كيف افرق بين ......

**الألآتى** · #1 10/03/2010, 02h11

الموشح

الموشح نوع من أنواع الشعر المنظوم أصلاً ليتم تلحينه ..

وهو يعتمد على تعدد القوافى .. والموشح أصله أندلسى ..

وجاءت تسميته بالموشح .. لأنه كثير الزخارف والحليات ..

وهو يتألف من ثلاثة أقسام .. يسمى القسم الأول ( الدور ) .. والقسم الثانى ( الخانة ) ..

أما القسم الثالث .. فيتم تلحينه مثل القسم الأول من حيث الوزن والشكل اللحنى ..

ومن أشهر الموشحات .. لمابدا يتثنى .. ملا الكاسات .. ياشادى الألحان .

الطقطوقة

هى نوع من أنواع الزجل ..

وتعتمد على لازمة موسيقية واحدة .. ثم غناء .. ثم تعاد اللازمة الموسيقية ثم غناء وهكذا ..

ومن أشهر الطقاطيق .. ( جمالك ربنا يزيده ) و ( إللى حبك ياهناه ) و ( غنى لى شوى شوى ) و ( حبيبى يسعد أوقاته ) وإن كانت الأخيرة خرجت عن المألوف بفضل ملحنها زكريا أحمد ..

القصيدة

القصيدة هى شعر عمودى مقفى .. وتعتبر من أرقى أنواع الغناء العربى .. ويجب أن يكون هناك لوازم موسيقة وإيقاعات تلائم هذا النوع من الشعر ..

ومن أشهر من تصدوا لتلحين قالب القصيدة .. أبو العلا محمد .. ورياض السنباطى .. ومحمد عبد الوهاب

النشيد

النشيد ليس من أنواع القوالب الموسيقية المعروفة

لأن كلمة نشيد .. جاءت من الإنشاد .. أى الغناء ..

ولكننا تعارفنا على تعريف النشيد بأنه غناء سهل المقاطع والأوزان .. وغالباً يكون على إيقاع واحد ومقام واحد .. ليسهل ترديده بين الجماهير .. وهو يصلح لتحفيز الهمم فى وقت الحروب والمناسبات الهامة ..

ولا أعرف بصراحة ياعزيزى .. ماذا تقصد بالغناء العادى .. فكل أغنية لابد أن تنتسب لأحد القوالب المعروفة

وإن كانت الأمور إختلطت فى أيامنا هذه .. وغالبية أغانى هذا الزمان تنتسب لقالب الطقطوقة الخفيفة ..

لعلى أكون أوصلت بعض المعلومات لك أخى العزيز ..

**عادل فؤاد رفاعى** · #2 10/03/2010, 02h44

معلومات قيمة ومفيدة تفيد المتخصصين و غير المتخصصين على حدٍ سواء......انا دايما كنت بتلخبط بين هذه القوالب..وشكرا لك يا ابو حسام يا كبير

**abuzahda** · #3 10/03/2010, 03h15

شكراً لأخي حبيب عبد الوهاب

على طرح هذا السؤال الوجيه

و شكراً على كل حرف في الإجابة الشافية الكافية
لأستاذ الأساتيذ

المايسترو الألاتي

صدق من قال: العلمُ نور ٌ

.

**رائد عبد السلام** · #4 10/03/2010, 04h26

اقتباس:

المشاركة الأصلية كتبت بواسطة abuzahda

شكراً لأخي حبيب عبد الوهاب

على طرح هذا السؤال الوجيه

و شكراً على كل حرف في الإجابة الشافية الكافية
لأستاذ الأساتيذ

المايسترو الألاتي

صدق من قال: العلمُ نور ٌ

.

آهو كله من ده بقي ياأبو وجد !!
تقعد مع الراجل المايسترو

ده

ماتبقاش عاوز تقوم
من كتر العلم والضحك والتواضع .... والطيبة

**abuzahda** · #5 10/03/2010, 04h43

اقتباس:

المشاركة الأصلية كتبت بواسطة رائد عبد السلام

آهو كله من ده بقي ياأبو وجد !!

تقعد مع الراجل المايسترو ده

ماتبقاش عاوز تقوم

من كتر العلم والضحك والتواضع .... والطيبة

إنت بتغيظني يا أستاذ ؟
علشان انت قعدت معاه و انا لسة ؟

،

يا سيدي ربنا يقرّب البعيد ، على رأي ابو دينا

و نشوفكم يا ناس يا حكاوي

**aymoon** · #6 10/03/2010, 11h22

شكرا عمنا الآلاتي
ووالله يا جماعة أنا إللى نفسي أقعد معاه.
هو بس يدعيني ويشوف
حيلاقيني عنده فورا، وهو في حد يفوت قعدات السميعة الكبار دول؟

**الألآتى** · #7 10/03/2010, 12h13

اقتباس:

المشاركة الأصلية كتبت بواسطة aymoon

شكرا عمنا الآلاتي
ووالله يا جماعة أنا إللى نفسي أقعد معاه.
هو بس يدعيني ويشوف
حيلاقيني عنده فورا، وهو في حد يفوت قعدات السميعة الكبار دول؟

من غير دعوة أخى العزيز .. إنت تشرفنى وتنورنى ..

**هيثم أبوزيد** · #8 19/03/2010, 16h15

[QUOTE=aymoon;409541]شكرا عمنا الآلاتي
ووالله يا جماعة أنا إللى نفسي أقعد معاه.
هو بس يدعيني ويشوف
حيلاقيني عنده فورا، وهو في حد يفوت قعدات السميعة الكبار دول؟

إضحك عليا بقى يا عمنا الألاتي، تصور إن المشاركة السابقة دي بتاعتي أنا مش بتاعة أيمون، لأني في المكتب أكون فاتح دايما على سماعي، وبعدين حصل لجهازي عطل، فقمت لأجلس على جهاز أيمن زميلى في الشغل، فكان فاتح أيضا على سماعي ، وبعدين أنا نسيت إن ده مش جهازي، وكتبت هذه المشاركة، يعنى ترحيبك كان بيا،

عموما أنا وأيمن واحد

وكده ليا عزمومة سماع عندك يا عمنا، علشان نستفيد بس