فؤاد سالم 1945-2013

[ftahwaz]

تحیة طیبة

حضرة الأستاذ العزیز محمد شکراً علی ألطافک الطائلة و ردک البالغ الجمال. شکراً جزیلاً. کان واجباً علیّ و لا شکر علی الواجب.
و الأخ الغالی سامی شکراً جزیلاً لک. کان أحد أقربائی یقطن فی أخر أسفالت و لکن الأسف أننی لم أحظ بفرصة التعارف مع حضرتک الکریم.
أود أن أسأل جنابک هل بحوزتک أغنیة ثلث نخلات لفؤاد سالم بصوت نقی ؟ لأنی بحثت عنها و لم أجدها فی أی مکان.
و لک جزیل الشکر.

أقدم لکما هذا الشعر الشعبی الأهوازی

وعد و الوعد برگاب الزلم مو چلمة و حچایة
القضیّة تگول من کارون نعبر بالشتا افوایة (=افواجة)
و حگ من ضحّی بچفوفه الخلیّة اعلی المسنّایة
و نخلّی الشط یغصّ او یشرگ بمایه
شرفنا برخص ما ینباع خل تسمع الگالت بالفلس نشریکم اشرایة
او ده خلّی الما فهم یفهم و اغمّه الما عرف تدبیر وکته و سدّد ابرایه
الشرف عدنا وسام انشیله حدّ الموت لو ما من تظل کل دار بیها تصیر نعّایة
هذول احنا المضیف الیگر عین الضیف ما خابت اظنون اللی ایونا (=اجونا) عنّایة
هذول احنا طفلنا امن المهد و یناغی للصمصام ما یتناغی للدایة
بعد عدنا نخل یفرش عشگ للگاع بفیایه
او بعدنا الوفا کل ساع ابعشر ساعات وفّایة
بعدها الامّهات اتییب (=اتجیب) بینا اریال (=ارجال) لأعلام العقیدة تصیر فدّایة
او بعدنا بعین الیکرهون سمّ ابراس سلّایة
هذوله احنا ندگ بمحاط نخوتنا و اذا حرّة نختنا انصول فوگ الغیرة حدّایة
و نخلّی اعلی الجماجم ترتفع فوگ النیم (=النجم) رایة
بعدنا و السنین اشهود ما حایة (=حاجة) نجلب صفحة التاریخ ما حایة (=حاجة)
بعدها تصیح های اسنین لا چلّت و لا ملّت الحچّایة
یگولون المشت من کربلا للشام ما عدها ولی و انسبت اسبایة
و یگولون ابدموم ارگاب اولیاهم یتاماهم تلوح اچفوفهم کلهم امحنّایة
و یگولون الظعن حمّل ابهدوة اللیل ما مش لا صدیج و لا ولی و لا عنده حمّایة
هوّه آنا ارید انشد امن الیحچون اهیه بسّ المشت للشام تحسبها الخلگ ایّه (=اجه)
و حبّوبة الخذوها ابلیل مچتوفة بگصایبها و نحرها امنیشنینه اسیوف کلها مضورسة و بالطبر گصّایة
او صدرها الرضّضته الخیل و بصوت الصهیل ایهدّم اولایة
ولک ما هزّک هذاک الصوت لو بسّ الیهزّک صوت غنّایة
ینبض بیش عرجک گول حتّی آنا الاگولن لک فرق عن ذیچ من هایه
الفرق معلوم ذیچ اللی ولیها انذبح عطشان بالثایة
و های آنا الاحبّنها علیها ما نزف دمّی، اکتفیت ابچلمة الاحّاه و اخطایة
اکتفیت ابچلمة الاحّاه و اخطایة

مع الود

[سامي البغدادي]

عزيزي فتتى الاهواز
تحية طيبة لك واشكرك بكل ما للشكر من معنى على هذا الاهداء القيم فانا من هواة الشعر الشعبي
الشعر الشعبي في الجنوب له نكهة خاصة جدا واهم ميزاته تكمن في صدق التعبير وشفافية الاداء وقليلون ممن يعرفوا ذلك للاسف.
لدي في ارشيفي المتواضع اغنية ثلاث نخلات ولااعرف تقييمك لمستوى جودتها ارجو ان تنال رضاك .
انا حاليا بعيدا عن العراق وما املكه بحوزتي من موروث غنائي هو بمعزل عن الارشيف الاصلي في العراق وقد تتيسر لي الظروف للسفر الى بغداد خلال الشهر القادم .
تقبل خالص ودي وتقديري
________________________________

@ المشاهدات (22 ) نسخة بجودة هنــــاااا

[سامي البغدادي]

هذه مجموعة اخرى من اغاني المطرب فؤاد سالم ولكني حسب اعتقادي الشخصي لاارها بمستوى هذا الفنان العظيم !

العلوية

رحلة عمر

[سامي البغدادي]

عاش من شافك

كان يامكان

[سامي البغدادي]

نبكي على العراق

يالوله

ياليلة

[ftahwaz]

الأخ الحبیب سامی
شکراً جزیلاً لک من أعماق إحساسی علی الرد السریع و تلبیة طلبی. تسلم یداک و أتمنی لک التوفیق و مواصلة الجهود فی باب الفنان القدیر فؤاد سالم و الآخرین.
إن شاءالله ترجع للوطن عند أهلک الطیبین و ترد روحک بمحبتهم و تقر عینک من رؤیتهم. صح لسانک یا سامی؛ هناک نکهة من الشوق و الألم و المحبة الخالصة فی الأشعار الشعبیة الجنوبیة و کما تفضلت لا یحس بها إلا قلیل. أهدی هذا الشعر الشعبی إلی کل مشتاق لأمه. هذا الشعر من لسان أم استغرب ولدها .. أخلیکم مع الشعر :

یاللی ضحّیت بحیاتی و لاجله کل عمری فنیت
آنا امّک یا بعد امّک یا ابنی تذکر لو نسیت
یا ابنی ربّیتک یا الغالی علی و سنین ارباک آمالی بنیت
اسهرت لیل الشتا بطوله او ویّا النجوم اتسامریت
او چنت لو ردت اغفی یمّه ویاک اغفی لو غفیت
و افز من نومی و احضنک لو یا ولیدی صحیت
یمّه تعبنی ارباک او بالعمر یا بنی و لا لحظة هنیت
او چنت اگول اولیدی یرجع و احتمی بظلّه لو ذبنی زمانی و کبریت
یمّه ذاک التعب کلّه و السهر و النوح یا یمّه اتحمّلیت
گلت تکبر و بسدّک الوذ و تصبح انت احزام ظهری لو هویت
تالی وسفة اویا لوعات الدهر وحدی بقیت
تالی الفرگة اویا نوح او بیت اظلم غیر ذنّی ما لگیت
تالی یا ولیدی اتخلّینی و تروح او تسکن ادیار الغرب الهای ابد ما حسّبیت
اسنین بعدک مرمرنّی و اصبرت اعلی النوح یا یمّه تعوّدیت
و کابرت او گلت ابنی یرجع الگلبی یا ابنی صبّریت
وسفة ویا همومی وحدی یا الولد تالی صفیت
یا الولد بالله ارد انشدک اشلون گلبک طاوعک یا ابنی و نسیت
یمّه ببتوت الگلب للمهد یا ابنی هزهزیت
او چنت لو تبچی یا بعد امّک ایجیک گلبی گبل الجدم یرکض یحضن الکاروک یا ابنی و ابچی گبلک لو بچیت
اولیدی تذکر لو نسیت
یمّه تذکر ذاک حضنی البیه دفیت
و انسی کلّ اهموم عمری لو بس مرّة الی تبسّمیت
و ارد اخبرنّک یا یمّه بعد ما لی حیل للونّة یا یمّه شیّبت یا ابنی و گضیت
و لو اجاک الخبر یا ابنی ماتت امّک
صدگ مفتوحة عیونی لشوفتک او من متت ما غمّضیت

للفائدة أرفع إلیکم أغنیة " ردتک تمر ضیف " من جلسة فی الکویت

مع خالص محبتی

[اياد نزال]

المشاركة الأصلية كتبت بواسطة اياد نزال

جزيل الشكر لكل من ساهم في رفع الملفات القيمه في هذا الموضوع.
لدي طلب في هذا الصدد .هناك قصيده مغناه لفؤاد سالم سمعتها من اذاعه بغداد في حوالي نهايه الثمانينات او بدايه التسعينات من القرن الماضي مطلعها :
اقبل الصبح حبيبي اقبل الصبح حبيبي فانتظرني طائرا ......
ولم اسمعها بعد ذلك قط لا من اذاعه ولا من محل تسجيلات ولا من اي مكان اخر .فهل هناك شخص ما سمع بهذه القصيده او لديه ايه معلومه بهذه الشان؟
حبي وتقديري

اخيرا قدر لهذه الاغنيه (القصيده المغناه) الظهور الى السطح وبفضل جهود الصديق الوفي حسام علي الذي طلب مني رفعها بالنيابه عنه.الاغنيه تعود الى مرحله الثمانينات من القرن الماضي. وهي في غايه الروعه شعرا والحانا واداءا:
"اقبل الصبح حبيبي فانتظرني طائرا احمل عشقا واغني"
مع تحياتي وشكري الجم للاخ الكريم حسام