اقتباس:
المشاركة الأصلية كتبت بواسطة علاء طه ياسين
يا شاعر الغلابة
اللي ماشيين ف حالهم
واللي العطش قتلهم
وبترجوا السحابة
يا شاعر الغلابة
اللي عايشين مآسي
وتايهين في المراسي
وكاتمين الصبابة
يا شاعر الغلابة
اللي شايلين جراحهم
واللي بيكون فرحهم
دموع علي الربابة
يا شاعر الغلابة
المليانين هموم
ورقعوا الهدوم
بالذل وبالكآبة
يا شاعر الغلابة
يا ابو القلب اللي طيب
يا للي من الناس قُرَيّب
خد بالك م الديابة
يا شاعر الغلابة
انا جاي من الجنوب
شايل وجع القلوب
( ما ترد عليا يابا )
علاء طه ياسين
|
شاعرنا الجميل ، دوماً
الأستاذ علاء طه ياسين
أنا معاك من الألف للياء في رائعتك دي اللي تستاهل تكون هديّة لعبقري البساطة الشعريّة :
عمّنا سعد الشرقاوي
لكم انا مش معاك في حكاية اللي ماشيين ف حالهم
لإن غلابة عمنا سعد ، مرآة أحوالنا كلنا ، بما منحهم شاعرهم من بُعد نظر و رهافة حِس و قدرة على النقد و الرفض و الحلم ببكرة جميل
*
همّ صحيح يبانوا غلابة ، لكنهم كالبركان الآتي ، يفور و يمور لما يجيله الدور
الله ينوّر عليك يا أستاذ علاء
__________________
أستغفِرُ الله العظيم وهو التوّاب الرحيم
رد: إلي حبيبي .. سعد الشرقاوي
العرض الشجري