خــواطــر كلثــوميــة .. على هامش أغنيات كوكب الشرق !

[M O H A M E D]

على هامش افرح يا قلبي

افـرح يا قلبــي و عيــش و اتهنى
خدنــا إيه من طـــول أحـــزاننــا

الفـــرح خبَّــط لك ع البـــــــــاب
من بعد غيبــة و شــوق و عـذاب

افـرح و غنـي و قـــول للدنيـــــا
انا مش هاضيَّــع منــك ثانيــــــة

إلا و انــــــا مرتــــــاح البــــــال
لا هاممني غيـــــرة و عُــــــــذال

افرح يا قلبـــي و حِــب و عيـــش
هاتبكــي ليــــه ، في الدنيا مفيــش

حـــــــد هايعدِّيـــك للبــــــــــر ..
غيــــر بس إيـــدك و انت حـــــر

مفتـــــاح سعـــــادتك ملكــك بس
اسعـــى لحلمك ، و انســى اليأس

ربـك معــاك طـول ما انت معـــاه
اسعى فـ طريقك ، و اخشى لقـــاه

و ايـــاك تخــــاف مــن أي بـــشر
لا يملكـــوا لـك خيـــر و لا شــــر

خلـِّـــي سعادتـــك فــــي الحيــــاة
محبــــــة خالصــــة لوجـــــه الله

ســـاعتها راح يرتـــــــاح بــالـك
و ســــاعتها تنتهــــي أحزانـــــك

و كــل شــئ في الكـــون مكتـوب
الحــزن صعب ، و طعمـه يدوب

مع كلمــة حلـــوة و نـــاس تتحب
مع نسمــة طايــرة تفوت ع القلب

مع ابتســــامة و عــيد و شمـــوع
الفـــرحــــة تقدر تخفي دمـــــوع

اتهنـى و افـــرح .. غنــي كمـــان
خلـِّـي الحيـــاة تحفـــظ ألحــــــان

كلهـــــــا مــــــن تـأليفــــــــــك ..
و ان حتــــى ما عجبت غيـــــرك

الدنيا ملكـــك ، عمــــــــرك ليه ؟
تهـــدّره و تقصـقـص فيــــــــــه

اصنــــــع منــــــــــه بمزاجــــك
و غيــــــرك مــاله بمقـــــــاسك !

افـــرح يا قلبــي ، محدش مانعك
افــــرح هاتلقى الدنيــــا تطاوعك

خلـِّــى الأمـَــل هـــوّ العنــــــوان
و الابتســـــامة بسرعـــــة تبــان

ساعتهــــا بعيـــــونك هاتشــوف
الكـــون دا كلــــه ع المكشــــوف

لا دمعـــــة منعت حد يعيــــــــش
و لا بالدمــوع رجع اللي يمـــوت

مستنــي إيه ؟ لَلعمـــــر يفـــوت !
جواك أغــاني غاويــــة السكوت

غنيهــــا ياللا و علـِّي الصــــوت
غنيهـــا و امــــلا الدنيــــــا ورود

افـــرح يا قلبـي .. افـــرح يا قلبي
افـــرح يا قلبـي .. هاتحزن ليــه !