العمر راح وانا ناسى

[الاقصرى]

السلام عليكم .
دى بعض كلمات ارجو ان تحوز اعجبكم واتمنى ان تكون موال او اغنية اسمها العمر راح.
راح عمرى ياناس وانا ناسى
راح عمرى ياناس ومش لاقى ناسى
اصرخ والصرخة تعمل اية
ابكى والبكا يفيد بأية
الشيب جانى ومعملتش حسابى
ظهرى انحنى ولاقادر اقول اة يانى
امى راحت وراحت الحنية
اخويا قريب وبعيد ولا دارى بية
اوصفولى حد ياناس يحس بية
انا الى هونت عليهم وهانوننى
ومن حنانهم حرمونى
ومن عذابهم ساقونى
اروح لمين ياناس اشكى لة حالى
اروح لمين ياناس احكى لة على الى جرالى
ناسى ياناس فين نسيونى
خلاص ملكش امان يازمان
العمر راح ومفيش لحد امان
خلاص راح عمرى ياناس وانا ناسى.
الاقصرى 9/1/2010