سامحينى ...

[على عبداللاه]

الأحبة الكرام

محتاج رأيكم جدا

نقد

ويارب أكون عند حسن ظنكم

بكت وبكيت معاها

وأنا بحكيلها فى هواها

وبوصف ليها حبي وإزاى أنا فى المتاهه

سامحيني غصب عنى

ما أملكش غير التمني

وإنتى اللي ف قلبي جوه

وإنتى حته منى

أه يا قريبه وبعيده

وإنتى ف قلبى الوحيده

بتمني من كل قلبي

انك تبقى سعيده

بكت وبكيت معاها

وأنا بحكيلها فى هواها

وبوصف ليها حبي وإزاى أنا فى المتاهه

وسط الرحله الصعيبه

إنتى ليا الطبيبه

وفراقنا غصب عنا

سامحيني يا حبيبه

وحبي هو هوه

ويزيد هيزيد بقوه

و إنتى كل التمنى

وإنتى الحته اللى جوه

بكت وبكيت معاها

وأنا بحكيلها في هواها

وبوصف ليها حبي وإزاى أنا في المتاهه

أكيد واصلك شعوري

وبعادي كان ضروري

أحبك يعنى أصونك

وده كان كل دوري

وأنا بهديلك هواي

وإحنا بننهى الحكايه

وبقولها غصب عنى

وأنا بداري ف بكاى

بكت وبكيت معاها

وأنا بحكيلها فى هواها

وبوصف ليها حبي وإزاى أنا فى المتاهه

منتظر تعليقاتكم ونقدكم بفارغ الصبر

تحياتى

بي

[على عبداللاه]

هى وحشه أوى كده ولا أيه ؟؟

[حمدى شبانة]

أستاذ / على عبد اللاه أعتقد أن سامحينى ليست أحدث قصائدك وأعتقد أنها إحدى القصائد التى ساهمت بها من باب التواجد ...
صح الكلام يامتر ؟ .... عموماً ليست سيئة جداً كما تظن ولكنها ليست بقوة اَه يامة أو أنا جواى كلام

[على عبداللاه]

المشاركة الأصلية كتبت بواسطة حمدى شبانة

أستاذ / على عبد اللاه أعتقد أن سامحينى ليست أحدث قصائدك وأعتقد أنها إحدى القصائد التى ساهمت بها من باب التواجد ...


صح الكلام يامتر ؟ .... عموماً ليست سيئة جداً كما تظن ولكنها ليست بقوة اَه يامة أو أنا جواى كلام

الغالى / حمدى شبانه
دى اخر غنوه انا كتبتها ... واحبهم لقلبى لكن الظاهر انى مش بجيد فن الاغنيه وكتابتها
وطالما إنها مش سيئه ... تبقى هتفضل أحبهم إلى قلبى ..
تحياتى وودى ... يا عمونا خلينا نتلاقى

[سعدالشرقاوى]

الاخ الشاعر الكبير
الاستاذ/على
انا اختلف معكم فى هذا التقييم
فمن وجهة نظرى
اغنيه جميله جدا
واوعاك تبطل تكتب اغانى
وان كانت محتاجه بعض التعديلات الخفبفة
فهذا ليس عيب
وده لو كان حدّ معين سيقوم بتنفيذها
والملحوظات تتم بمشاورته
الله ينور

[على عبداللاه]

المشاركة الأصلية كتبت بواسطة سعدالشرقاوى

الاخ الشاعر الكبير

الاستاذ/على
انا اختلف معكم فى هذا التقييم
فمن وجهة نظرى
اغنيه جميله جدا
واوعاك تبطل تكتب اغانى
وان كانت محتاجه بعض التعديلات الخفبفة
فهذا ليس عيب
وده لو كان حدّ معين سيقوم بتنفيذها
والملحوظات تتم بمشاورته
الله ينور

يا باشا الله يكرمك جدا ويكرم أصلك
انا كنت أحبطت جدا .. الأغنيه دى أعز
أغنيه عندى ورأيك يا عم الحج سعد يا شاعر
يا كبير يطب فى كفة ميزان الأراء
وهسمع كلامك
ومش هبطل كتابة أغانى
كل عام وحضرتك بخير
وكل عام وكل الكون بخير
والله يا باشا ما ينقصنى إلا كباية شاى معاك

[على عبداللاه]

محتاج أغير الخط ومش عارف ... ياترى ممكن حد من الإداره يغير الخط ؟؟ ممكن ؟؟ .... أو حتى دلونى ازاى