تحليلات سيادة الرئيس ـ أبو على

[الألآتى]

ياسلام ياعم صلاح ..

فكرتنا بالذى مضى ..

وبعدين إيه حكاية ( لما كان عندك شعر فى راسك )

إنت حاتعملهم علينا .. إنت حالقه بمزاجك .. علشان تهرب من الديّانة ..

[سيادة الرئيس]

المشاركة الأصلية كتبت بواسطة الألآتى

فكرتنا بالذى مضى ..

مضى إيه يا عم محمد إنت أقدم من كده و لا انت عايز تصغر نفسك

أنا أظن أيام ما كنت بتقول ( سُـكر ) كنت أنا لسه بقول ( كـُكر )

[رائد عبد السلام]

المشاركة الأصلية كتبت بواسطة سيادة الرئيس

مضى إيه يا عم محمد إنت أقدم من كده و لا انت عايز تصغر نفسك

أنا أظن أيام ما كنت بتقول ( سُـكر ) كنت أنا لسه بقول ( كـُكر )

ههههههههههه

والله أنتو الاتنين : ثـُــكر

أتحفتنا ياسيادة الرئيس
صلاح بك علام
مجرد ما شفت العناوين ... قلبي انشرح
وافتكرت أيام جميلة
لما كان التليفزيون هو مصدر البهجة ...
وصانع السهر اللذيذ المحترم

دمت ودامت عطاياك السنية

نفسي في تتر برنامج قديم
كان بيقدمه المذيع الفلتة : عبد الرحمن علي
رحمة الله عليه
البرنامج كان اسمه (أمل الملايين)

أكيد فاكــــرُه ياذاكرة الموسيقي

[سيادة الرئيس]

المشاركة الأصلية كتبت بواسطة رائد عبد السلام

لما كان التليفزيون هو مصدر البهجة ...
وصانع السهر اللذيذ المحترم

أهلا يا سيدنا

ما كنش غير ماركة تلفزيون واحده و هو أول تلفزيون يدخل مصر ماركة ( PYE )

و كان كل مكن التلفزيون من كاميرات و خلافه نفس الماركه

و فاكر لما كان يتعب شويه يبتدي يدخن من ورا و يطفي تقوم أمي ( الله يرحمها ) تسخن سكينه و تلحم حاجه فيه يرجع يشتغل تاني بس للأسف يكون الإرسال خلص و مافيش قصادك إلا ( وششششششششششششش )

و مع كل العذاب ده لازم تدفع ضريبة ( ترف ) على كل جهاز عندك

[الألآتى]

المشاركة الأصلية كتبت بواسطة سيادة الرئيس

و مع كل العذاب ده لازم تدفع ضريبة ( ترف ) على كل جهاز عندك[/CENTER]

يعنى كنت واعى على ضريبة التلفزيون ..

وتقول عنى عجوز .. ياعجوز ..

[سيادة الرئيس]

المشاركة الأصلية كتبت بواسطة الألآتى

يعنى كنت واعى على ضريبة التلفزيون ..

وتقول عنى عجوز .. ياعجوز ..

طبعا عجوز يا ريس

و أزيدك كمان - لا تنسى الصناعه المحليه الواعده ( كاترون و تليمصر )