يومين و بس مروا عليا زي حلم جميل ( يا ريته دام و دام نومي )
و تفاصيل الحلم ده بـ ( نجومه و سهراته و تسجيلاته و فيديوهاته و كل حاجاته ) من سهرة و حفل مهيب أقيم في أحد قاعات بيروت حيكون له موضوع يليق بيه و يليق بمن قاموا عليه ( أدامهم الله )
إمال إيه الموضوع :
بعد توافد مريدي هذا الحدث المهم من أرجاء العالم العربي و الغربي كان اللقاء مساء الجمعة 19 فبراير 2010 في بيت السيد كمال قصار ( العامر جدا أوي خالص ) و الكائن بقرنة الحمرا فوق الجبل
كان في إنتظار الحضور مفاجئات بل بلاوي طربية سحرتنا لغاية الصبح منها
من مصر : المطرب التقليدي و عازف العود الماهر الشاب ( مصطفى سعيد )
من المغرب : المطرب ( فؤاد زبادي )
من المغرب : و كانت بلوة السهرة المسيَّحه مطربة كده حسبي الله و نعم الوكيل في إللي عملته فينا - المطربة أوي ( فدوى المالكي )
و طبعا مجموعة من العازفين أطربونا بتقاسيمهم ( قانون - عود - كمان - بزق ) و انضم ليهم ( ناى و كونتراباص ) في اليوم التالي في الحفل الرسمي
و غيره و غيره إن شاء الله حيكون كله في الموضوع المستقل و إللي حـ أتقاسمه مع الدكتور هلال كبارة
ماطولش عليكم و في حديث جانبي مع ( مصطفى سعيد ) بعد ما بهدل ودانّا طربا و عزفا
طبعا كان الكلام عن الطرب و تسجيلاته .. اسمع دي و اسمع دي ... الله .. طب انت سمعت دي ( ده هوه إللي بيقول ) كان واحد بيسمعهولي من ريل ففورا سجلته بمايك جهاز رقمي صغير في جيبي
يانهار أبيض على الحلويات .. ممكن أخدها .. إتفضل
و على إستحياء قلت له ( طيب ممكن يعني لو ممكن أنشره ) كان رده في منتهى الكرم و في كلمتين ( أرجوك .. النهارده )
و يعلم الله إني لسه بتراب السفر و ما حبتش ( آخد الشاور بتاعي 
) إلا بعد ما يكون بين ( ودانكم )
و حتى يجود علينا الزمان بتسجيل ( أقل إشباع و أكثر جوده ) من هذا
إلى حضراتكم و بقدراته الفائقة
الشيخ : محمد الفيومي
و
بطانته
التعطيرة الشريفة ( كاملة )
أضاء النور و انقشع الظلام
لولاه ما شرفت معالم طيبة
اعمل بآثار النبي
و أظنه بمناسبة الإحتفال بالمولد الشريف
صلوا عليه
و كل عام حضراتكم بخير
__________________
دَعْ عَنكَ تَعنيفي و ذقْ طعمَ الهوَى
فــإذا عَشِـقـتَ فبَـعـدَ ذلــكَ عَـنـِّـفِ
بمناسبة المولد الشريف ( جئتكم من بيروت بتحفة لن تصبح نادرة )
العرض الشجري