عنونوها إنتم ... ويسعدنى ده

**ناصر دويدار** · #1 06/10/2009, 23h31

[QUOTE=على عبداللاه;361179]

بصراحه ...

أنا مش عارف أحط لها عنوان ...

إقترحوا إنتو على عنوان

قفلت بيبان كل الكلام

وأوام أوام

هربت وقالت عاوزه أنام

... سبنى أنام !

الله

طيب وأنا

دا انا جاى شايلك سوسنه

جايب نهايه تلمنا مع بعضنا

أرجع ؟؟

هى الحكايه صغننه ؟!!

بقى أشيل فى عمرى وكل زاد

أصحى وأنام جواى أحلام الولاد

وأعد ثانيه فـ ثانيه وأحسب فـ المعاد

ولما أجيلك

ألاقى وياكى البعاد ؟!

... يااه عـ العناد

يااه عـ العناد

بتقولى ايه ؟؟

انا اللى جواى الغلط ؟

إزاى وليه ؟

علشان مشيت ؟؟

ورجوعى .. !!

كان شئ مــ العبط ؟!؟!

ولا إنتهيت ؟؟

ولا أيه ؟

هس إسكتى ..

أنا خلاص

حتى مش سامع كلامك

ومن الأساس

خنقتنى حكيوة غرامك

ومعدش جواى إحتمال

ياااه عـ اللى فات

دا أنا كنت عايش فى الخيال

حلمت بيكى

أعدى وياكى المحال

بعتينى انتى وبريال

ريال

...

ريال

..
"""""""""""""""""""""""""""""""
فكرة حلوة لكن إيه حكاية الحبيبة اللى بيتباعوا بريال بالسهولة كده ده الواحـد يبيع ألـف واحدة بقرطاس ترمس لكن عجبنى أنك فى الأخر (كشمتلها) وأهو كده رد الفعل أحنا عايزين حبيبة جامـدة آخـر حاجة مش حبيبة يفضل يقولها الأمانى والاغانى والحركات المهم انا شخصياً عندى إحساس أن عندك الكتير والجديد فى مواضيع بعيدة عن المواضيع التى تم استهلاكها لأن من اول نص لك واضح ان عندك وجهة نظر فى الحياة انا شخصياً منتظر منك الكتير وشكراً على النص ده

**على عبداللاه** · #2 07/10/2009, 20h58

ناصر دويدار;

فكرة حلوة لكن إيه حكاية الحبيبة اللى بيتباعوا بريال بالسهولة كده ده الواحـد يبيع ألـف واحدة بقرطاس ترمس لكن عجبنى أنك فى الأخر (كشمتلها) وأهو كده رد الفعل أحنا عايزين حبيبة جامـدة آخـر حاجة مش حبيبة يفضل يقولها الأمانى والاغانى والحركات المهم انا شخصياً عندى إحساس أن عندك الكتير والجديد فى مواضيع بعيدة عن المواضيع التى تم استهلاكها لأن من اول نص لك واضح ان عندك وجهة نظر فى الحياة انا شخصياً منتظر منك الكتير وشكراً على النص ده

[/QUOTE]

الحبيب الغالى / ناصر دويدار
مش عارف اشكرك ازاى على مرورك الكريم
البيع يا صديقى العزيز ما ينفعش من راجل إدى وعد وخده
اللى يشيل فى عمره وفى كل زاد ويعد ثانيه على ثانيه مكنش ينفع إنه ييبيع .. والحقيقه إنه يمكن مكتوب عليه إنه يتباع فرض عين
.. وده لسبب صغير اوى سبقنا له الدكتور العظيم / أنس .. إنه هو الغلطان لإنه لازال عايش فى نفس القالب رغم تغير الحسابات والنظريات ..
عاوز أقولك حاجه كمان
حكيوة الحبيبه اخر حاجه دى أكيد موجوده .. لكن يظهر إننا مش محظوظين الله عالم يمكن نلقاها
الف الف شكر ليكم ولردودكم اللى أسعدتنى أوى أوى

**على عبداللاه** · #3 12/10/2009, 16h18

كنت اتمنى نقد من الأستاذ / السمعجى ومن الشاعر / بشير عياد وغيرهم