حبيبي ياللي ناسي من ألحاني تامر عامر

**ملحن مصري** · #1 31/08/2009, 17h24

السلام عليكم
أخي العزيز جداااااااااااا أنا مش بازعل من أي نقد وياريت تفضل علي أسلوبك ده دايما بس بالظبط زي ماتفضلت وقلت إنها مشاعر وإحساس ومن الممكن أنها لم تصلك ولكن حاول تسمعها أكثر وسأنتظر ردك من جديد
وعلي فكره أنا هاوي للموسيقي وأتمني أن أقدم أعمال لها قيمه إمتداد للقديم ولازم أسمع لنقدك وخصوصا اللي بيعلق علي شئ معين مش بحب المجامله
وأنا قمت بتثقيف نفسي بنفسي وماشي علي نهج الفناين بتوع زمان يعني باخوض نفس المراحل اللي مروا بيها
وماتنساش ردك عليا لما تسمع الموضوع تاني

**Hisham Khala** · #2 31/08/2009, 17h53

برافو يا تامر
الاغنية حلوة ، إيقاع سريع ، مقامات شرقية ما بين الصبا و الحجاز و الحجاز كار و الانتقالات المقامية جميلة .... جميلة ، أنت طبعاً مش زي زكريا أحمد (عشان ما يبقاش فيه غرور) لكن ها تلقيه بيعمل كده في أغنية أنا في إنتظارك (يا ريتني عمري ما حبيت) و ها تلاقي بليغ حمدي برضه بيعمل نفس الانتقالات المقامية في تقسيم على الجيتار من مقام الحجاز كار(شاهيناز) في اغنية الحب كله ....
هذه المقامات لها طابع حزين و هذه الانتقالات بتزيد من الاحساس باللوعة و لكن مع الايقاع السريع و المتزوق ضاع الاحساس بالحزن و اللوعة و هذا لا يتعارض مع كون الاغنية لطيفة في السماع لأن المستمع مش عاوز يكتئب من الحزن ، و عبد الوهاب عمل كده في أغنية أغداً ألقاك (الكوبلية الثالث) مقام صبا على إيقاع راقص و لكن ما بدأت أم كلثوم في الغناء طابع الحزن بتاع مقام الصبا تغلب.
المغني صوته جيد و الاكورديون عمل شغل حلو.

**ملحن مصري** · #3 01/09/2009, 19h56

السلام عليكم
طبعا أشكرك دكتور هشام لإهتمامك بسماع الأغنيه والمشاركه برأيك وأحب أطمنك إن رأيك مش هايخليني أكون مغرور بالعكس هاخليني متواضع أكتر وأصمم علي تقديمي للفن الراقي مدام اللي بأحاول أوصله من تقديم لفن راقي إمتداد للجيل القديم وكمان يزيدني ثقه
وأتمني تنول باقي أعمالي القادمه إعجاب الجميع

**كمال عواد** · #4 02/09/2009, 22h22

اغنيه حلوه ياتامر جداااااا
ولحن خفيف جميل مستساغ لالاذن بشكل لطيف

والانتقالات المقاميه لطيفه جدا..خصوصا ( ياتحوش عنى ابتسامه)..( و(اصل اللى جرالى منك)..وما شابهها بعد ذلك فى الكوبليهات.مقام الحجاز كار..
طبعا المقام الاساسى صبا...تبدا به المذهب وتنهى به الكوبليهات
انا احساسى بالانتقال اللى انت عامله حلو

غنوه خفيفه جميله حلوه...الله ينور
والى الاحلى والاجمل انشاء الله..

**ملحن مصري** · #5 04/09/2009, 00h39

السلام عليكم
أنا سعيد جدا بتعليقات ومشاركات أعضاء بحب أسمع لرأيهم لأني متأكد إنه خالي من المجامله والحمد لله إني علي الأقل قدمت عمل مش سيئ وإن شاء الله فيه أعمال هايكون فيها الشرقيه واضحه أكتر وأول ماأنتهي منها توزيع موسيقي هارفعها علي طول لأني كمان ش عارف لو رفعت أعمال بصوتي مع العود فقط هايكون مستساغ ولالا وخصوصا إني كنت عملت محاوله في رباعيات جاهين و كنت أحب أسمع التعليقات عليها

**سعدالشرقاوى** · #6 17/09/2009, 23h39

الاخ الاستاذ
الفنان/تامرعامر
هات اللى عندك
ماتحرمناش من ابداعك
الله يخليك
الاغنيه جميله جدا
وانت فنان عظيم
وان شاء الله الى الامام
وكل عام وانتم بخير

**ملحن مصري** · #7 18/09/2009, 20h40

السلام عليكم

أشكرك علي مشاركتك وإن شاء الله سوف أرفع اعمال أخري حينما انتهي منها بشكل جيد للمنتدي

**عصام ماضى** · #8 31/12/2009, 12h13

أحسنت جدا ياتامر لحن جميل وسلملى على الأستاذ مدحت وأنا ملاحظ تغييرات كويسه فى نوعيه ألحانك بالتوفيق أن شاء الله وفى أنتظار عمل كبير منك أنت فنان جميل بتحب الفن

**ملحن مصري** · #9 01/01/2010, 15h13

شكرا لتعليقك أستاذي العزيز وأتمني أن أكون عند حسن الظن دائما
ولي وجهة نظر فيما يقدم حاليا لماذا أعلق عليه بأنه ليس جيد
بالعكس كل مايقدم جميل وإن كان لي رأي آخر وخصوصا إن كان لي علاقه بالفن فالأولي أن أقدم وجهة نظري في شكل أعمال وعلي المستمع التمييز بين الجيد والغير جيد

**عفاف سليمان** · #10 20/09/2009, 02h38

اقتباس:

المشاركة الأصلية كتبت بواسطة ملحن مصري

السلام عليكم
طبعا أشكرك دكتور هشام لإهتمامك بسماع الأغنيه والمشاركه برأيك وأحب أطمنك إن رأيك مش هايخليني أكون مغرور بالعكس هاخليني متواضع أكتر وأصمم علي تقديمي للفن الراقي مدام اللي بأحاول أوصله من تقديم لفن راقي إمتداد للجيل القديم وكمان يزيدني ثقه
وأتمني تنول باقي أعمالي القادمه إعجاب الجميع

عجبنى ردك هذا انك سوف تكون على نهج الرواد
ويارب ينولك اللى تتمناه
وتحقق مبتغاك من الابداعات الفنيه والموسيقيه
اسعدك الله وانار بصيرتك الى كل جميل وجديد
وعيد مبارك
اختك عفاف