وحشتينى
و مش لاقى كلام يتقال
و لا بينَّا لُقا و سؤال
و لهفة و شوق و حالى حال
لكن برضه و حشتينى
و عندى أسئلة مختومة بإستفهام
و عندك أجوبة مكتومة ليه يا حرام
و لا قلبك وعد قلبى بشوق وغرام
و لا رمشك رمالى سهام
و لا بينَّا عتاب و ملام
و برضه باقول وحشتينى
و مش فارق معايا أيه يكون معناه
شعورى ده اللى أنا حاسُّه
و سرحت معاه
و حتى لو يعذِّبنى أنا باستعذبه أكتر
و مش خجلان و لو هايبان
على جبينى كده مسطر
و مش حاسس سوى إنك وحشتينى
بدون تفسير و لا حتى سؤال و جواب
شعور جالى و دق الباب
و أنا قلبى فتح بابه
و يمكن جاله ع الطبطاب
و خلاَّنى أقول ليكى وحشتينى
__________________
دى فضفضة من قلم رغم الألم ... حسَّاس
مهموم بِهَمْ الناس
يمكن تضيئ كلمته ... العقل جوة الراس
وحشتينى
العرض الشجري