماعى لأن الاغانى دى مش متداولة عندنا يعنى اكيد معظم الاعضاء كمان ماسمعوهاش

**عادل صموئيل** · #7 13/03/2010, 17h49

احبائى
اقدم لكم اغنية من العيار التقيل
اغنية يا قلبى ياعصفور
من طلبات اخى العزيز نور الصباح
وهى اغنية قديمة لكن مش متداولة كتير
هى من روائع السنباطى
اتمنى ان تعجبكم

**nzar123** · #8 14/03/2010, 13h20

مرحبا
هذا هو التسجيل الصوتي للفنانة ورده الجزائرية
وهو من نفس المنتدى ( منبر الطرب ) أهل المغنى ( ورده ) ثم تختار الاغنية المطلوبة وتنزلها
وهذا هو التسجيل

**نور الصباح** · #9 15/03/2010, 10h07

الأخ العزيــــز والصديـــــــــــــــــق الوفى الفنان الكبير /
عــــــــــــــــــــــــــــــــــادل بــــــــــاشـــــــــــــــــــــــــا صموئـــــــــــــيل
سلام الله عليكم ورحمته وبركاته
وبعـــــــــــــــــــــــــــــــــــــد :
أقدم لكم كل الشكر والتقدير لجنابكم وأدعو الله لكم بالسلامة من كل سوء
لقد أبدعت كل الإبداع وتفوقت كل التفوق على الأقدمين والمحدثين بل
بل تفوقت على نفسك رغم هذه الظروف التى تمر بها - وأنا أدرى الناس
بها وبمدى الجرح الذى تعانيه هذى الأيام ندعو الله العلى القدير أن تمر بسلام إن شاء اللـــــه
جميلة جدا النوتة الموسيقية ( يا قلبى يا عصفور ) وتسلم إيديك وهى فعلا صعبة بس لو تحاول تصورها من على الدوكاه
أعتقد حا تبقى أسهل فى العزف
وشكرررررررررررررررررررررررررررررررررررررررا
وما كنش وقته
أخوكـم / نـور الصباح
ماشى ياعم نور شوف كده وقول لى رأيك
مع اطيب تحياتى عادل صموئيل