المشاركة الأصلية كتبت بواسطة سعدالشرقاوى
الى الغالى/علاء ياسين
وحياتى النيل اللى معدّى بطيفك من جنبى
وحيات الكرنك وتاريخه والبرّ الغربى
وقناوى الغالى والوالى والسدّ العالى
مابيشغل بالى فى بعادكم غير شوقى وحبىّ
,,,,,,,
وحيات العمرى ماعلـّمنى أكتب أشعار
وغلاوة رائد وعطيه وناصر دويدار
وأبوسالم وجنابى الغاليه وحمدى وعبدالله
والانس اللى مصحّى الدلتا وصوت الأحرار
,,,,,,,,
وحيات العمر اللى أنا عشته من يوم ماوعيت
وحروف الشعر اللى كتبته من أوّل بيت
انّ انت ياعلوه حبيب قلبى والعين والرّوح
ولابدّ أبوح باللى أنا حاسّه ان روحت وجيت
,,,,,,,,
والجوّ اللى سمعجى يشمّه بروايح موت
وحدود الوطن اللى ناداها أبوزهده تموت
وأبوزيد والجازيه الهلاليّه
وشفيقه وناعسه وبهيّه
وغرام العين العسليّه وتراب أسيوط
,,,,,,,,
وحيات القلب اللى مايعرف غير الأخلاص
والعرق السّايل من خدّى على ايد الفاس
واليوم العاشر فى تاريخنا والذكرى الحلوه
وشهامة علوه اللى مايعرف غير حبّ الناس
,,,,,,,,
أنا ماقدر اردّ على كلامك ومعايا دليل
وكلامى بيسكت قدّامك يابو قلب جميل
وبشوفك نهر بيروينا ,وأكون مجنون
لو عقلى يفكــّر يتسامه مع نهر النيل
,,,,,,,,,, |
رد: علاء طه ياسين(نسمة الجنوب)
(أنا طبعا باهدى النفوس)
العرض الشجري