صورتين ولقطة من ألبومى

**حمدى شبانة** · #1 24/10/2009, 21h39

ياأستاذ على الصورة بتاعتك رائعة 000 امتى الأصول تتقابل ؟

الأصل والصورة
------------
الأصل أحسن م الصورة
وكل من شاهد ( أصلك )
من قلبه بيقول الله
ونا لما أقرا أشعارك
أتنهد تنهيدة واه
فاضل خطوة الايد تتمد تسلم
عندك ؟ عندى ؟ لازم (يامتر) نتكلم
*********

**على عبداللاه** · #2 25/10/2009, 12h18

ربنا يكرمك يارب
وأنا بكل تأكيد ليا الشرف

**NAHID 76** · #3 25/10/2009, 14h28

بسم الله الرحمن الرحيم
الاستاذ حمدى شبانه
جديده فكرتك ولطيفه وفيها بساطه جميله
شكرا لك وهل من مزيد
تحياتى

**سعدالشرقاوى** · #4 25/10/2009, 16h04

اخى الاستاذ/حسن شبانه
الصورة التانيه ها تحلو
وتخليك ترسم فى الجو
وتمسح دمعه فى عنينا
وتنسّينا كلمة لوّ
وكنت بضحك ليه أنا والصحاب
ماتقولش كان مكشوف عنا الحجاب
ان اما نكبر 00 ونرمى المريلة
حنلقى الضحكة جوانا متأجلة

هيا صحيح متاجله لكن جايّه
ايوه جايه والميّه ميه
الضحكة جايه

**حمدى شبانة** · #5 25/10/2009, 17h51

شكرا لكل من تفاعل مع قصيدة صورتين ولقطة شكرا لأصدقائى فى المنتدى 00 شكرا للأستاذ ( أو) الأستاذة NAHID 76 شكرا للأستاذ سعد الشرقاوى - وانا اسمى حمدى وليس حسن ياعم سعد
ولكم منى الشكر -- وأرجو رأيكم النقدى فى قصيدتى القادمة