أعمال من تنفيذ الفنان محمد الآلاتي

**عادل فؤاد رفاعى** · #1 28/09/2009, 22h42

أنا نفسى أعرف!!..تانى واحد غنى فى الاغنية دى.. مين هو؟؟؟

ربنا يدوم عليكم الصحبة الجميلة

**unicorn** · #2 29/09/2009, 03h56

عملتها يا عم محمد ؟؟؟!!!!!
كدة تحرقها فى السوق ؟؟؟
مش اتفقنا انك تنزلها على مهرجان الموسيقى ؟؟؟

سامحينا يا شادية ....... , سامحنا يا فن.....
ما قدرناش نقاوم جمال الغنوة الوحيدة اللى كانت جاهزة عند عم محمد عشان نغنيها كلنا ,
قلتلهم يا اخواننا إحنا نغنى غنوة وطنية جماعية تبقى أحلى , بشنباتنا دى اللى زى جادون البسكلتة ,
يقولوا لأ هى دى اللى هانغنيها ,
يا إخواننا طيب تيجى إزاى بس ؟؟ أصواتنا ما فيهاش أى دلع
عم محمد قال بس انتوا غنوا و انا هادلع أصواتكوا
و كما قالت جدتى........... ايش تعمل الماشطة فى الشعر الأكرت
و الحقيقة أنا كمان كنت قلقان جدا من إرهاب المايسترو فى التسجيلات , و من فرد الخرطوش - أبو نمر ممسوحة - اللى بيحطه فى راس المطربين اللى بيسجلوا عشان ما يغلطوش ,
لكن بصراحة الراجل ما طلعش الفرد , و الظاهر إنه اتسلطن مع جمال صوتى و عجبته الشخلعة الجميلة اللى فيه لدرجة انه وقف التسجيل 3 مرات طالبا منى الإعادة
و الأستاذ سيد يا عينى كان بيغنى و هو تحت تأثير حقن التطعيمات اللى واخدها عشان السفر و جسمه محموم و دراعه ساخن من الحقن ,
و كمان المطلوب منه يغنى أصعب كوبليه ,اللى هو بتاع إياك إياك دة
و أنا و غازى كاتمين الضحك عشان الصوت ما يطلعش فى التسجيل و إلا احنا اللى هاناخد على دماغنا من المايسترو
لا بس كانت تجربة هايلة و الله , أتمنى أنها تفضل فى إطار التجارب بدل ما تطلع فى دماغنا و نعبى شريط نساهم بيه فى انحطاط الذوق .
فرقة الحناجر تشكركم و إلى أن نلتقى فى أعمال قادمة.

**unicorn** · #3 29/09/2009, 04h10

Mr davidoff

غازى و الاهتمام بالعمل

شغل المايسترو على الكومبيوتر لضبط الغنوة

أستاذ سيد قبل التسجيل

**غازي الضبع** · #4 29/09/2009, 07h01

إخس الله يكسفك

**unicorn** · #5 29/09/2009, 16h19

اقتباس:

المشاركة الأصلية كتبت بواسطة غازي الضبع

إخس الله يكسفك

ليه يا بنى ؟؟
و الله حلوين .

و بعدين لازم يبقى فيه بوسترات
الغنوة نزلها 22 ضحية حتى الان و دة رقم هايل , و مش بعيد يوصلوا ل 25 بعد البوسترات
بأقول ايه ما تنقلها عندك فى الغناء الفكاهى هاتبقى أحلى

هو الفتح الأول و لا التسليك يا سى مزاجنجى