(صلوا معايا على النبى)
ياكلّ عربى وأجنبى
كلّ منايا ومكسبى
ويّا الحبيب قلبك يطيب
صلوا معايا على النبى
,,,,
خللانى عايش فى انسجام
على المحبّه والسلام
عارف حلالى من الحرام
والظلم ماهش مذهبى
صلوا معايا على النبى
,,,,,,
على سنته نحيى الضمير
ونمضى عقد لكلّ خير
فى مولد الهادى البشير
ودا يبقى آخر مطلبى
صلوا معايا على النبى
,,,,,,
يا موحّدين شدّوا الهمّه
عشان ماتنزاح الغمّة
ازّاى نكون احسن أمّه
من غير قانون سيدنا النبى
صلوا معايا على النبى
,,,,,,,
انجدنا يارب انجدنا
وحيات حبيبك خد بايدنا
وبنعمتك دايما زدنا
وصلى على سيدنا النبى
صلوا معايا على النبى
,,,,,,
الكلمات/سعدالشرقاوى
اللحن للدكتور/هشام خلف
الغناء للاستاذ/محمود سعد
رد: من أعضاء سماعى ـ أزجال سعد الشرقاوى ـ بصوته
العرض الشجري