اقتباس:
المشاركة الأصلية كتبت بواسطة علاء قدرى
لو حكم العالم الشعراء
لاكل العالم من فوقهم ؛ومن بين ايديهم ومن تحت ارجلهم ..................................كلام
ولالتحفوا .................................................. ..............بالعراء
الشعراء ملح الارض .....بهم نتذوق الطعام
وقطعة سكر .........تقلل مرارة الاشياء
لكنهم ..............لا يصنعون الطعام؟؟؟؟
|
إيه يا 
أستاذ علاء ده
إنت كده هتقضي على طموحنا السياسي ، همّ يعني الشعرا يقلـّوا إيه عن بتوع لجنة السياسات ؟
أولاً بالنسبة لحكاية كذب الشعرا اللي قال عليها عمنا ناصر دويدار ، كذب الشعرا كذب مُتفق عليه مُسبقاً مابين الشاعر و المشعور و المستشعِر (الشاعِر و الشعر و القارئ) ، على أساس إن: أصدق الشِعر أكذبه
و بعدين لما الشاعِر يبقى حاكم - لاسمح الله- هيكون تحت إيده أدوات الحكم ، اللي هيّ أطول فعلاً من : الخيال و الكيبورد
يعني يكون الحاكم بقلب شاعِر
و بعدين يا عم ماهو عنترة العبسي ، كان شاعِر ، و كان بيحكم بني عبس من الباطِن
و أبي فراس الحمداني ، تجربته في الأسر تفكرك بنيلسون مانديلا في السجن ،
و فيدل كاسترو في الأحراش مع تشي جيفارا
و ناصر دويدار في الكراسي
و عمّي كمال في دمنهور
و رائد عبد السلام في القناطر
و طارق العمري في المركب
و عمنا سعد الشرقاوي في التوتة
و علاء طه ياسين في الصعيد
و محسوبك في كندا
و جمال فتحي في قلوبنا
و ...............
و كان أبو فراس - برضو - بيحكم بني حمدان من تحت الترابيزة
(إيه ده ؟ هو مكتوب على الشعرا يحكموا من تحت بس ؟)
إيه يا أستاذ ؟ إنت معانا و لاّ مع لجنة السياسات ؟
و لا قراءة الأدب شغلتك عن قراءة كتب تفسير الأحلام ؟!
إيه الإحباط ده
إيه ده؟
إيه ده؟
إيه ده؟
إيه ده؟
إيه ده؟
__________________
أستغفِرُ الله العظيم وهو التوّاب الرحيم
رد: لو ما قدرتش تسعد
العرض الشجري