إلي حبيبي .. سعد الشرقاوي

[علاء قدرى]

المشاركة الأصلية كتبت بواسطة علاء طه ياسين

يا شاعر الغلابة
اللي ماشيين ف حالهم
واللي العطش قتلهم
وبْيِتْرَجُّوا السحابة

يا شاعر الغلابة
اللي عايشين مآسي
وتايهين في المراسي
وكاتمين الصبابة

يا شاعر الغلابة
اللي شايلين جراحهم
واللي بيكون فرحهم
دموع علي الربابة

يا شاعر الغلابة
المليانين هموم
ورقعوا الهدوم
بالذل وبالكآبة

يا شاعر الغلابة
يا ابو القلب اللي طيب
يا للي من الناس قُرَيّب
خد بالك م الديابة

يا شاعر الغلابة
انا جاي من الجنوب
شايل وجع القلوب
( ما ترد عليا يابا )

علاء طه ياسين

اخى العزيز الشاعر الغنائى علاءطه
الشاعر الجميل عمى سعد؛ حاله جميلة من الشعر الساخر لمحيط بيئة تسخر بطبعها من الاشياء؛ لان طبيعة الفلاح فى كل الدنيا واحدة (تحرث)لكى ياكل غيرها ؛ وفى مصر تحديدا يجد الفلاح المعادلة مختلة ؛ فيلجا للسخرية ؛ و يجسدها الشاعر سعد الشرقاوى تلك الحاله بعمق و بساطه ايضا ؛ ومفرداته خاصة جدا تجعلنا اكثر انفعالا لابداعه ؛ لان حال الفلاح من حال المواطن البسيط ؛ الذى ربما لا يجد من يتحدث عنه الا ما ندر
شكرا لتلك الهدية المهداه من شاعر جميل لشاعر اصيل و ربنا يديم المحبة بين كل افراد سماعى