شايلة القمر العالي مراية

**علاء طه ياسين** · #1 04/12/2009, 08h49

شوفتك جاية ف عز الليل
متخبية في آه موال
شايلة القمر العالي مراية
حاطة الغيم فوق كتفك شال
عشت وشوفت مسافة ردك
بين دمعاتي وقسوة صدك
ياللي القلب ف قبضة يدك
شايل أحلي كلام يتقال

انا خليتك تاخدي المعني
من أحاسيسي وتدي معاني
والأيام طول ماانتي معايا
محسوبة يا حبيبتي ثواني
بينا حدود وسنين ضوئية
والأحلام برضك وردية
وغناوي الشوق مستنية
ترجعي دنيا حبيبك تاني

علاء ياسين

**NAHID 76** · #2 04/12/2009, 13h27

بسم الله الرحمن الرحيم
لقاءنا بعد ثلاث أيام للتعليق

**سعدالشرقاوى** · #3 08/12/2009, 21h40

اقتباس:

المشاركة الأصلية كتبت بواسطة علاء طه ياسين

شوفتك جاية ف عز الليل
متخبية في آه موال
شايلة القمر العالي مراية
حاطة الغيم فوق كتفك شال
عشت وشوفت مسافة ردك
بين دمعاتي وقسوة صدك
ياللي القلب ف قبضة يدك
شايل أحلي كلام يتقال

انا خليتك تاخدي المعني
من أحاسيسي وتدي معاني
والأيام طول ماانتي معايا
محسوبة يا حبيبتي ثواني
بينا حدود وسنين ضوئية
والأحلام برضك وردية
وغناوي الشوق مستنية
ترجعي دنيا حبيبك تاني

علاء ياسين

والله هما كلمتين
اذا فعلا كان فيه ناس مطربين وملحنين
يجوبون المنتديات للبحث عن افضل الكلمات
فلا احلى ولا اجمل من كده
رغم زعلى منه لكن هو ده علاء طه
وهاهى اغانيه
وابداعاته

**علاء طه ياسين** · #4 09/12/2009, 14h21

تؤأمي الغاضب مني
والزعلان جدا
سعد الشرقاوي

أهلا بيك مرحب وعوافي
بكره الحب حيرجع وافي
زعلان مني يا صديق عمري !
بس انا حالي عنك خافي
ماشي في سكة شوك ومتاعب
تحت غيوم الحزن الجافي
لكن كل كلامك ليا
حب وفرْح وبلسم شافي

علاء طه

**علاء طه ياسين** · #5 16/12/2009, 12h31

حاضر
ساكتب ولك ان تختار
دي بداية

حبيت مبقولشي لأه
وقلبي ف كل دقة
بيزيد إحساس ورقة
وكل مشاعره ليكي
......
حبيتك شهرزاد
حدوتة ف ليل حصاد
غاوية تلف البلاد
تقول للناس عليكي
......
حبيتك نبع صافى
وضمة حضن دافى
وشمس تقول عوافي
علي طلة عنيكي
......
حبيتك حبة حبة
وف حضنك باستخبي
وأزهار المحبة
راشة العطر ف ايديكي
......
بابدأ يومي بحبك
واختم يومي بحبك
وباعيش بنبض قلبك
وباحسب عمري بيكي

**abdelrazak** · #6 16/12/2009, 16h09

شكرا سيد علاء طه ياسين لردك علي
بما أنك وافقت أن تؤلف لي أغنية فها هي الأو صاف التي أريد أن تكون في الأغنية:
١ أغنية طويلة تكون كل فقرة منها منتهية بنفس الأبيات
٢ تكون أغنية عاطفية
٣ تكون مثل أغاني الشاعر الغنائي الكبير محمد حمزه مثل الأغاني
نبتدي منين الحكاية أو أي دمعة حزن لا أو زي الهوا....
و أتمنى لك التوفيق سيد علاء طه ياسين لكتابة قصيدة رقيقة و فيها كل الشروط المطلوبة
و شكرا

**عبيرشهد الحياة** · #7 23/01/2010, 18h29

المعانى مش حروف نرصها
المعانى تهتز اوتار القلوب من حرفها
كلمه تخلى الدمع جارى
وكلمه تخفف دمعها
كلمه تداوى جرح دامى
وكلمه كالسيف شقها

والكلام اللى يخش القلب دافى
والكلام اللى يمر من غير سلام
المعانى مش حروف المعانى مش كلام
المعانى نبض قلب يربط قلوبنا من غيركلام

شكرا لحروفك

**علاء طه ياسين** · #8 02/02/2010, 14h17

عبير شهد الحياة
بل انا الذي يشكر حروفك الرقيقة .. والمداخلة الرائعة .. ذكرتيني بنفسي بعد ما نسيت الشعر والكتابة .. شكرا
انا قلبي كما العصفور علي شجرة حب يحب يبات
وبيجمع من ضحكات الشوق الحكايات ..
ويوزع حب ف كل طريق ..
وبياخد القمر العالي صديق ..
مع انه بعيدة مابينه وبين ست الحلوات ..
السكة والمسافات ..
علاء

**NAHID 76** · #9 02/02/2010, 19h32

بسم الله الرحمن الرحيم
الشاعر الرقيق علاء طه ياسين
كانو ثلاث ايام حداد
عقبهم المرض المفاجئ لى
ومتنساش برده طول غيابك عن المنتدى
اما الأحساس فهو عالى وجميل وكلمات سهله ويسيطه ورائعه المدلول
تحياتى

**رافت المصرى** · #10 04/02/2010, 17h41

غنوه جميله اخ علاء
تحياتى